عرض للطباعة
معرفش هي فكره مجنونة...
بس انا فعلا شايف في خبرات كتيرة في الموقع انا مفيش حاجة دورت عليها الا لما لقيتها
الخبرات عالية جداً
الاتصالات مع الشركات على اعلى مستوى
طيب ما تيجوا نفكر نعمل عربية ونسميها نايل موتورز
وح تكون في سجل في حياتنا
كلنا باختلافنا عقائدنا واختلاف وجهتنا السياسية بنحب مصر
طيب ما تيجوا نبتدي الخطوة ديه
مش شرط عربية
ممكن نعمل جريدة واكيد ح توصل للعالمية
اي حاجة ياجماعة بس المهم نبتدي
فكره حلوه
والله الموفق
في اي حد عنده اقتراحات
ممكن أولا كبداية نحاول نعرف من بعض المشكلات التي تعوق وجود عربية مصري.
لا مؤاخذة أصل واحد قالهالي و انا مصدقه "عندنا مهندسين ميكانيكا يلفوا الجولف على ايديهم".... يا عالم ده فيه قسم اسمه هندسة سيارات!!!!!!!!
الهدف حصر المشكلات و تشكيل خطة لمحاولة حلها
سيدي الفاضل
مهندسين مصر بجد من اعظم مهندسي العالم وعقلهم وتفكيرهم ناضج جدا بس مش كلهم أكيد قلة قليلة وممكن يعملوا حاجات رهيبه بس للاسف الدعم المادي غير موجود وعدم التشجيع بيسبب لهم الاحباط
ده ياراجل واديني في الجامعة وبنعمل مشروع للجامعة وللاسف مفيش تشجيع ولا دعم مع اني لسه طالب في سنوات النقل مش مرحلة بكالوريوس ولا حاجة
هي دي العقبات اللي بتواجهنا : ( الدعم المادي - المواد الخام - بيئة مناسبة للبحث والتطوير )
+100000000000000000000000000
بيتهيقلى مش لازم نعمل العربيه كلها
انما تصميم الموتور و شاسية و الشكل الخارجى و العفشه
محتاج تصميمات بس
اما تنفيذ ممكن تتعمل فى المصانع الموجوده ( صاج - خراطه - زجاج - كراسى - بلاستيكات - كاوتش و خراطيم - .......)
و ممكن نعمل مصنع بالمساهمه بنا كلنا و ممكن اليشارك ب
ارض
فلوس
مكتب محاسبه يكون صحبه موجود معانا
مهندسين (ميكانيكا - كمبيوتر - مدنى)
عماله
و يسلام لو حد يقدر يعمل دراسة جدوى للموضوع
و ممكن يكون حد فينا و اصل حبتين و يدخل معانا الحكومه بنسبه 49%
فيه مصري قام بعمل سيارة بالكامل من الخشب شكلها اصلا تحفة
و طلب لها برائة ختراع و سجلها
خدوا بقى المفجاة ديه
هو تعليم فني
يعني لا مهندس ولا حاجة
و فعلا الابداعات موجودة و عندنا عباقرة فيمجال السيارات مصريين
المشكلة فكر منظم بس
لان الدعم المادي موجود بس مين اللي يعمله
؟؟؟؟؟؟؟؟؟؟؟؟؟؟؟؟؟؟
الكلام دة جامد جدا بس مين يسمع حضرتكاقتباس:
المشاركة الأصلية كتبت بواسطة أبو ياسين
ربنا يوفقك متابع
زي ما ذكر الاخوة الافاضل عن اللي عمل عربية
العقبة اللي واجهته هي المرور مرداش يرخص العربية لانه مش بيعترف باي سيارة ملهاش ماركة معروفة
يعني لازم يكون فيه تنسيق مع المرور من الاول
او مع جهات حكومية على الاقل
علشان التعب ده ميروحش على بلاش
بالمناسبة يا جماعة
مصر فعلا بتصنع عربية بمعنى الكلمة
بس مش عربية مدنية
دي مدرعة عسكرية تدعى فهد و هي صناعة مصرية تبع مصانع الهيئة العربية للتصنيع الحربي
و مصر كانت بتصدرها لدول عربية كثيرة من اشهرها العراق
لانه كان اكبر مستورد لها في عصر صدام حسين
احنا الشعب البيتقلب للكبير و الصغير
-تخبل ان عربيه زى الانوس بتعتى تكلفتها على ما اعتقد متعديش 35 بالكتير بتتباع ب 70 الف شيل منهم الاعلانات و العماله و الضرائب يبقى صافى مش اقل من 15 الف مكسب للوكيل
