الموضوع: اية رايك فى تجميع النوبيرا بغض النظر عن صوت شكمانها :)

مهو عشان اوتوماتك حتلاقى التجميع فى النقلات اللى تحت بيبقى ضعيف شوية... جرب نوبيرا مانيوال

MMamdouh

الموضوع ملوش علاقة بموعد النقل او سرعة اداء السائق فى نقل التروس

اى عربية اوتوماتك بيبقى فيها torque converter و دة سبب فقط بعض من عزم الموتور فى الطلعات بتاعت اى عربية اوتوماتك... لاحظ كدة لما تكبس لعربية اوتوماتك من الثبات... لازم تلاقى الRPM سبق شوية عداد السرعة... الظاهرة دى نتيجة ان مفيش اتصال مباشر بين الموتور و الفتيس نتيجة وجود محول العزم

و زى ما سبق و شرحنا... عشان تعمل اى مقارنة بين عنصرين لازم تثبات باقى المتغيرات... يعنى مينفعش تفترض ان اللى راكب الاوتوماتك سواق و اللى راكب المانيوال معندوش فكرة... اعتبر الاتنين سواقين جامدين حتلاقى المانيوال دايما فى المقدمة

MMamdouh

المشاركة الأصلية كتبت بواسطة khalidsdk

كلام جميل جدا

Torque Converter في الأوتوماتيك بيقابله Clutch Disc اللي هو اسطوانة الدبرياج في المانيوال ولا أعتقد أبدا ان كفاءة اسطوانة الدبرياج في المانيوال أعلى من محول العزم في الأوتوماتيك لنفس السيارة ونفس السائق .

للاسف اعتقادك خاطىء

محول العزم بيعتمد على توليد ضغط هيدروليكى من دوران طلمبة زى طلمبة الباور و الضعط دة بيحرك عنصر دوار بينقل الحركة الى الفتيس على عكس الاسطوانة و الدسك اللى بتنقل الحركة من خلال احتكاك ميكانيكى و بالتالى الفقد فى الطاقة اكبر بكتير فى محول العزم

تخيل كدة جسم وزنة كيلو محطوط على طربيزة و حاول تحركة بايدك ثم حاول تحركة باسطة اندفاع مية من خرطوم مثلا... طبعا بفرض ان قوة ايدك تساوى قوة الميه المندفعة من الخرطوم... ايدك حتاثر على الجسم بشكل اسرع نتيجة قلة الهدر فى القدرة مقارنة بالمية

الدليل :

في العربية المانيوال عشق على الأول وخلي العربية تمشي لوحدها من غير ما تدوس بنزين ولا دبرياج (ما تخليهاش تطفي) يعني كأنك معشق على D في الأوتوماتيك ، في هذه اللحظة اكبس لها بنزين حتلاقي نفس نتيجة الأوتوماتيك حتلاقي RPM سبق عداد السرعة

لو حصل و الRPM سبق عداد السرعة بنفس الشكل اللى بيحصل فى العربية الاوتوماتك تبقى اسطوانة الدبرياج فى العربية المانيوال مفوتة و بالتالى متعتبرش مقياس

لو عربية سليمة و عملت كدة حتلاقى المانيوال فركت فى الاسفلت و طلعت زى النبلة لكن الاوتوماتك الRPM حيعلى بمعدل اكبر من سرعة العربية و بعد كدة الفرق فى المعدل حيقل مع زيادة لفات الموتور لان نقل العزم بيتم بشكل تدريجى

لأن الطاقة لن تنتقل مباشرة بسرعة الضوء إلى العجل صوت الموتور بيعلى بعدين بيولد طاقة

صوت الموتور اصلا مرتبط بالطاقة اللى بيولدها بالتالى مينفعش الموتور يطلع صوت الاول و بعدين تطلع طاقة

ثم تنتقل هذه الطاقة إلى الكبالن ثم تنتقل بدورها إلى العجل فتتسارع السيارة

الكلام دة ينطبق على المانيوال و الاوتوماتك على حد سواء بالتالى ميفرقش حاجة فى المقارنة

، بل على العكس أنا أجد هذه المقارنة لصالح الأوتوماتيك لأن هذا الموضوع يحدث بسرعة فائقة في الأوتوماتيك عند كل نقله ، ويحدث ببطء في المانيوال عند كل نقلة أيضاً

العكس هو اللى بيحصل نتيجة فقد الطاقة اللى بيحصل فى محول العزم

، لأن لاحظ إن سائق المانيوال لازم 1)يشيل رجله من على دواسة البنزين تماما 2)ثم يفصل حركة التسارع عن طريق الضغط على الدبرياج 3)ثم يقوم بنقل الفتيس 4)ثم يوصل حركة الموتور بالفتيس عن طريق رفع رجله من على الدبرياج 5) ثم يغذي عملية التسارع بالضغط على البنزين.

الكلام دة ملوش علاقة بطبيعة عمل الدبرياج التقليدى مقارنة بمحول العزم

طيب بالله عليك احسب انت الزمن اللي ممكن يعمل فيه أي سواق محترف الـ 5 خطوات السابقة !!!

نص ثانية على اقصى تقدير

أقل تقدير ثانيتين للمحترف وأقصى تقدير 5 ثواني للسائق العادي .

يا راجل يا طيب.... ثانيتين و خمس ثوانى؟؟؟؟؟؟؟؟؟

دا كدا بنتكلم فى سواق معوق و التانى ايدية و رجلية مقطوعة

شوف الفيديوهات دى و اتفرج النقل بيبقى ازاى فى عربية مانيوال لما تحب تشد

http://www.youtube.com/watch?v=LHxgK9xknqM

http://www.youtube.com/watch?v=w4N-J...eature=related

http://www.youtube.com/watch?v=PygH3...eature=related

و على كلامك دة و على كلام كتالوج اللانوس اللى بيقول ان العربية المانيوال بتجيب من صفر الى 100 فى 12.5 ثانية... يبقى فيه 4 ثوانى من ال 12.5 دول نقل بين الاول للتانى و التانى للتالت... اذا نظريا لو كلامك صح العربية الاوتوماتك المفروض تجيب من صفر الى 100 فى اقل من 8.5 ثانية... صح؟؟؟

المفاجئة الكبيرة ان العربية الاوتوماتك بتجيب من صفر الى 100 فى 15 ثانية... فسرلى انت بقى دة حصل ازاى؟؟؟؟؟؟؟؟؟؟؟

طيب الثانيتين دول اللي هو فاصل فيه التسارع تماما حيكون الأوتوماتيك اللي بيعمل الكلام ده في جزء من الثانية ودون أن ترفع رجلك من على البنزين يعنى التسارع شغال ، حيكون وصل إلى أين ؟؟؟

الازمنة اللى بتقول عليها دى غير منطقية بالمرة.... و انك مازلت بتفترض ان اللى راكب العربية المانيوال مبيعرفش يسوق... اعتقد دلوقتى انت شوفت العربيات المانيوال بتتساق ازاى فى الفيدوهات بالتالى اللى بتقولة دة مينفعش خالص

و حفترض معاك ان الفتيس الاوتوماتك له الافضلية فى زمن النقل بين السرعات... بس طبعا مش بالفرق الوهمى اللى بتقول علية دة... لاحظت ان معظم العربيات الاوتوماتك بتبقى نقلاتها 4 فقط مقابل 5 للمانيوال؟؟

اذا معنى كدة ان الفتيس الاوتوماتك نسبة اطول بالتالى التسارع بتاعة حيبقى اقل و دة حيدى ميزة للعربية المانيوال فى التسارع من صفر الى 100... و بما ان التسارع اللى بنتكلم فية بياخد حوالى 12 ثانية... يبقى انهى عنصر له تاثير اكبر؟؟ العنصر اللى بياخد نص ثانية ولا العنصر اللى بياثر على ال12 ثانية؟؟

MMamdouh