لا ليس الموضوع هو هو في قسم المقارانات فأنا هنا اسفضت في الشرح لأني سأجد من لديه الخبره الكافيه في الفولكس ارجوا المراجعه لأني أحاول ان اكون دقيقه في عرض موضوعي وأعتذر ان كنت حضرتك تري انهم متاشبهين
عرض للطباعة
طيب ممكن تقوليلي ال بي ام الـ 318 بكام؟ دي في حدود الميزانيه صح؟
نيسان اكس تريال: 246000
بس بصراحه هاتي البي ام و سيبك من موضوع الاوبشن اللي عاملك اغراء ده.
انا من راى الباسات اشد من 318 ولو اتكلمنا على العربيه الشبابيه يبقى الجيتا
وانا بنصحك يا رانا تشوفي الاصل يعني انتي اتكلمتي على الكمليات وسبتي العربيه على جنب
وبالنسبه للسنسور وكشافات الزينون
الحاجات دي ممكن تتركب بره يعني مفيش منها مشكله خالص
وربنا يوفقك
هو بصراحة المواتير الجديدة دي خراااافة انا جربت الباسات والجيتا ماشاء الله عليهم
بس مش عارف انا شايف البي ام افضل بكتير حتى في مسألة الوكيل اساسا وكيل فولكس ضعيف على حد علمي في المواتير العادية فمش عارف لو لا قدر الله حصل مشاكل في المواتير الجديدة هيتصرفوا ازاي وكمان هتكون العربية عندك خليجي لو قررت تشتري خليجي وكله بحسابه وانت عارف تمن الحاجات اجديدة كام!!
انا شايف بصراحة انت تركز على البي ام وخاصة لو 318 أفضل من 316 واقوى ولو تشوف بقى 320 انسى
الباسات لها سحر خاص على بعض الناس وانا منهم.....المسحورين بها منجذبين اليها و يحاولوا دائما الاقتراب منها وكلما زاد الاقتراب لا يصبح فى مقدورهم ان يروا غيرها بسهوله...
راى شخصى
اول احب اقول لحضرتك ان الباسات لا تقاران مع 318 انتى كده بجد بتهينى الباسات
الباسات هى تانى اعلى عربيه سيدان فى الفولكس بعد الفيتون اللى مش موجوده فى مصر
اما بخصور ه.ب هى على حسب هى توين تشارجر ولا وان تشارجر
لو فيها تربوا بس هتبقى 122 حصان
لو تربو وسوبر تشارجر من 140 ل 170 حصان
ودول متورين مختلفين وفى موضوع عن كده ممكن تتاكدى منه
ال 318 بقى حضرتك اقل فئه تقريبا او قبل الاخيره فى البى ام
عربيه صغيره مقارنه بالباسات فى الحجم
ثانيا وده الاهم الضريبه على الباسات ملاليم
ال318 انتى كده اعلى من 1600 شوفى هتدفعى كام
انا عارف ان النقطه دى ممكن مش تهمك بس الفلوس اللى فى جيبك احسن من جيب الحكومه خاصه ان ال 1400 ده اشد واقوى من ال 320 حتى
الباسات فعلا هي ساحرة بمعنى الكلمة و متهيألي بالموتور الجديد بقت إختيار أكثر من رائع بس في رأيي إشتري الخليجي و توكلي على الله