-وحققت مبيعات من 98 ال 2008 165 الف سياره قول 150 الف
-150 الف /10 سنين = 15 الف سياره سنويا
- 15 الف لانوس * 15 الف جنيه = 225 مليون فى السنه صافى ارباح من عربيه واحده
-ده غير الصيانه و قطع الغيار
تخيل بقى باقى سوق العربيات عامل ازاى
لو احنا 1000 واحد اشتركو فى الموضوع ده
و كل واحد دفع 100 الف
100,000*1000=100,000,000
ميه مليون معرفش ده كفايه عشان نبدا و لا
ده يوضح بدراسه جدوى
و فكرنا ناكل السوق فى فئه معينه بعربيه واحده بس مش بعيد تبلع السوق
يا استاذ ابو ياسين
الموضوع مكلف جدا و بيخش في المليارات
لانك مش بتعمل عربية و لا اتنين
انتا المفروض بتعمل انتاج اقتصادي فالموضوع بيخشله في مليارات
دا انتا علشان تعمل مركز خدمة محترم بتحتاج حوالي 10 مليون جنيه
ما بالك بمصنع لتصنيع السيارات
عارف و بضرب ارقام فى بعض مش اكتر ياباشا كان فى دراسه جدوى اتعملت من GM عشان يعملو مصنع فى الصين تقريبا الموضوع دخل فى مليار و 600 مليون دولار الدراسه دى كان معايا نسخه منها هضور عليهااقتباس:
المشاركة الأصلية كتبت بواسطة crazylambada
والله فكره جميله جدا
ربنا الموفق
وكمان فكرة مجلة نايل موتورز فكره جباره بس طبعا ترجع
لادارة المنتدى ياريت يتم الموضوع ده
طب انا عندي فكره مجنونه بس واقعيه وهيه ممكن تصدم البعض ويفتكروني داخل اهرج بس انا بتكلم بجد
ما تشوفلكو مصنع فالصين على قد حالو يعمل النموذج اللي انتو عايزينو يحط اللوجو بتاع النايل موتورز وكده يبقى عملنا ماركه جديده فالبلد ولو الموضوع مشي نشتري مصنع فالصين ونوزع فالعالم مشي ننقل التكنولوجيا بقى مصر .... دا رايي
الهدف تنميه الصناعه الوطنيه
و مدام الحكومه مش عارفه يبقى احنا ممكن نعمل
السلام عليكم
انا مكنتش متوقع الإيجابية ديه من الزملاء
بس اعتقد أن ديه بعض الافكار ممكن حضرتكم تقولوا رأيكم فيها
1- بخصوص الخبرة الفنية
أ.- اعتقد ان الموضوع يحتاج مهندسين PLC وميكانيكا سيارات وطلبة كلية الهندسة لو تقدموا لأستاذة الجامعات بالفكرة ديه للمساهمة اعتقد ان الموضوع ممكن يأخذ شكل تاني
ب.- في فكليات الهندسة حاجة اسمها مشاريع التخرج ممكن يتم عرض الفكره على استاذة الجامعات للوصول لأفضل تقنية
ت.- مش عيب ان احنا نبتدي من حيث انتهى الاخرون يعني ممكن نشوف احدث تقنية ونكمل عليها أو نشوف ايه احسن تعديل عليها وده ممكن يكون زي ماعملت اليابان بنظرية الهندسة العكسية أو Reverse engineering
2- بخصوص خطوط الانتاج
ث.- ممكن يتم تأجير خط انتاج من أحد مصانع تجميع السيارات وممكن نخلي الشركة المجمعة تدفع فلوس كمان بإنها تكون شريكة في المنتج بمعنى انها ممكن تحمل اسم المنتج وتكون شريكة للربح وكفاية احنا احسن دعاية اللي جعل الناس تشتري الصيني اعتقد انها ح تقبل على السيارة
ج.- (مثلا هيونداي نايل - كيا نايل... الخ)
ح.- الموضوع فيه جزء تاني ايجابي تخيلوا يجماعة حجم العمالة وح تفتح كام بيت
2- بخصوص الدعم المادي
ممكن نعمل اي دعاية للتمويل وديه بعض الامثلة
أ.- مجلات او جريدة اسبوعية وانا متأكد انها ح تنجح وطبعا كل اعضاء المنتدى ح يشتركوا فيها اللي بيعرف يستعمل برامج الفوتو شوب أو الورد أو بحث عن المواضيع في الانترنت.....
