الموضوع: الى كل المخنوقين من اسعار السيارات فى مصر

خلونا نسيب الازمة الاقتصادية والاسعار اللى بيتنزل بيها الارض بره
انا بس مستغرب ازاى اكتر من 80 مليون مصرى ساكتين لحد دلوقتى على المبالغ الرهيبة اللى الدولة بتاخدها على العربيات من جمارك و ضرايب
هنحاول مانفكرش شوية فى المكسب الرهيب اللى بياخده الوكيل لاى عربية فى مصر
انا بس عاوز اشيل الفجوة الرهيبة اللى بين سعر العربيات بره مصر و هنا و السبب الرئيسى فيه هو الجمارك و الضرايب
يعنى مثلا فى فئة ال 1600cc بيتدفع اكتر من 60% من تمن العربية جمارك وضرايب
وكلما الموتور سعته تزيد كل مالفلوس اللى بتدفع تزيد (على اى اساس مش عارف بس اهو اى هبل وخلاص )
دى الجمراكو الضرايب بتوصل ساعات لاكتر من 300%
يعنى العربية يبقى سعرها بره ما يعادل 100 الف جنيه مثلا توصل هنا بسعر اكتر من 400 الف جنيه
حرااااااااااااااااااااااا ااااااااام
لازم نفكر فى اى حاجة نخلى الناس دى ترحمنا من الفلوس اللى بياخدوها عمال على بطال من ضرايب لجمارك لرسوملتمغات لكل الحاجات الروتينية اللى بيعملوها
فكروا معايا يا جماعة ممكن نعمل ايه عشان على الاقل نظبط فرق السعر بين هنا و بره
ويارب نقدر نوصل لحل

المشاركة الأصلية كتبت بواسطة Demirell

شكراً عالموضوع المهم.....أنا برضه جه في دماغي نفس التفكير من فترة

هو الحل في رأيي إن يبقى في زي جمعية أو رابطة للمهتمين بالسيارات في مصر تتكلم بإسمنا كلنا والجمعية دي بقى تطالب الحكومة بتخفيض الجمارك عالعربيات والصناعات المغذية ليها بنسبة معينة (بغض النظر بقى عن الجات أو غيره).....ولو الحكومة ما استجابتش يبقى الجمعية تطالب الناس بمقاطعة شرا العربيات لحد ما الجمارك تبقى نسبتها معقولة (زي فكرة خلوها تصدي كده)

حد موافق على فكرة زي دي؟

فكرة الرابطة حلوة بس صعبة شوية علينا كمصريين عشان احنا دايما بنحب نمشى جنب الحيط و حتى لو اتنفذت هايبقى قدامها سنين عما يبقى ليها كلمة او رأى مسموع
بس احنا ممكن نفكر ازاى نوصل صوتنا للناس دى اللى انا متأكد انهم عارفين الشعب عاوز ايه بالظبط
فكرة الرابطة حلوة بس لو هانبدأ فيها من دلوقتى و ياريت لو اى حد عنده اقتراحات تانية
و لو فيه حد فى المنتدى يكون واصل شوية يقولنا بس احناممكن نعمل ايه