اليارس بتطلع صهد من تحت الطابلو العربية بقالها اسبوعين بس عملت 1000 كم فقط
يا ترى دا حصل مع حد غيرى ، و ايه الحل فى رائكم
عرض للطباعة
اليارس بتطلع صهد من تحت الطابلو العربية بقالها اسبوعين بس عملت 1000 كم فقط
يا ترى دا حصل مع حد غيرى ، و ايه الحل فى رائكم
أتأكد ان زرار الهواء بتاع التكييف معمول من انه ياخد هوا من جوه العربيه مش من بره
مع احترامى لرأى الاخ هيما فالسبب بعيد جدا عن المفتاح الخاص بدخول الهواء من الخارج
أتوقع ان يكون السبب من مفتاح الثرموستات بتاع التكييف
أكيد مضبوط على الساخن ناحية اليمين ( الاحمر )
وبكده بيفتح صمام الماء الساخن باتجاه سربنتينة التكييف الداخليه
وده سبب أحساسك بالسخونه اسفل التابلوه
لف بكرة التكييف ناحية أقصى اليسار باتجاه البارد ( الازرق )
راجع ضبط بكرة التكييف وابقى طمنا
إن شاء الله مش هايحصل حاجة بس روح الصيانة وربنا يقدم مافية الخيراقتباس:
طبعا انا متأكد من ان التكييف كان على اخر الازرق لانى شغلت التكييف ، و كان مضبوط على منع دخول الهوا للسيارة من الخارج.
المشكلة ان الصيف لسه ما جاش و احنا لسه فى الشتا و العربية بتعمل كده ، امال لو الجو حر شوية ايه اللى ممكن يحصل
هى مشكله بسيطه باذن الله ولا تحير نفسك
انت عندك صيانة الالف روح اعملها وقول لهم على المشكله دى
وانا متأكد انها بسبب بكرة الثرموستات
أكيد فى قطع فى احد كابلات التحكم بينها وبين صمام الماء الساخن
فمهما تضبطها على البارد مش هتكون فعاله
وبكده البارد برضه مش هيشتغل صح
ودى حاجه بسيطه التوكيل هيصلحها لك فى الضمان باذن الله
اخبار مؤشر الحرارة ايه ساعة لما بيطلع الصهد من التابلوه ؟
الصهد بيطلع اول لما تمشى ولا بعد المشى بشوية؟
والسرعات العالية زى البطيئة؟
لاحظ وقولنا"""
لاحظ لمبة الحرارة وقيس مستوى الزيت والمية وقولنا"