السلام عليكم ورحمة الله وبركاته؛

يمكن الموضوع مهم لبعض الأعضاء الكرام في المنتدى علشان كدا حبيت اقول عن تجربتي..

كنت متعود احط زيت موبيل 1 وبعدين اكتشفت انه بينقص، فغيرت لشل هيلكس ألترا هو أفضل من موبيل بس صوت العربية بيبدأ يعلى بعد 3000 كيلو..

لما جربت كاسترول..كان أسطورة بس كانت الصعوبة في إن كاسترول مش موجود في مصر وكمان ثمنه كان حوالي 780 جنيه وبيفضل في العربية 15000 بس فعلاً كان أسطورة.. وللعلم هو الزيت المعتمد من فولكس والعربيات الي جاية من برة بتلاقي غطاء زيت في العمة عليه علامة كاسترول أو الاستيكر الملصوق على صدر العربية..

أنا متعود بغير الزيت كل 6000 كيلو نظراً لاختلاف ظروف التشغيل بين الجو في مصر والجو في أوروبا..

قررت أغير لإمارات مصر باور سينث

الحقيقة لحد دلوقتي أنا عامل 6000 كيلو وكأن العربية مغيرة زيت الاسبوع الي فات...مش عارف فعلاً اقول هو وهمي إزاي منققصش خالص وفعلاً أداء فوق الرائع.

هو طبعاً أنا إن شاء الله حغير الزيت الأسبوع الي جاي..

أنا حبيت أشارك تجربتي معكم..وفعلاً موبيل 1 دا أسوء نوع زيت


-------------------------------

تم تعديل العنوان ليتناسب مع الموضوع
مشرف القسم

--------------------------------