الموضوع: تأثير مشروع إحلال التاكسي علي أسعار السيارات والتخفيضات

خليها تصدي
و موديلها يعدي

+1111111111111111111111111111111111111

متغيرات كتير اوي ف السوق=رؤيه ضبابيه لما يمكن ان يحدث

المشاركة الأصلية كتبت بواسطة activehero2006

موضوع تعديل التاكسي ده يمكن يكون جيد لمستخدمي التاكسي لكنه هيكون خراب كبير جدا على سائق ومالك التاكسي لعدة اسباب
1- السيارة القديمة كانت مشيه حلها وقطع غيرها رخيصة وعلى قد لحافك مد رجليك
2- السيارة القديمة كانت بيتعمل لها عمره واثنين وميه ومشيه وتمام التمام ولا كبالن ولا قطع غيار عمال على بطال
3- السيارة القديمة كان بيتحط لها بنزين 80 لكن الان هتبقى مشكلة وكمان الحكومة هتتوجه اكيد لالغاء البنزين 80 وبالتالي سترتفع سعر البنديره لسائق التاكسى وطبعا بلدنا اخر حلاوة انها مفيش اصلا بنديرية وخلى الناس تتخانق مع بعض وماله خليها ولعه
4- خسارة من جهتين للسائق هيضطر يستغنى عن سيارة جامده حديد بتتماشي مع الطرق المصرية بقيمة 5000 جنيه ويبدأ في شراء سيارة جديدة عليها اقساط ولو ربنا سهل وخلص اقسطها يلاقي تحت رجله عربية عرجه مش هتقدر تكمل معاه يعنى هيدفع اقساط 60 او 70 الف وبعد انتهاء مدة التقسيط العربية مش هتساوي 20 الف جنية


اذا يتضح لنا اهداف الحكومة وهي كالتالي

1- السبب الرئيسي لمشروع التاكسي هو لخدمة اصحاب مصانع السيارات فقط لمعالجة الركود والخسارة المتوقعه لهم في هذا القطاع (بيع السيارات الجديدة وتشغيل قطع الغيار ده شيئ مهم) وليس لخدمة والمحافظة على العاملين بهذه المصانع لان الحكومة لو بتهتم بالعاملين باي قطاع مكنتش خصخصت قطاعات كثيرة بالبلد وسرحت العمال على المقاهي صبح ليل
2-الغاء بنزين 80 المدعوم من الدولة وبالتالي زيادة سعر البنديرة
3- ان تحل مشكلة المرور بالشارع المصري وتنفرج شوية نتيجة اعطال السيارات القديمة (مع العلم بان المشكلة اشمل واعم من ذلك بكثير)
4- تقليل العوادم الناتجة عن السيارات القديمة بالشارع المصري والمحافظة لحد ما على البيئة

هذا رأي وربنا يستر على غلابة مصر

بصراحة انا شايف العكس انه هيكون كويس علشان الاتى

1- لما اركب تاكسى يكون حالته معقولة مش كانو خارج من الموت بكفاله و ينتهى انه يقف بي فى نص السكة
2-العربيات التعابنة دى اصحابها بيمشوا فى الشارع بنظام وسع احسن انت اللى خسران ، و مش هيهموا لو حك او حتى اتخبط، واحد راكب شاهين قلى انه بيغير فانوس كل شهر او شهرين بس مش فارقة معاه علشان كلها 15 جنيه
3-حالة بعض التاكسيات بقت خطر، من شهران بنتى قدام المدرسة تاكسى الفرامل هربت و دخل فى عربية واقفه و بنتى كانت لسة معدية من العربية دى و زميلتها اللى عديت بعدها حصلها تهشم فى الساق و لسه فكه الجبس
4-طبعا الزحمه على بنزين 80 هتقل بس تفتكر ان التاكسى مرفعش البنديره لما البنزين غلى حتى و هو بيحط 80
5-اكيد العادم فى الشوارع هيقل و ده الكل هيستفيد بيه

فحتى لو فى عيوب انا شايف المميزات اكتر و ده مجرد رأى

المشاركة الأصلية كتبت بواسطة Mina W

بصراحة انا شايف العكس انه هيكون كويس علشان الاتى

1- لما اركب تاكسى يكون حالته معقولة مش كانو خارج من الموت بكفاله و ينتهى انه يقف بي فى نص السكة
2-العربيات التعابنة دى اصحابها بيمشوا فى الشارع بنظام وسع احسن انت اللى خسران ، و مش هيهموا لو حك او حتى اتخبط، واحد راكب شاهين قلى انه بيغير فانوس كل شهر او شهرين بس مش فارقة معاه علشان كلها 15 جنيه
3-حالة بعض التاكسيات بقت خطر، من شهران بنتى قدام المدرسة تاكسى الفرامل هربت و دخل فى عربية واقفه و بنتى كانت لسة معدية من العربية دى و زميلتها اللى عديت بعدها حصلها تهشم فى الساق و لسه فكه الجبس
4-طبعا الزحمه على بنزين 80 هتقل بس تفتكر ان التاكسى مرفعش البنديره لما البنزين غلى حتى و هو بيحط 80
5-اكيد العادم فى الشوارع هيقل و ده الكل هيستفيد بيه

فحتى لو فى عيوب انا شايف المميزات اكتر و ده مجرد رأى

كلامك سليم يا موحد القطرين

لن يكون هناك تأثير
بالعكس دة سكة لتسريب المخزون بدل من حرق الأسعار
ولن يساهم في خفض الأسعار