هل الهواء ممكن يخلي العربية تحدف وتتحرك لوحدها او تعوم ؟
عرض للطباعة
هل الهواء ممكن يخلي العربية تحدف وتتحرك لوحدها او تعوم ؟
طبعا .... بس حسب الهوا ....
يعني لو الهوا في جنب العربية .........طبعا هايخليها مش ثابتة منك على الطريق خصوصا لو العربية أصلا خفيفة
و لو الهوا ضدك بيخلي سحب العربية مش كويس و البنزين يزيد كل لما تعند معاه و تزود سرعة زيادة .
و أحسن حالة .... لما الهوا يكون معاك بس بشويش في تزويد السرعة علشان تعرف توقفها لو الهوا جامد قوي .
شكرا لردك لأني كل ما امشي في الهواء وألاقي الشجر بيتحرك ألاقي العربية بتتحرك مع اتجاه الهواء (بيكون يمين وشمال غالبا ) وبيعمل لي قلق حتى لو مشيت على 80 بس باحس ان الهواء بيحرك العربية وتأثيره قوي.
لكن اللي مستغرب له باشوف كل عربيات الاسكودا الهاتش باك بتجري 160 هل قلبه ميت ولا الهواء ملوش تأثير عليها ؟؟؟؟؟؟؟
وهل في علاج للحاية دي ؟
احساس الهوا ... بيختلف من عربية للتانية
و أنت راكب لانوس ... و العربية أصلا خفيفة
بس برضه الاسكودا الهاتش باك ( أنهي واحدة فيهم ؟؟ )
فيه فيليشيا و فيه كومبي .....
فيه ناس بيبقى مش هاممها ( أغلب سواقين مصر )
ظلام دامس ....... هوا ...... طريق مكسر .....
مش في دماغهم ... دايسين في الزلط ... بس للآسف بيأخدوا ناس تانية بريئة في رجليهم
المهم
لما تحس ان العربية خفت معاك بسبب السرعة أو الهوا أو المطبات
لسلامتك ....... و سلامة من يستعمل الطريق معك
يجب أن تخفف السرعة لللسرعة التي تشعر بها أن السيارة ثابتة على الطريق
و ربنا يستر طريقك
الاسكودا اللي باشوف اصحابها دايما بيجروا مهما كانت ظروف الطريق اعتقد اسمها فيليشيا وهي شبه ال 127 في الحجم
وما أنواع السيارات ثقيل الوزن اللي مكن تجري في الهواء الجامد ؟
هل تصلح الكرولا أو اللانسر 2009 ؟
انا منساش لما عربيتي اتحركت بسبب عربية نقل معدية من جنبي صاروح ماشي حوالي على 140 و عربيتي تزحزت بالفعل بضع سنتيمترات يمين
رغم ان عربيتي ثقيلة و ثابته على الطريق حتى على الملفات
ربنا يسترها علينا كلنا
تاثير الهواء علي العربية ممكن يتلاحظ فعلا زي ما حضاراتكم ذكرتم بس اسوء تاثير هو مطبات الهواء ( زي بتاعة الطيارات )
دي بتحصل لما تمشي بسرعة و تاخد الهواء تحت العربية من قدام مطبات الهواء ممكن تلاحظها في الملفات الواسعة في طريق مصر اسكندرية بتكون مغرية انك تجري فيها
و ممكن تلاحظها علي طريق العين السخنة (برضة في الملفات الواسعة ) و مقاطع الطريق المحصورة بين اماكن مرتفعة
مطب الهواء سببه عيوب في الطريق
عربيتي ليها بدي كت بيمنع الهواء بنسبةكبيرة من الدخول
لكن المشكلة في عيوب الطريق الهواء بيخش
علي فكرة الياريس من العربيات الخفيفة جدا اللي شوية هوا ممكن يخلوها لعبة تطوح يمين و شمال , لكن اللانوس أثبت منها في الحالة دي لأنها أثقل
عموما في الأحوال الجوية السيئة يفضل عدم السير بسرعات عالية لسهولة التحكم في السيارة و أمكانية السيطرة عليها
اسف اني متابعتش
مطب الهواء عبارة عن ايه هو فيه عوامل كتيرة
1- ميل الطريق وده بيكون جزء من تصميم الطريق في الملفات عشان تلافي تاثير قوة الطرد المركزية و ده بيؤدي الي ذيادة سرعة الهواء عند الجزء المرتفع من الطريق
2-كون جوانب الطريق مرتفعة عن الطريق نفسة ( ده بيخلي الطريق عامل زي Air Tunnel
بالظبط كانك المساحة ضاقت فسرعة الانسياب زادت
3- الحرارة الناتجة عن سطح الارض تسبب تحرك الهواء عموديا و كلما زادت كمية الهواء المتحرك لاعلي زادت قوة المطب ( ده السبب الرئيسى )
عشان يكون فيه مطب هواء ملموس
محتاجين 1+3 او 2+3 او 3
طبعا علي السرعات العالية وزن العربية بيخف ( نفس نظرية اقلاع الطائرات ) محصلة القوة علي الاتجاه الراسي بتقل و بتزيد في الافقي
ابسليوتلى................................ ........
الهواء الشديد بيخلى العربية تعوم طبعا . و كذا مرة و انا ماشى فى طريق مصر اسكندرية الصحراوى يجيى شوية هوا من جنب العربية يحسسونى ان العربية حتخرج من على الأسفلت لدرجة انى بشحق فعلا من الموقف ده . :stink[1]:
العربيه في حالتين بيخلوا تأثير الهواء يبان فيها:
1- لو العربيه عاليه عن الأرض لأن ده بيسمح بدخول هواء اكتر تحت العربيه... و كل كا الهواء يكتر تحت العربيه قوه رفعه للعربيه تزيد و تحس بالعومان.
2- كل ما كان سقف العربيه عالي الهواء يأثر فيها اكتر (خصوصا من الجنبين) و ده يبان في عربيات زي الماتريكس مثلا.
كقاعده عامه كل ما سرعه العربيه تزيد... و زنها يقل و تأثير الهواء عليها يكون اكبر.