عندي سؤال محرج شوية
انا بتعب جداً لما بركن سيارة بين سيارتين
ايه افضل طريقة لكده
ومش عايز حد يا اندال يضحك علي علشان انا فعلا مش بعرف
عرض للطباعة
عندي سؤال محرج شوية
انا بتعب جداً لما بركن سيارة بين سيارتين
ايه افضل طريقة لكده
ومش عايز حد يا اندال يضحك علي علشان انا فعلا مش بعرف
انا كمان زيك و مش بس كده انا الصراحة لسة على اول الخط فى السواقة :majd(2)::k8:
نفرض انك هتركن على اليمين (موازي للرصيف بين عربيتين موازيتين للرصيف). أول حاجه لازم تقدر الأول المكان بين العربيتين يكفيك و لا لأ؟ لو يكفيك اتبع الخطوات التاليه:
1- العربيه اللي قدام هتقف جنبها موازي ليها بالضبط. الخطوه دي مهمه جدا و سر نجاح الخطوات التاليه انك تقرب من العربيه جدا "بس من غير ما تخبطها طبعا :44:"
2- هترجع ورا بشويش و الدريكسيون معدول لغايه ما تشوف البوز الشمال لشنطه العربيه اللي جنبك من الثلث الأخير من زجاج الباب اليمين الخلفي لعربيتك (معلش ركز معايا مش هعرف ارسمهالك).
3- أول ما يظهر بوز الشنطه... تكسر الدريكسيون يمين على الآخر و تكمل رجوع لغايه ما الكاوتش الخلفي يبقى بينه و بين الرصيف حوالي من 10 الي 20 سم (ممكن توطي مرايه الجنب اليمين لتحت علشان تشوف الرصيف) "خليك حذر في المرحله دي و بص على العربيه اللي وراك لأن لو المكان ميكفيش عربيتك هتخبط العربيه اللي وراك"
4- اول ما المسافه بين العجل الخلفي و الرصيف توصل ما بين 10 الى 20 سم فرمل و اكسر الدريكسيون شمال على الآخر و كمل رجوع بشويش "في المرحله دي تبص على العربيه اللي قدامك علشان متخبطهاش بالرفرف الأمامي اليمين لعربيتك.
5- لو المكان ضيق شويه... او كانت الدخله بتاعتك مش صح 100% من الأول ممكن تحتاج تكسر يمين تاني و تطلع قدام شويه.. و بعدين شمال على الآخر و ورا تاني علشان تعدل العربيه.
مع التجربه و التكرار هتلاقي نفسك بتركن اسرع اقرب من الرصيف.
يا ريت اكون قدرت اساعد بحاجه.. و لو اني عارف ان الشرح يلخبط شويه.
سلام عليكم
ممكن تجرب تحط قمعين او اي حاجتين بارزين وتجرب تركن مابينهم
.....
............
كان في احد الاعضاء الكرام عمل موضوع عن الركنة وكان الموضوع فيه فيديوهات بتوضح الطريقة
انا شوفتها وسهلت عليا اوي الموضوع ده
انا مش فاكر هي في اي قسم
لوحد فاكر الموضوع او عنده الفيديو ياريت يحطه
وانا برده حدورلك عالموضوع
اتفرج على الفيديو ده علشان تعرف ان مش انت لوحدك اللي بتعاني
http://www.youtube.com/watch?v=m7gsE...eature=related
وده فيديو بيوضح طريقة الركن المتوازي
وفكرة جامدة جدا للي مبيعرفوش يركنوا
http://www.youtube.com/watch?v=uir63vOhXeg
ودي شوية مواضيع بتتكلم عن الركن
وحتلاقي فيها شوية العاب ركن كمان.... اي خدمة
http://www.nilemotors.net/Nile/showt...t=%CA%D1%DF%E4
وده حيفيدك جدا خصوصا المشاركة رقم 8
http://www.nilemotors.net/Nile/showt...t=%CA%D1%DF%E4
وده برده رائع .... شوف الفيديو الاول في المشاركة 6
ده اللي حيعلمك بجد
والموضوع ده فيه فيديوهات تانية للركن كتير
http://www.nilemotors.net/Nile/showt...t=%CA%D1%DF%E4
اظن دول كفاية ولو عاوز تاني ممكن تعمل بحث
اتمنى اني اكون افدتك