الحقوني يا جماعه انا بسمع طقطقه لما بلف

**aymoonoo** · 06-03-2009 06:48 AM

الحقوني يا جماعه انا بسمع طقطقه لما بلف يمين ويسار لما بلف الدريكسيون فالسامين وعاليسار وعندي الكوبلين بيطقطق بس مش لما الف لفات حاده يعني لما الف يو تيرن وارجع عندنا فالهرم مش بسمع طقطقه للكوبلين بس بسمع طقطقه كده فالديريكسون نفسه انا معايه سويفت يمكن صحاب لسويفت هيعرفو ده ايه مشكله فالعفشه؟

**mrghost** · 06-03-2009 07:37 AM

كده دى اكيد طقطقه من الكوبلن والله اعلم وممكن يكون برضه فى حاجه فى علبة الدركسيون

**aymoonoo** · 06-03-2009 07:50 AM

مش عارف بس انا بيتهيألي الطقطه بتنسمع من يره مش من جوه انا مش بسمع الطقطه انا بحسها

**samirayad** · 06-03-2009 09:33 AM

مش شرط أن الكبلن يطقطق فقط مع اللفات الحاده .......ممكن برضه مع الدورانات نظرا لسوء حالته........وبرضه حتعرف وتتأكد لو كنت مابتابعش كوتش الكبلن ولقيته تالف...

- وممكن توضح برضه ظروف الحاله بتفصيل وأيضاح أكتر لجزم الأمر.....

..

**mahmmoud1980** · 06-03-2009 05:39 PM

ده كوبلن حصلت لي قبل كده وممكن تشحمه وخلاص وهو هيشتغل حلو عن تجربه

**Maged_Samy** · 06-03-2009 09:24 PM

طبعاً كبالن حاول تكشف على الشحم وكاوتش الكبالن ولو منفعش يبقى لازم تغير الكبالن

**aymoonoo** · 07-03-2009 02:45 AM

انا مغير الكبالين من شهرين تقريبا بس الصراحه مش بكشف عليها والصوت ده زعجني خالص مش فالفات
ده طول الوقت اي لفه بس الي انا مستغربله انه الكوبلين وحتا وانتا ماشي انا هنا مش بحس بيه غير لما الف بس وانا ماشي عادي مفيش صوت انا لازم انزل عند عفشجي كويس حد يعرف واحد نضيف وحنين فالهرم او قريب من الهرم؟؟

**galalology** · 07-03-2009 04:17 AM

ممكن تكون كبالن او ممكن يكون (ماستر الفرامل) فى مشكله ساعات تسمع بسببه صوت زى صوت طقطقه الكبالن

والف سلامه على العربيه :)

**ahmedsamir79** · 07-03-2009 07:26 PM

أكيد كبالن

**aymoonoo** · 24-03-2009 02:45 AM

يا جماعه شكرا قوي على الردود بس انا اساسا بروح عند واحد فالسيده زينب هوا تقريبا شاطر بس غاليييييييييييي قوي قلت خليني اغير او اشوف عند حد تاني رحت عند واحد قالي المقصات بس انا مقتنعتش لما رجعتلو تاني الي فالسيده هوا اساسا لما غيرت عفشة العربيه كان عملي عند الخرطه جلب المقصات عشان انا كنت جبت الجلب الأصليه ومركبتش مش عارف ليه والمفروض المقص هوا بتاع العربيه فهوا عملهملي عند المخرطه اول مرحت وركب جمبي خدنا لفه وقالي دول الجلب الي خرطناهم من 4 شهور باظو ولازم تجبلي الأصلي او هتغير المقصات انا مش عارف اسمع كلام مين فيهم ؟؟ انا فحيره هل لو غيرت الجلب وخلاص هيكون كفايه ولا اغير المقصات وخلاص؟؟وهما سعرهم كام الجلب او المقصات؟