الموضوع: الفورسيزونز

السلام عليكم يا أخواني;
بكرة ان شاء الله معزوم على حفلة في فندق الفورسيزونز, ممكن حد يوصفلي أروح ازاي لأني مش عارف مكانه ولو في مكان أركن فيه قريب علما بأني حتحرك من مدينة نصر, شارع مصطفى النحاس .
السلام عليكم ومشكورين جميعا مقدما.

نقل لدليل الطرق بمعرفتى

مشرف القسم العام

المشاركة الأصلية كتبت بواسطة Scent7104

الفورسيزونز اللي عند جنينة الحيوانات: هتاخد كوبري اكتوبر على طول و تنزل نزلة كورنيش العجوزة (الجهة المتجه إلى الجيزة) و تفضل ماشي على طول هيقبلك نفق شيراتون تنزله و تمشي على طول هتلاقي حيقة الحيوان على اليمين تفضل ماشي هتلاقي مبنى زجاج فيميه بني هتاخد ال U-turn و كأنك راجع و هتركن قبل الفندق أو تاخد أي شارع جانبي و تطلع على الكورنيش تركن خلف الفندق و تتمشى مسافة ضغيرة.
و سهرة سعيدة ان شاء الله

دى وصفة
ولو ليك ف صلاح سالم خدو اتجاه الجيزة عكس اتجاه المطار لغاية م الجيزة ولما توصل م الجيزة تاخد ش مراد لغاية ماتوصل شارع شارل ديجول هتبقى جنينة الحيوان ع شمالك او تاخد شارع جامعة القاهرة وتدخل اى يمين عشان شارل ديجول موازى للجامعة

او خد الدائرى ناحية المنيب وتنزل البحر الاعظم م الجيزة ش مراد جنينة الحيوان

انت ف اى حتة من الجيزة هتوصل بسهولة بس اسال وانت ف الجيزة عشان بيقفلو شوارع الايام دى

او لو تعرف الدائرى المريوطية ش الهرم لغاية الجيزة وتدخل مراد

شوف اسهل طريق من كل دول انت خته قبل كده وكمل للجيزة وهو يعتبر ف قلب الجيزة