ب.- تخيلوا لو اتعمل دعاية في التلفزيون عن المشروع ده زي مستشفى 57357 انا متأكد الموضوع ح يكون ليه قبول
ت.- خط انترنت نايل موتورز
ث.- تي شيرت نايل موتورز
ج.- نفس الفكرة التمويل ممكن يكون من الشركات التي سوف يتم التعاقد معاها في فكل شركة قسم اسمه مركز ابحاث او التطوير بأي شركة (انا كنت شغال في شركة فيها القسم ده وكانت شركة كورية) ممكن اقتراح انشاء القسم في الشركات المصنعة
ح.- انا عن نفسي انا ممكن اتبرع بألف جنيه بس حد يقول ازاي وانا اول متبرع ولو ربنا اداني ح ادفع كمان
في حاجات كتيرة
فكرتوني بليلة سقوط بغداد
لما قرروا يعملوا سلاح ردع بدل الحكومة
الموضوع مش حينفع بالجهود الذاتية
استحااااااااااااااااااااا لة
يا اما الحكومة يا اما مستثمر
كلامك سليم 100في100اقتباس:
المشاركة الأصلية كتبت بواسطة firstknight216
كويس اننا بدانا لو بخشب حتى اكيد هنوصل شويه شويه
حضرتك لمست عصب الموضوع اكيد الموديل الاولي حيكون من الخشباقتباس:
المشاركة الأصلية كتبت بواسطة abdalla45
يللا بين نبتدي
السادة المصممين نبتدي بالشكل التخيلي للسيارة الشكل ح يكون ازاي
في معلومة عايز اقولها ربنا مش ح يسألنا عن عبدتنا وبس ربنا ح يسألنا يوم القيامة عملنا ايه في الدنيا يفيد الناس ويمكن ديه تكون بذرة لدخول الجنة
توكلوا على الله وقولوا بسم الله الرحمن الرحيم
ياجماعه احنا مش عايزين نصنع ونصدر عربيات
احنا يادوب نعمل حاجة نكفي نفسينا بيها انا كنت بتمني فعلا ادخل كلية هندسة اي قسم !
زي مادول شرق اسيا كفوا نفسهم منتجات والموضوع بدأ ياخد شكل احترافي لغاية الي احنا شايفينه بعينينا دة وبقوا بيحتلوا الدول المنتجة
واحنا بأمانة ربنا لو كنا اتكلمنا في الموضوع دة في اي وقت تاني محدش كان هيحط في دماغه واهي كلمتين وهيصه .. انما الناس تعبت وبقت مستعدة تعمل اي حاجة عشان ترحم نفسها من ايد ناس معندهاش ضمير ولا رحمة.
