الحب الثانى....

**i_Am_Legend** · 05-03-2009 07:51 PM

احبائى......بعد تجربتى الاولى والتى اقل ما استطيع ان اقول عنها تجربة فاشلة بكل المقاييس .....نبدا تجربة جديدة مع مراعاة الاخذ بالاعتبار من التجربة السابقة (الحمد لله ربنا وفقنى فى اختيار بنت محترمة جدا وعاقلة جدا جدا ولا بديهات كارينا ولا تسقيط بناطيل ولا ميكب ولا خروج ولا سينيمات ولا الهبل دة بنت متربية صح وخريجة ازهر وعمرها ما كلمت ولد ولا ليها تجربة ولا الكلام دة المهم انا لسة لحد اللحظة دى ماشوفتهاش غير مرة واحدة ومن فترة طويلة بس كل فترة بكلمها فى التليفون اطمن عليها او فى المناسبات فقط لا غير ......لحد ما جت اللحظة المناسبة وصرحتلها باعجابى باخلاقها وقولتلها انى حابب انى اتعرف عليها اكتر علشان ناوى خير ويبقى فى ارتباط وكدة.....(ينفع اشوفك ,لا طبعااااااا انا مش بخرج من بيتنا ولو خرجت بيبقى مع والدتى مش اكتر ومش هاينفع انى اقابلك اصلا لانى عمرى ماعملتها وماقدرش اعمل كدة بدون اذن اهلى) !.......طيب انا عايز اتعرف عليكى ايه الحل؟ طالما انت ناوى على ارتباط ممكن تيجى تتفضل عندنا فى البي ونتعرف على بعض فى وجود اهلى ,,,طبعا حسيت انى بتدبس:10D5C8~1107: قالتلى وانا مش بلزمك باى حاجة مجرد تعارف....... المهم قولت مافيش مشكلة خالصصص قولى لمامتك عنى (اديها فكرة)وقالت لمامتها وبعدين انا كلمت مامتها فى التليفون وقولتلها انى هاجيب والدتى وهانيجى نتعرف عليكم قريب ........وفعلا فاتحت والدتى فى الموضوع ووالدى (والدتى صممت انها تشوفها الاول)المهم اتفقنا انى هاروح انا ووالدتى نزورهم فى يوم يكون مناسب ليا ولوقتى ........تنصحونى بايه؟ البس ايه بدلة ولا كاجوال ....واخد ايه معايا وانا رايح ....
االى ماقراش الموضوع الاول مش هايفهم اى حاجة
الحب الاول....
http://www.nilemotors.net/Nile/showthread.php?t=58180

**mohmd76** · 05-03-2009 09:58 PM

البس ايه بدلة ولا كاجوال

ممكن بدلة ليست كاملة او جاكت بليزر وبنطلون وقميص عادى جدا

يا سيدى الفاضل كما قلت لك زيارة واحدة وهتعدى بدون خسائر سوى كيلو شوكولاته فقط
واستحمل اااااااا نظرة التفحيص من امها واخوتها وكم سؤال فقط وساعه زمن وهتعدى
وربنا يكرم ان شاء الله

**i_Am_Legend** · 05-03-2009 10:25 PM

المشاركة الأصلية كتبت بواسطة mohmd76

البس ايه بدلة ولا كاجوال

ممكن بدلة ليست كاملة او جاكت بليزر وبنطلون وقميص عادى جدا

يا سيدى الفاضل كما قلت لك زيارة واحدة وهتعدى بدون خسائر سوى كيلو شوكولاته فقط
واستحمل اااااااا نظرة التفحيص من امها واخوتها وكم سؤال فقط وساعه زمن وهتعدى
وربنا يكرم ان شاء الله

فعلا انا قلقان جدااااا من موضوع كشف الهيئة اللى هايحصلى دة:10D5C8~1107:
انا حاسس انى هابقى قاعد محرج موتتتتتتتتت:10D5C8~1107::10D5C8~1107::1 0D5C8~1107:

**blazer** · 05-03-2009 10:40 PM

ربنا معاك
وعقبال كل الشباب يارب
:):)
زى ما استاذ محمد قال شاكيت يكفى مش لازم بدله كامله ابدا
وهى الشيكولاته برده :):)

**sasatony** · 05-03-2009 10:50 PM

البس جاكيت بليزر وبنطلون خليك طبيعي يعني
وعلبة شيكولاتة حلوة كده
وربنا معاك انت هتبقي في موقف اسوء من موقف واحد داخل علي لجنة ومش معاه الرخص ومفيم وماشي عكس وحاطط استيكرات

ربنا معاك ياباشا

**i_Am_Legend** · 05-03-2009 11:07 PM

المشاركة الأصلية كتبت بواسطة sasatony

البس جاكيت بليزر وبنطلون خليك طبيعي يعني
وعلبة شيكولاتة حلوة كده
وربنا معاك انت هتبقي في موقف اسوء من موقف واحد داخل علي لجنة ومش معاه الرخص ومفيم وماشي عكس وحاطط استيكرات

ربنا معاك ياباشا

فعلا انا قلقان جداااااا ومتردد وحاسس انهم هايقولولى رخصتك:10D5C8~1107: