المشاركة الأصلية كتبت بواسطة tutankhamoun
مبروك يا علا النمر الجديدة
شكلك أول مرة تروحي المرور !!
دي بلد متخلفة و هاتفضل متخلفة كدا لمدة كبيرة و ربنا يرحمنا
و أكتر حاجة بتفقعني هي الناس
تلاقي مثلا طابور طويل
كل اللي واقفين في الطابور مستعجلين ( شئ طبيعي ) و لكن اللي مش طبيعي أنه محدش عايز يقف طابور لنفس الحجة أنه مستعجل و تلاقي الموضوع قلب بزرميت و خناق و قلة أدب
و هي دي مصر
بزرميت و شعبها بزرميت برضه ( للآسف ) لأن الشعب هو اللي بيعمل الفوضى مش البلد
طبعا بالاضافة للنظم ( اللي وجهة نظر الحكومة نظم و لكنها لا تمت للكلمة بأي صلة !!! ) النظم الخربانة أو الفسدانة أو ممكن نقول نظام مصر اللي هو عدم وجود نظام و وقواعد الناس تمشي عليها
و لما بيحطوا نظام ........... الناس بيبقى مش عاجبهم و مش عايزين يمشوا على نظام علشان هما أتعودوا على الهمجية
بس ناصحين كل يوم تلاقي الناس كلها بتشتكي .... و لما نقولوهم يا جدعان طيب تعالى نغير احنا و نقف طابور ...يقولك أنت هاتعملي فيها مصلح أجتماعي !!!!!
فالمشكلة معقدة ( الشعب مش عايز يتنظم من نفسه ) و لما بتجبره على النظام هايبقى صعب أنك تراقبه ليل و نهار
يبقى خلاص ........ البلد مفيهاش فايدة لأننا كشعب مفيش فينا فايدة