لو حد عنده استفسار عن الرخام انا فى الخدمه و شكرا
عرض للطباعة
لو حد عنده استفسار عن الرخام انا فى الخدمه و شكرا
شكرا ليك
كنت عاوز اسأل هل كسر الرخام الطبيعي بيتعالج ؟
هو حضرتك شغال فى الرخام ؟
يعنى بيع وتركيب وللا تصنيع
اريد تلميع الرخام فى مدخل البيت حوائط
كذلك السلم
منذ 4 سنوات واصبح الان شكلة سىء
ما هى طريقه التلميع وما المواد المطلوبة كذلك ترميم الشروخ
ما هو سعر متر الرخام الجلالة الفص
و سعر متر الرخام والجرانيت الرصاصي و البني لزوم جدران المدخل
سعر الرخام الجلالة في السلم
ايه رايك في بطش الرخام في السلالم و اسعاره ايه؟
اسف للاطاله
انا من المنصوره
برضه رأيك اشتري من هنا
و لا أشتري من شق التعبان ؟
هو حضرتك بتبيع عشان لو احتجنا منك شئ
+10000000اقتباس:
هو حضرتك بتبيع عشان لو احتجنا منك شئ
ممكن الرد
شكراً ع المبادرة الطيبة.
ياريت لو فكرة عامة عن الأنواع ومميزاتها وأسعارها
السلام عليكم اسف للتاخير يتوقف على حسب العيب فلازم اما تبعتلى صوره او تقولى العيب الموجود
شكراً
شوف يا zeayad انا مهندس ديكور باعمل التصميم و انفذه يعنى مقاوله كامله
شكراً لاهتمامك
لتلميع البيت و السلم ومعالجة الشروخ حتتقاول مع جلا تقريبا متر الارضيه من 20 الى 30 والدرجه ممكن 10 جنيه حسب الخامه والجلا
1-سعر متر الرخام الجلالة الفص كخامه تقريبا 20 جنيه بس توريد وتركيب ممكن تزود من 70 الى100 بعد التكاليف
2-سعر متر الجرانيت الرصاصي و البني لزوم جدران المدخل كخامه من 125 الى 165 توريد وتركيب زود 100 ج تقريبا
3-ايه رايك في بطش الرخام في السلالم و اسعاره ايه؟
معلش مش فاهم ممكن توضحلى
4-برضه رأيك اشتري من هنا و لا أشتري من شق التعبان ؟
على حسب الكميه و الخامات لو بسيطه اشترى من عندك اكيد شق التعبان كسوق المنافسه و العروض اكبر يعنى اللى الفرق حيكون فى النقل امام سعر اقل و تشكيله اكبر
لا انا بشترى من تجار رخام برضو يس الرخام مش خامه بس يعنى تصميم و اختيار الوان و تركيب و جلاء وصيانه ولو احتجت حاجه انا تحت امرك
حاضر و اسف على التاخير بس متوقعتش حد يهتم
شكراً يا اخى
ممكن نقسم الانواع المتداوله بمصر الى 4 انواع :
1-رخام مصرى
مميزاته
أ- رخص سعره
ب-مناسب للاوت دور واللاند سكيب
ج-ممكن معالجته بطرق كثيره للحصول على اشكال مختلفه تماماً
أسعاره
حسب شكله ومعالجته و جودته ممكن تقول 140 مثلا
2-رخام مستورد
مميزاته
أ- جمال شكله و الوانه المتعدده
ب-سعره غالى ولكن معمرفيمكن اعادة تلميعه بعد سنوات فيبدو وكانه جديد تماما
أسعاره
حسب بلده و ندرته و شكله ومعالجته و جودته
يبدا من 250 جنيه والجيد منه ممكن 450 ويصل حتى4000 جنيه فى بعض الانواع
3-الجرانيت
مميزاته
أ- صلابته وقوة تحمله (يستعمل فى المناطق ذات الاستخدام العالى الشاق محطات المترو المستشفيات المبانى الحكوميه قرص المطابخ000)
ب-سعره غالى ولكن معمرفلمعته تستمر طويلا جدا بدون تلميع (صعب اعادة التلميع)
أسعاره
حسب بلده و ندرته و شكله ومعالجته و جودته
يبدا من 250 جنيه للمصرى و400 للمستورد ويصل حتى4000 جنيه فى بعض الانواع المستورده مثل الازرق(أزول مكاوبا)
4-أونكس
مميزاته
أ-جمال الوانه الطبيعى
ب-شفافيه عاليه (مثل الزجاج المعتم منفذ للاضاءه)
صلابته قليله لذلك يفضل فى الحوائط و ممكن ارضية حمام أسعاره
حسب بلده و ندرته و شكله ومعالجته و جودته
800 الى 3000
شكرا انا متشكر جدا لاهتمامكم لو اى سؤال اكون سعيد
ايه هي عيوب رخام الجلالة؟؟ تم تركيبه عندي في البيت من شهر تقريبا و لاحظت وجود مايشبه التنقير البسيط جدا غير مرئي لكن محسوس, و النقر دي عند مناطق التجزيعة في الرخامة