كيفية شراء وتسجيل موتورللانوس
اعطي هذه النصائح عند شراء وتسجيل موتور جديد
لازم ييجي معاك الميكانيكي وانت بتشتريه وتشترط علي البائع انك هتشتريه تحت التجربه ولابد ان البائع يكون معروف ....علشان مواضيع النصب المشهوره...وغالبا بيفضل مبلغ من ثمن الموتور بتعطيه للبائع بعد تركيب الموتور وتجربته لمده اسبوع مثلا علي العربيه وتتأكد تماما من كفاءة الموتور...ولاقدر الله طلع الموتور مش تمام بيتفك الموتور تاني ويرجع للبائع ويتحمل مصاريف الميكانيكي ...جري العرف علي ذلك...ويجب توضيح ذلك عند الشراء....وبعد التجربه يتم اخذ اوراق الموتور من البائع....وهذا هو الجزء الهام علشان متطلعش عينيك...
عند اخذ الورق(وغالبا هيقولك هاجبهولك بعد اسبوع بعد تصوير البطاقه ورخصه العربيه...علشان معظم التجار بيتعملو مع تجار بورسعيد) هيكون عباره عن1- اصل فاتوره الموتور مختومه من المرور وختم البائع مرسل الي المرور التابع لسيارتك....ويجب مقارنه رقم الموتور مع الفاتوره...2-صوره الأفراج الجمركي 3- رقم الصادر بتاريخ ورقم ارسال الورق من مرور الموتور الي المرور بتاعك ووقت وصول الورق الي مرورك بياخد حوالي من شهر الي شهرين.....وبيوصل علي المرور الأصلي للمحافظه
مش علي المرور الفرعي ...مثال لو مرورك مدينه نصر هيوصل علي مرور الدراسه الأول(المرور الرئيسي للقاهرة) ولازم تروح تبعته من الدراسه لمدينه نصر ولازم يكون معاك اوراق الموتوروالرقم الصادر....وشويه تفتيح مخ لان غالبا ورقك مش هيخلص الا بالفلوس ولا حول ولا قوة الا بالله .....ولازم تاخد رقم الصادر الي المرور الفرعي (مدينة نصر) ...ملحوظة المرور الرئيسي للجيزة هو بين السرايات
وبعد التأكد من وصول ورقك لمرور...تبدأعمل اجراءات فحص عاديه....مع برضه تفتيح مخ علشان ورقك يمشي
