ممكن تصاميم فلل

**hussein** · 06-03-2009 11:25 PM

المشاركة الأصلية كتبت بواسطة نور القمر

شكرا يا اكتو على الاهتمام
عايزة تصميمات خارجية نهائية بالالوان والديكور
ومن الداخل اتوكاد لتقسيم الفيلا
المساحة عندي 18 م واجهة اما طول الارض فحوالي 95 م احنا عايزين يكون فيها 6 غرف نوم
مش عارفه الافضل والارخص دور واحد 6 غرف ولا دورين 3 غرف واهم حاجة عندي عايزة فراندات ورا وقدام
انا يا اكتور لقيت عندي في البيت تصاميم لشليهات من برة الوان وديكور ومن جوة اتوكاد
لو تعرف مكان اقدر اجيب منه تشكيله تصاميم زيها او على النت

18 * 95؟
دى مساحة كبيرة اوى يعنى هتكلفك كتيير
و طولها مش متناسب خالص مع عرضها
انتى متأكدة ان هى دى مقاسات الارض؟
و هل هتبنو عليها كلها؟

**نور القمر** · 06-03-2009 11:45 PM

لا معلش انا نسيت اكتب اننا عايزين بحد اقصى 250 م بس للمبنى ده لو هانبني دور واحد ويمكن اقل كمان علشان التكاليف متزدش علينا
اما لو دورين هنقلل المساحة طبعا بما يتناسب
المهم عايزين 6 غرف نوم علشان كدة كنت بسأل الافضل والارخص دور واحد على مساحة 250 م مثلا ولا دورين على مساحة اقل

**eng.octooo** · 07-03-2009 12:14 AM

المهم عايزين 6 غرف نوم علشان كدة كنت بسأل الافضل والارخص دور واحد على مساحة 250 م مثلا ولا دورين على مساحة اقل

6 غرف كتيير على المساحة دى كدة هتضيعوا الريسيبشن وكدة يعنى لو 4 يكون معقول
واوعى تكونى حاسبة ال6 دول نوم بس يعنى السفرة والصالون لسة دة كدة مش هاتلاقوا غير اوض
انتى ممكن تخلى 4 اوض واسعةةةةةةةةةةةة وريسيبشن كبييييييير دة كويس
وطبعا الارخص والاوفر دور واحد على مساحة 250 م لانك لو عملتى دورين هاتزيد تكاليف العمدان والسقف التانى والتشطيبات والسباكة والفرش ووووووو حاجات كتيير
يعنى المبلغ الى هايتصرف على دورين الدور 170 م بس يعملك دور 250 م روووووووووووعة (جنة) بالعفش والاجهزة وكلة
دة انتى لو هاتعملى دورين احسبى القواعد وعمدان الدور الاول والسقف الاول والتشطيب والسيراميك والسباكة والعفش والاجهزة لااول والعمدان التانى والسقف التانى والتشطيب والسباكة والعفش والسيراميك والفرش والاجهزة هاتدخلى فى ميزانية كبيييرة اما دور واحد هايكون جــــــــــــــــــــــــ ــــــــــــنـــــة باذن الله

وربنا يتممة على خير

**M.Mokhtar** · 07-03-2009 03:21 PM

المشاركة الأصلية كتبت بواسطة octooo

انا رديت على الخاص

طيب ممكن تبعتلى على الخاص؟؟؟
او ابعتهم فى الموضوع عشان الكل يستفيد

**eng.octooo** · 07-03-2009 08:26 PM

طيب ممكن تبعتلى على الخاص؟؟؟
او ابعتهم فى الموضوع عشان الكل يستفيد

حاضر ياباشا

طبعا الملف الى فية الصور ادى الرابط بتاعة لو الرابط ماشتغلش ولا حاجة ابعتلى رسالة
http://www.2shared.com/file/5017621/...r_elkamer.html

**eng.octooo** · 07-03-2009 08:45 PM

http://www.2shared.com/file/5024738/...r_elkamer.html

ودة رابط تانى لان الى فوق تقريبا فية مشكلة

**bee** · 08-03-2009 02:55 PM

ربنا يتمم الموضوع على خير يا نور..
خلصي وانا اظبطلك ديكورات بقه باذن الله (استكرات مهي دي الموضه دلوقتي هههه) ..
بس ربنا يسهلكوا الصعب وتطلع احلى من الي انت عايزينه كمان ..

**banboty** · 11-03-2009 12:19 PM

اللينكات مش شغالة يا اكتوو

لا الاولاني و لا التاني ؟؟

**نور القمر** · 21-03-2014 02:30 AM

سبع صنايع والبخت الحمد لله مش ضايع
دي فيلا البلد شبه منتهيية
انا اللي رسمتها من برة ومن جوة بس مش لاقية ملف الاتوكاد على لابي لو لقيته هاوريهلكم
وساعدت في تخطيط الرسمة على الارض بوسائل بدائية جير وخيط على اد امكانياتنا المادية بقى والامكانيان الفنية للمقاولين هناك
اه هي مش 100% وفي حاجات انا مش راضية يااما من اخطاء مني يا اما لعدم متابعتي لكل مراحل البناء والتشطيب وعلى رأسها شغل الجبس الكتير على الشبابيك اتعمل وانا مش موجودة :(
بس ايه رايكم انفع في مجال المعمار ولا لا :D

سفندي ابني وهو بيلعب بالبرويطة :)

**م. حاتم السباعي** · 21-03-2014 02:57 AM

المشاركة الأصلية كتبت بواسطة نور القمر

سبع صنايع والبخت الحمد لله مش ضايع
دي فيلا البلد شبه منتهيية
انا اللي رسمتها من برة ومن جوة بس مش لاقية ملف الاتوكاد على لابي لو لقيته هاوريهلكم
وساعدت في تخطيط الرسمة على الارض بوسائل بدائية جير وخيط على اد امكانياتنا المادية بقى والامكانيان الفنية للمقاولين هناك
اه هي مش 100% وفي حاجات انا مش راضية يااما من اخطاء مني يا اما لعدم متابعتي لكل مراحل البناء والتشطيب وعلى رأسها شغل الجبس الكتير على الشبابيك اتعمل وانا مش موجودة :(
بس ايه رايكم انفع في مجال المعمار ولا لا :d

سفندي ابني وهو بيلعب بالبرويطة :)

بسم الله ما شاء الله

دا حضرتك كده كمان خططيها علي الارض يعني بتقطعي علينا كمان في شغلنا نقفلها احنا بقي هههههههههههههههههه ربنا يبارك لحضرتك فيها
وما شاء الله التصميم روعة وتحتاج الي نجيل امامها اما صناعي او طبيعي مع مشاية في المنتصف متعرجة ان امكن

الموضوع: ممكن تصاميم فلل

LinkBack

أدوات الموضوع

عرض

-

-

-

-

-

-

المواضيع المتشابهه

تصاميم لفرش جلد اسود فى احمر ياريت بسرعة

ممكن اعرف من محترفى المنتدى ايه التعديل الى ممكن يتعمل لسياره الفرنا ؟؟؟؟؟

نتائج مسابقة تصاميم بيجو ٢٠٠٨

الكلمات الدلالية لهذا الموضوع

المفضلات

المفضلات

ضوابط المشاركة