خبراء يتوقعون انهيار الاقتصاد المصرى خلال أعوام

كتب أحمد رجب

توقع خبراء انهيار قطاعات الاقتصاد المصرى، خلال أعوام، بسبب تداعيات الأزمة المالية العالمية، ووصفوا تأثر قطاعات السياحة، وعائدات المصريين بالخارج والبترول وقناة السويس، بالأزمة المدمرة،

قال الدكتور أحمد الغندور، العميد الأسبق لكلية الاقتصاد والعلوم السياسية، إن القطاع الاقتصاد المصرى معرض للانهيار خلال أعوام، وسيتبع ذلك انهيار فى جميع القطاعات الأخرى،

وأضاف أن «الأزمة العالمية الحالية ستصيبنا فى مقتل.. وما سيحدث سيكون مؤلمًا ومدمرًا»، موضحًا أن تأثير الأزمة العالمية السلبى على الموارد الأهم للدخل القومى، سيكون خطريًا. وصف أحمد الغندور السوق الحرة فى مصر بـ«الوهم» وقال: «ما يوجد فى مصر (نظام فاسد) وليس سوقا حرة»،

وأضاف: «خلال ندوة تأثيرات الأزمة المالية العالمية على النظم والسياسات الاقتصادية الوطنية، التى نظمتها لجنة السياسة، بالمجلس الأعلى للثقافة، أمس الأول، أن الاتحاد السوفيتى ألغى السوق، لكنه لم ينجح،

موضحًا أن السوق فكرة ناجحة، لكن تطبيقها فى مصر تم بطريقة خاطئة، وبعض القوانين المنظمة للسوق، مثل قانون منع الممارسات الاحتكارية فى حقيقته قانون لحماية المحتكرين، وحتى معدلات النمو معدلات كاذبة، لأن آثارها على معدلى البطالة والفقر معدومة».

واتفق الدكتور جودة عبدالخالق، أستاذ الاقتصاد بجامعة القاهرة، والدكتور سمير رضوان، المدير السابق لمنتدى البحوث الاقتصادية، مع «الغندور» فى تنبؤاته خلال الندوة،

فيما اختلفوا حول طريقة تعامل الدولة مع الأزمة والأساليب المثالية للخروج منها، وقال عبدالخالق، القيادى البارز فى حزب التجمع، إن النظام الرأسمالى بطبعه يميل إلى انفجارات اقتصادية كبيرة، ليعيد إنتاج نفسه من جديد، وأن قادة النظام الرأسمالى بدوا فى الأزمة الأخيرة مثل قادة السفينة «تيتانيك» وقال الجميع: «فى الحقيقة لا أعلم ماذا يحدث»،

وأضاف: «مخطئ من يتصور أن الأزمة مؤشر على نهاية الرأسمالية وبداية الاشتراكية.. والحقيقة أن الحل المنطقى للخروج من الأزمة هو إيجاد طريق ثالث بين الرأسمالية والاشتراكية».

وانتقد «عبدالخالق» بعض المسؤولين المصريين، الذين علقوا على اتجاه أمريكا لشراء أصول الشركات، فى عمليات وصفت بـ«التأميم»، بضرورة «إتاحة الحرية للأسواق»،

وقال: «السوق إلة يجمع من صفات الشياطين أكثر مما يجمع من صفات الملائكة، وبعض المسؤولين يرددون مقولة حمقاء تقول: (لا رجوع إلى الوراء) وهذا يدل على أنهم لا يرون جيدًا كيف تسير الأمور فى أمريكا بلد السوق الأولى»، وحذر من تأثيرات الأزمة على مصر،

قائلاً: زلزال الأزمة سيصل إلى كل مكان، واعتبر ما أعلنته الحكومة من ضخ ١٥ مليار جنيه «حلاً غير كاف».

:confused::confused::confused::confused::confused: :8954[1]::8954[1]::8954[1]:

نقل للمنتدى الأجتماعى بمعرفتى

مشرف القسم العام

هو فين الأٌقتصاد المصري ؟ دة مات وشبع موت من زمان .

شكراً لحضرتك على المشاركة .

فى اول الأزمة طلع المسئولين وقالو مفيش اى تاثير على الأقتصاد لكن مع الوقت اتضح العكس تماما وده ان دل على شى يدل على عدم وجود تخطيط للمستقبل وان كل حاجة ماشية بالبركة وربنا يستر

اقتباس:

---

وأضاف: «مخطئ من يتصور أن الأزمة مؤشر على نهاية الرأسمالية وبداية الاشتراكية.. والحقيقة أن الحل المنطقى للخروج من الأزمة هو إيجاد طريق ثالث بين الرأسمالية والاشتراكية».

---

................

على اساس ان احنا عندنا اقتصاد اساسا !!

