تعمل إيه لو إشتريت سيارة و لقيت بصمة الموتور مختلفة عن الرخصة !!

**samirayad** · 05-03-2009 07:49 PM

المشاركة الأصلية كتبت بواسطة khater87

بصراحه اجمدهم الحل التالت

خليه يركز على الحل التالت.......بس يسأل عن زبون من الجماعه دول ويتقصى الأول من بعيد لبعيد.....لحد ميلاقى الخيط.......أصله حرام يرمى الموتور اللى راكب (ويعتبر نفسه دفع باكو كمان فوق تمن العربيه )

**wesam_salom** · 05-03-2009 07:54 PM

المشاركة الأصلية كتبت بواسطة samirayad

خليه يركز على الحل التالت.......بس يسأل عن زبون من الجماعه دول ويتقصى الأول من بعيد لبعيد.....لحد ميلاقى الخيط.......أصله حرام يرمى الموتور اللى راكب (ويعتبر نفسه دفع باكو كمان فوق تمن العربيه )

الاسهل بدل الرشوه

يشترى موتور جديد من بورسعيد ويركبه

وبعدين يبيع القديم قطع غيار

او يشترى اى موتور خرده له ورق وينقل موتوره فى الفارغه بتاعت الموتور الجديد

**khater87** · 05-03-2009 07:54 PM

تانى حاجة اى حد يشترى عربية مستعملة بيطابق رقم الشاسية و المتور مع الرخصة

كلام حضرتك صح
بس اسمحلي اقووول لحضرتك
كاااااااااااام واحد بيشتري عربيه وهو مش اد كده في السواقه
فتخيل لو ملوووش في الميكانيكا او ميعرفش فين مكان رقم الموتور

**samirayad** · 05-03-2009 07:59 PM

الاسهل بدل الرشوه

دى مش رشوه....دى تسليك حال........هو أنت مش شايف الراجل مظلوم.........أمال تقول أيه على اللى غشه وباعله العربيه والموتور متغير (ومش مثبوت فى الرخصه ).............هو أنت مش من مصر برضه زينا وعارف الليله كلها.......................دا أنا علشان أرخص عربيتى (طلعت من المرور ومطلع جيوب البنطلون لبره .....علشان اللى يشوفنى يعرف أن خلاص مبقاش فى جيبى ولا مليم تانى....هههههههههههه )

**Sherif Khalifa** · 05-03-2009 08:00 PM

حضرتك قلت صحبك كلم الناس

معرفتش كان اية ردهم ؟

**Samir Elshahawy** · 05-03-2009 08:06 PM

بصراحة مشكلة كبيرة و ممكن أكبر خبير يقع فيها لأن للدرجة دي بقي مافيش ضمير و العك بقي هو السائد في حياتنا

طالما أنه أتكلم مع الناس اللي باعوا له العربية و طلبوا منه مهلة ممكن يعرف منهم مكان و عنوان البائع اللي أكيد هايكون محتفظ بصور من الفواتير علشان الضرائب ده غير أنه ممكن يكون عنده صورة من الافراج بتاع الموتور ده

**moby** · 05-03-2009 08:16 PM

أنا من رأى لو لم تجد ورق الموتور الحالى يشترى موتور جديد أستعمال الخارج..
لأنه مهما عمل لايمكن يجيب أفراج وكمان حيحصل مشاكل فى حالة بيع العربية مرة أخرى بالأضافة الى المسائلة القانونية لو الموضوع أنكشف فى أى وقت...
الأفضل خليك فى السليم ( الكذب مالوش رجلين)

**Drift_Lover** · 05-03-2009 08:50 PM

كلام حضرتك صح
بس اسمحلي اقووول لحضرتك
كاااااااااااام واحد بيشتري عربيه وهو مش اد كده في السواقه
فتخيل لو ملوووش في الميكانيكا او ميعرفش فين مكان رقم الموتور

انتم خليتوني اقلق يا جماعه...
انا طابقت رقم الشاسيه بس... لما اشتريت العربيه.

ياريت حد يقول لنا رقم الموتور في اللانوس بيكون مكتوب فين ؟؟؟؟

**wesam_salom** · 05-03-2009 09:46 PM

المشاركة الأصلية كتبت بواسطة samirayad

دى مش رشوه....دى تسليك حال........هو أنت مش شايف الراجل مظلوم.........أمال تقول أيه على اللى غشه وباعله العربيه والموتور متغير (ومش مثبوت فى الرخصه ).............هو أنت مش من مصر برضه زينا وعارف الليله كلها.......................دا أنا علشان أرخص عربيتى (طلعت من المرور ومطلع جيوب البنطلون لبره .....علشان اللى يشوفنى يعرف أن خلاص مبقاش فى جيبى ولا مليم تانى....هههههههههههه )

يا باشا انا قصدى انه هيدفع هيدفع

لاء يدفع ويستفاد بموتور تانى

احسن ما تروح لواحد مرتشى وقليل الذمه والضمير

لاننا كده بنشجع الحراميه والمرتشين وبنرجع نشتكى

يعنى خلى الرشوه دى اخر حل

وطبعا ما اختلفناش على ان اللى باع له العربيه نصاب ومن حقه يدعى عليه بس مش هيعرف يشتكيه لانه ماضى على انه عاين السياره معاينه نافيه للجهاله

يعنى يحاول يتقى الشبهات
وربنا يعوض عليه فى حاجه تانيه
ويبارك له ان شاء الله

ومن ناحيه انا من مصر فأنا طنطاوى وما ادراك ما مرور طنطا (انت بلدياتى وعارف)

**khater87** · 05-03-2009 09:58 PM

اخر الاخبار
رحنا للراجل الي باااع العربيه وقعدنا معاه (صاحب المعرض )
حلف بالله انه ميعرف حاجه عن الموضوع ده
المهم كلم صاحبها الاصلي الي بأسمه الرخصه (الرخصه كانت سنتين واتباعت مره قبله )المهم قال انا فعلا غيرت الموتور بس مسلمتش الفاتوره ولا المبايعه بتاع الموتور
المهم قلناله ياعم لما انتا تعمل حاجه زي دي مش تقووول للانتا بعتله العربيه
المهم قالنا نسيت ومعلش واانا اسف وبتاع . ووعدنا انه هيدور علي المبايعه بتاع الموتور علشان نسلمها للمرور . ووعدنا انه حتي لو ملقاااش المبايعه دي هيتحمل معانا من ثمن الموتور الجديد .يعني لو الموتور ب 2000 مثلا هيتحمل 1000
طبعا هو كده احسن من مفيش
بس يارب يكون كلامه صادق وميكونش بياكلنا في الكلام وخلاص .

الموضوع: تعمل إيه لو إشتريت سيارة و لقيت بصمة الموتور مختلفة عن الرخصة !!

LinkBack

أدوات الموضوع

عرض

-

-

-

-

-

-

-

المواضيع المتشابهه

تعمل ايه لو لقيت عيش محطوط على عربيتك ؟

مكان بصمة (رقم) الموتور جراند بونتو 1.4 مانيوال 2009

بصمة الموتور ارجو الاهتمام بجد

خلط انواع مختلفة من زيت الموتور

تعمل اية لو لقيت ثعبان فى السيارة!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة