الموضوع: مطلوب معلومات عن فليشيا وش اوكتافيا

المشاركة الأصلية كتبت بواسطة MARYAM

الى خبراء المنتدى اريد معرفة كل المعلومات عن الفيليشيا وش الاوكتافيا : 1- مو كام الى كام 2- انجيكشن ولا كربراتير 3- المميزات و العيوب و هل هناك اختلاف عن الفيايشيا العادية 4-اسعار السوق الحالية مو 99 او 2000 5- الكماليات 6- العربية تقفيل مصرى ولا الخارج وشكرا

1-موديل 98-2001 وش اوكتفيا
2-لغاية 99 كربيراتير بعد كده من اول 2000 انجكشن
3-مفيش ميزة غير نظام الانجكشن والوش وده يمكن يقلل استلاك البنزين عن العادية بس ده مش بنسبة كبيرة او اكيدة
4-يمكن الميزة انها اعلي سنة من العادية بس اكصدماتها اغلي من الفليشيا القديمة وبردة في ناس بتقول ان صاجها اخف بس انا مش متأكد من الحكاية دي
5-موضوع المميزات والعيوب دي حاجة نسبية بمعني في ناس شافية الكربيراتير عيب مثلا لكن مشاكلها الاساسية موضوع الحرارة بس ده مش عيب دخلل وبيتصل بمعني الفليشيا العادية او السليمة بمتسخنش لكن بقية المشاكل بتحصل في كل العربيات
ممكن نقول المميزات زي
1-صاج تقيل2-فرامل كويسة 3-اعتمادية بدرجة امتياز4- قطع غيارها متوفرة ومتعددة
5-استهلاك بنزين معقول
6-واسعة مش ديقة زي باقيت العربيات الهاتش باك والشنطة معقولة
7-التكييف مبيأثرش علي السحب بدرجة كبيرة
8-سعرها معقول جدا خصوصا بعد الازمة
9-اهم حاجة انها متزنة علي السرعات العالية
عيوبها
1-تقيلة في البيع ولازم تخسر في تمنها بس في الاخر تبع حالتها
2-دركسيون تقيل ومفيش بور
3-السخونية لو مش مزبوطة وفي خلل في دورة التبريد
4-سحبها اقل من الكوري يعني الاكسنت تسارعها اكبر
5-صوت متورها عالي شوية وخشن
6-بعض قطع غيارها بتبقي غالية
7-متناسبش السيدات اوي
8-تكييف ضعيف نسبيا

الكماليات بتنزل
lx ودي فيها
1-سنتر بس

glx ودي فيها كل حاجة ماعادا البور
1-فوانيس ضباب امامية وخلفية
2-تكييف
3-سنتر
4-مرايات كهرباء بس مش كل الموديلات
5-كنبة جزئين بس مش كل الموديلات
6-كنسول بس بينزل في موديلات من اول 97
7-فتح الشنطة من الداخل ولمبة داخل الشنطة

اخر حاجه السعر
2001-2000 كانوا يعملو 39-42 تبع الحالة وكانت ممكن تعدي كمان بس الكلام ده قبل الازمة يعني ممكن تنزل 3 الي 4 الف

اما عن التقفيل انا بصراحة اعتقد انه مصري بس مش متأكد بس تقفيلها مختلفش علية اتنين ممتاز وفرشها نضيفة وخامتها عالية الجودة سواء من الخارج او الداخل يمكن كوتش الابواب هو اردء حاجة بس لما تركبها هتحس انك راكب عربية نضيفة