تحياتي
لسه ما ظهرتش اي تصميمات اولية ؟؟؟
في حد ابتدى ولا لسه
على فكرة في معرض فورميولا الأهرام اللي فات كان في قاعة مخصصة لعرض تصميمات سيارات أولية عاملها الناس بتوع فنون تطبيقية وهندسة....وكان في منها تصميمات حلوة جداً
بس للأسف القاعة ما كانش فيها مخلوق! والله بدون مبالغة ما لقيتش بني آدم واحد حتى من أصحاب التصميمات المعروضة!!! الواحد لما دخل القاعة دي حس كأنه دخل في صحرا !! :biggrin24:
همه تقريباً كانوا موجودين في أول يوم في المعرض بس وبعد كده خلعوا !! :laugh6:
احنا الشعب البيتقلب للكبير و الصغير
-تخبل ان عربيه زى الانوس بتعتى تكلفتها على ما اعتقد متعديش 35 بالكتير بتتباع ب 70 الف شيل منهم الاعلانات و العماله و الضرائب يبقى صافى مش اقل من 15 الف مكسب للوكيل
-وحققت مبيعات من 98 ال 2008 165 الف سياره قول 150 الف
-150 الف /10 سنين = 15 الف سياره سنويا
- 15 الف لانوس * 15 الف جنيه = 225 مليون فى السنه صافى ارباح من عربيه واحده
-ده غير الصيانه و قطع الغيار
تخيل بقى باقى سوق العربيات عامل ازاى
لو احنا 1000 واحد اشتركو فى الموضوع ده
و كل واحد دفع 100 الف
100,000*1000=100,000,000
ميه مليون معرفش ده كفايه عشان نبدا و لا
ده يوضح بدراسه جدوى
و فكرنا ناكل السوق فى فئه معينه بعربيه واحده بس مش بعيد تبلع السوق
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
احب اقول لسيادتك ان الصناعه دى اجزاء
1 - صناعه حجم انتج كبير (المواتير / الفتيس / اى حاجه جوه العربيه) ودى عشان نبتدى نوصل لنقطة التعادل (لا مكسب ولاخساره) على الاقل 5000 قطعه يوميا لأن التكاليف التطويريه عاليه جدا
(معظم العربيات الصينى مواتير ميتسوبيشى)
2 - العفش وبعض اجزاء الهيكل ودى اسطمبات تصمم وتصنع ومش حنرد تكلفة تصنيعها قبل عدد معين من القطع المنتجه من الاسطمبه " زى وشاش الفوانيس اللى موجوده فى شركة الاهرام - الجلب المصرى "
3 - الاجزاء التكنولوجيه البسيطه - الكماليات الاساسيه ودى بقى حجم الانتاج القليل ممكن يحقق ربح فيها " اللمبات - الجوانات - الاولسيلات "
4 - صناعات ممكن التنافس بها زى الصاج "اكبر مثال الفيات" - الكبالن " التكنولوجيا ثابته ولا تتطور كثيرا"
ملحوظه : انا بتكلم بعد ما مسكت محل بتاع عيلتى سنه ونصف فى الحرفيين (بيبو لليابانى والكورى واشتغلنا فيات ودلوقتى المحل تقريبا اتباع اللى كان تحت محل الحاج سيد بتاع المستعمل اليابانى وحمدى سويفت وكان جارى محل الحاج شهاب بتاع الجولف- ده لو حد منكم بيدوس فى الحرفيين كتير) وانا اساسا محاسب وكملت دلوقتى شغال محاسب ائتمان فى بنك يعنى بتكلم عملى ومن قراءات الدراسات والسوق .
واتمنى الافاده "الكمــــــــــــال للــــــــــــــــــــــه "
موضوع جامد جدااااااااااا وانا معاكوااااااااااا فى اى حاجة ققدر اعملها بس على فكرة طلبة تصنيع عندنا فى الأكاديمية عملوا عربية بدائية جدااا كمشروع تخرج و نجحت :) الموضوع مش مستحيييييييل الموضوع عادى بس عايز تشجيييييييع
فى بحث عملته:,::coool: لما البنزين غلا و كانت النتيجة انى وجدت طريقة لتوفير البنزين و هية استخدام الهيدروجين
و فعلا حاولت انفذ الموضوع دة و جربته على عربيتى الريجاتا اللى بجرب فيها كل حاجة و فعلا لقيت توفير مش اقل من 15%
فى الصفيحة طبعا المعدات اللى شغال بيها على ادها و مفيش دعم مادى بس ان شاء الله ححاول اكمل الموضوع و اطوره باذن الله
والله المستعان
إزاى احكلنا !!! التجربة ديهاقتباس:
المشاركة الأصلية كتبت بواسطة hossam_nasr
احكي لنا والنبي علشان البنزين قطم وسطنا :biggrin::biggrin:اقتباس:
المشاركة الأصلية كتبت بواسطة hossam_nasr
الحكاية كبيرة اوي يا جماعة مش مجرد خبرة وبس
اعتقد الموضوع عايز دراسة جدوى فعليه وح تكون البداية كلية الهندسة ولازم يشارك فيها اساتذة كلية الهندسة