حد فكر يعدل الفيليشيا؟

انا عاوز اعمل شوية تعديلات فى الفيليشيا.....
وبقالى فترة بدور على ايه الحاجات اللى تنفع تتعدل فى العربية من غير لعب كتير فيها وكمان بدور على قطع غيار اللى تنفع للموضوع دا...
التعديل يشمل العفشة و الميكانيكا و الشكل الخارجى....
اصلى وانا باداور على النت لاقيت كام تعديل عجبونى اوى.
وكمان فكرت اغير الموتور ال1300 اللى فيها واجيب حاجة اكبر بس مش عاوز العب فى حوض العربية....
بعد البحث على النت و سؤال بعض الاصدقاء ,, قلت لازم اناقش الموضوع دا مع خبراء المنتدى .
ياريت لو حد ليه خبرة فى التعديل او حد فكر نفس الفكرة او يحب يشارك بافكار يدخول ويشارك و كلنا نستفيد.

يا مان فيه ناس فيمصر بالفعل استطاعوا تعديل الفيليشيا
و انا استطعت تعديل سيارتي سكودا فيفوريت و اللي يعتبر تعديلها اصعب من الفيليشيا من الناحية الخارجية و الداخلية
اما من ناحية الميكانيكا فهي مشتركة فيكل شيئ مع الفيليشيا
قولي ميزانية حضرتك في حدود كام و انا اقدر اقولك تعمل ايه في حدود المبلغ ده و فين
و انا في خدمة حضرتك

شكرا لحضرتك على المشاركة ...
بص يا باشا انا حدودى 10 الاف.
بس انا عاوزاغير الموتور دا لموتور فيليشيا 1.6MPI مش عارف موجود وللا لأ. وكمان عاوز exhaust system بس يكون نوع معروف ويفضل يكون greddy ... ياريت كمان طقم مقص امامى نوع محترم ....
قولى انت كمان مقترحاتك ايه ونشوف مع بعض الافكار (لو مافيهاش نعب يعنى)

انتا كده تعجبني
بص اول حاجة انا لقيت ماكنة فيليشيا 1600 بالاتي خد بالك
ماكنة بالفتيس بالكمبروسر بالباور حاجات كتيرة جدا متتخيلهاش
و حاولت اعمل صفقة مع راجل اني اخد منه كل حاجة في الحوض
يعني الماكنة بالفتيس بنظام التكييف كاملا بتاها بنظام التبريد كل حاجة
بالتابلوه الداخلي للفليشيا شامل القنصلوة اللي في لنص
ووصلت معاه ل7 الاف جنيه
بس ده غالي جدا و ممكن الموضوع يخلص على 6000 او 5000 يبقى كويس جدا
فيه ماكنة واحد ركبها على فيليشيابس نادرة جدا
و مفيش منها غير كام حتة في مصر
1800 سي سي تربو و دي انا بدور عليها بقالي كام شهر
طبعا لو العفشة بتاعة ال1600 مختلفة و اعتقد حتبقى كده في الطنابير يبقى تتاخد كمان
يعني قول الموضوع حيخشله في حسبة 7000 الاف جنيه بالتركيب بكله
تمام
يبقى فضلك 3 الاف جنيه
طلع الف جنيه للبدي كت بالسمكرة بالدهان مع بعض ده لو ناس تعرفهم كويس علشان فيه حرامية كتير
يبقى فضلك كده الفين جنيه تمام
تروح تجيب بيهم جنط مستعمل وكاوتش سرعات جديد واخد بالك
ويبقى كده ال10 خلصوا
يا سلام لو تحط 1500 جنيه كمان و نعدلك الفوانيس الامامية و الخلفية عدسات و رينجات و شغل كريستال وليدات قابل للزيادة لالفين جنيه
يبقى الموضوع كلفك 12 الف جنيه من غير ماتعمل شغل intenior
الاسعار ديه رخيصة لناس بتعامل معاهمو عارفني كويس علشان اشتغلت معاهم قبل كده فر عربيتي
وانا في خدمة حضرتك

تمام ... خد بالك كمان ان الحاجة اللى فى العربية دلوقتى شغالة كويس و ممكن تجيب فلوس باردو....
كمان انا جبت الجنوط خلاص يعنى فلوس الجنط ممكن نعمل بيها حاجة باردو....
بس انا عندى سؤال هوا الموتور ال1.6 دا انجيكشن وللا كاربراتير...

الحاجات اللي حتتباع من عربيتك مش حتجيب حاجة
غير الماكنة و الفتيس ممكن يعملوا الف جنيه لو حالتهم حلوة
لان كل ده اسمه خلع
فالوبعت كل حاجة قديمة بدل الجديدة ممكن تعملها الف ونص
الجنط انتا جبته مقاسه كام الاول
؟؟؟؟؟؟؟؟؟؟؟؟؟؟
و هل جبت الكاوتش ولا لسه
الكاوتش على فكرة مهم جدا و بيفرق جامد على فكرة
قولي انتا عملت ايه لغاية دلوقتي في عربيتك
و لو عاوز مساعدة لان الموضوع دوست فيه شويا
بالنسبة لموضوع الماكنة فهو كبراتير
بس فيه واحد برضه استطاع تسقيط ماكنة اوكتافيا A4 في فيليشيا
و تجربته في المرة الاولى فشلت لكن في المرة التانية نجحت
علشان الضفاير
و نصيحة من مجرب لو متعرفش حد كويس متتعاملش مع حد للمرة الاولى علشان فيه ناس حرامية كتير جدا
و اتنصب عليا كتير لحد ما بقيت عارفالاسعار و الناس الكويسة برضه اللي اتعامل معاها
في انتظار ردك

الجنت اللى جبته 14 بس لسه الكاوتش ....
بس لسه معملتش فيها اى حاجة تانية لسه...
الغريب ان الموتور دا كاربتير لأنى شوفت على النت مواتير 1.6 انجيكشن. انا بسأل عشان دا هيحدد نوع ال Air filter.
لو مفيهاش تعب ممكن تقولى اماكن اجيب منها الحاجة و ايه اخبار الexhuast system هل عندك تجارب مع انواع معينة...

ما انا بقولك المواتير الانجكشن اللي متركب في اوكتافياa4
اللي هي موديل 1999
بس متزعلش مني روح رجع الجنط و جيب جنط 15
انا جيبت جنط 15 جامد جدا و الجنط اصلا مهم جدا
المهم الجنط الليتجيبه يكون مش تقيل
اسمع كلامي و رجععععععععععععععععععععععع ه
وجيب كاوتش كومهو سرعات اكيد عارف كاوتش سرعات النقشة بتاعته تبقى ازاي
انا كنت جايب الفردة ب350 و احد الاعضاء هنا لسه ايبها من اسبوع ب300 جنيه الفردة
حتى لو خسرت فيالجنط مش شملكة بدل ما حتسمع كلام يحرقدمك بخصوص الجنط و انتا مركبه
على فكرة فيه تلات مواتير للفيليشيا 1300
واحد كبراتير ووواحد هاف انكشن وواحد اشكجشن
وموتور 1600 كبراتير
ثانيا الحاجات ديه ما بتتخدش قفش
رتب افكارك يعني فيه حاجات مينفعش تتعمل قبل حاجات و الا كله حيبوظ
اول حاجة و الترتيب مهم جدا
1-تركيب الجنط الرياضي بالكاوتش بتاعه سرعاااااااااااااااااات
2-تسقيط الماكنة بشغل العفشة بالتسقيط اللي انتا شايفه مناسب للعربية بنظام التكييف بالتابلوه بالقنصوله و حوار تنك البنزين كمان بالضفاير و كده غيرانك تسقط العربية نفسها
**لازم الجنط يتركب قبل شغل العفشة لان ناسكتير غلطت و عملت العكس وندمت بعد كده
4-عمل السمكرة للسيارة ولو مثلا عاوز تعمل شغل في العربية صاج مع اني مش بفضله خالص
5-عمل البدي كت للسيارة و نفس الوقت فك الفوانيس الامامية و الخلفية لعمل الشغل المناسب لها
6-اه طبعا لازم تشتري فوجات جديدة مناسبة للبدي كت و ترمي بتوعك انا اشتريت الفوجات بتاعه الهونداسيفيك موديل 2008 لانها كانت مناسبة جدا مع الاكصطدام الجديد بتاع عربيتي
7-تروح لبتاع الدوكو يدهنلك العربية دهان كويس كده و لو عاوز موضوع لونين و الحاجات ديه

* و فيه حاجات مهمة كتير بس لما تبتدي حاجة حاجة ابقى اقولك عليها
لان الموضوع ده ان و بياخد اسبوعين فقط
الا انه متعب جدا و خلي بالك علشان انا كنت بجرب فطلع عندي عيوب في التعديل بتاعي ورحت غيرته تاني وكان للاحسن


***على العموم انا بنزل كتير القاهرة و موضوع التظبيط ده ممكن اساعدك فيه لو تحب
بانتظار الرد

شكرا ليك على المجهود الراااااااااااااااااااااا اااااااااائع ....
واضح اني هاتعب حضرتك معايا فى الموضوع دا .
كمان اول ما هابدأ لأنى لسه بكمل الفلوس , اكييييييييييييييييييييييي يييييييييييد هكلمك.. واضح انك كلك ذوق ومتعاون.

العفو حضرتك
على العموم انا لسه مخلصتش الديزاين بتاع عربيتي
وفيه حاجات ممكن نعملها مع بعض حتى يبقى اوفر لينا احنا الاتنين
لان كل قرشحتوفره حيفيدك تعمل حاجة تانية فيالعربية
دي صور لعربيتي بس لسه مخلصتش
و ده بعد التعديل التاني ليها

http://www.facebook.com/home.php?ref...6&id=831195121

أجمل فليشيا ممكن تشوفها فحياتك
http://dc131.4shared.com/img/9150989...aaaaaaaaaa.jpg

شوف الصور دي ممكن تنفعك وقولي ايه رأيك

http://www.facebook.com/album.php?ai...85039905&saved#

الصور حلوة بانتظار رد صاحبالموضوع الاصلي
بس احلى واحدة انا شوفتها على اليوتيوب
ححاول ادور على الفيديو و اجيبه
باذن الله

ربنا يباركلك فيها ...
ومستنيك تقولى لما تكون جاى القاهرة .. وانا كمان لما ابتدى هاقولك على طووووووووول.

انا اتفرجت على الصور اللى حاطتها ahmedromance على ال facebook.
الصور جميلة بالذات العربية الصفراء ... انا إن شاء الله هارفع مجموعة صور فيها تصميمات جامدة جدا.
ويبقوا قولولى رأيكم.

على فكرة اي ديزاين يعجبك بتاع الفيبر ينفذه بسهولة شديدة
يعني اي حاجة في بالك متقولش محدش حيعرف يعمله
اي حاجة في بالك

انا النهاردة كنت في الحرفيين
المكنة ال1600 بتاعة الفيليشيا بكل حاجتها لقيت واحد بيخلص على 5000 جنيه شامل كل حاة بالباور بالفتيس عدا التكييف فقط
ولقيت مكنة 1600 بتاعة اوكتافيا 98 تركب برضه ب7000 جنيه
بس من غير باور و تكييف
وفي واحد معرفة ليا في بورسعيد قالي انه ممكن يشوفلي المكن ده ارخص في حدود الف او اتنين هناك