الموارد فعلا تنضب والدليل الواضح والأكيد - من وجهة نظرى- الحركات القرعة لوزارة المالية لزيادة الاتاوات والضرائب والرسوم بأى وسيلة وتخفيض ماتيسر من أجور الغلابة ومستحقاتهم

الأزمة هتزيد والمواجهة بين النظام والشعب هتشتعل كلما زادت الاتاوات لكن إمتى الله أعلم

ربنا يستر على بلدنا فى الأيام الجاية
فى ظل إنهيار الإقتصاد العالمى
لأن بصراحة إقتصادنا ماشى بالبركة بدون تخطيط وبدون إستراتيجيات واضحة وخطوات جدية من قبل الحكومة لمواجهة هذا الإنهيار
وكل يوم يطلعوا يقولوا مواصلة مسيرة الإصلاح الإقتصادى
هو فين الإصلاح الإقتصادى دة ؟؟
هو فيه إقتصاد فى البلد أصلا ؟ :H_angry[1]:
هل الناس حاسة فعلا إن فيه إصلاح إقتصادى ؟؟؟
الناس هتاكل وتشرب إصلاح إقتصادى ؟
وشكرا ,,,

مش هقول حاجة غير ..
ربنا يستر

هو لسة هينهار ؟
هههههههههههة يا نهار ابيض
دة اصلا منهار من ايام الانهيار ما توجد فى الدنيا

على فكرة ياجماعة فعلاااا الامور غير مبشرة بالمرة .ابن خالتى مرشد سياحى بيقولى ان السيزون السنادى انضرب وفى اماكن مستحيل كنت تلاقى فيهااا غرفة فاضية زى شرم فى رأس السنة بالعكس بيقبلو اى عدد من الحجوزات يعنى مش لاقيين (دة بالنسبة لمورد الدولة من السياحة )
اما فى الصناعة فبنت خالى شغالة فى شركة بتصنع الضفاير الكهربية للسيارات وبتنتج للسوق المحلى والتصدير كمان ومكنتش ملاحقة على الطلبيات .دلوقتى بتسرح عمالة وبتدى نصف مرتب للى بيستمر .وعمتى فى شركة بطاريات برضة نفس الحال .!!!
فربنااااااااا يستر اذا كان الدول العظمى اتأثرت بشدة بسبب الازمة يبقى احنا هيجرالنااااا اية ؟؟؟؟؟؟؟؟؟؟؟؟؟؟؟؟؟؟؟؟

الموضوع فعلا خطير واحنا للاسف كالعاده رد فعل حكومتنا بيلخص فى كام خطوه
1 التعتيم محدش فاهم حاجه
2 التعميم يلبسونا العمه باى كلام
3 وقوع المصيبه
3 التبرير والله ده دى حاله عالميه مش فى مصر بس

اقتباس:

---

المشاركة الأصلية كتبت بواسطة rockana9112007

على فكرة ياجماعة فعلاااا الامور غير مبشرة بالمرة .ابن خالتى مرشد سياحى بيقولى ان السيزون السنادى انضرب وفى اماكن مستحيل كنت تلاقى فيهااا غرفة فاضية زى شرم فى رأس السنة بالعكس بيقبلو اى عدد من الحجوزات يعنى مش لاقيين (دة بالنسبة لمورد الدولة من السياحة )

---

ولسه السياحة هتتضرب كمان
خصوصا بعد الحادث الأخير اللى حصل فى الحسين

السياحة انضربت جامد

موضوع القراصنة مضيع القناة

الصادرات قلت بسبب الازمة

المطلوب فعله الاتى

تنشيط للسياحة واعلانات وجلب سياح جدد

حل نهائى لموضوع القراصنة

استغلال الازمة وتصدير عمالة للدول الغنية وخاصة الكول سنتر والاعمال ذات الخول الجيدة المتميزين فيها ونادرة ف العالم

الاستفادة من انخفاض الاسعار لاستيراد خامات وصناعات اولية لمواد غير موجودة لدينا كالسلع الاساسية مع البناء والتعمير ف الصناعة

اصلا ليس لدينا فى الاساس اقتصاد مثل اى دولة
ما يوجد هنا سوق الحرامية

اقتباس:

---

المشاركة الأصلية كتبت بواسطة Dr Ahmed

الموارد فعلا تنضب والدليل الواضح والأكيد - من وجهة نظرى- الحركات القرعة لوزارة المالية لزيادة الاتاوات والضرائب والرسوم بأى وسيلة وتخفيض ماتيسر من أجور الغلابة ومستحقاتهم

الأزمة هتزيد والمواجهة بين النظام والشعب هتشتعل كلما زادت الاتاوات لكن إمتى الله أعلم

---

هي بلدنا كدة مش بتتشطر غير على الغلابة

هو احنا اصلا عندنا اقتصاد علشان ينهار اقتصاد البلد قايم على الضرايب والاتاوات من الداخلية و العدل

يعنى ايه اقتصاد مصرى

ههههه فكرتى بمقولة (لللمبى )
دة لصنع الصين ولا اليابان دة مصرى ومابيتكسرش

الأيام اللي جاية هتكون صعبة جدا ... بطالة ... انهيارمؤسسات ... نقص سيولة ... ركووووود ... حتى الحرامية مش هيلاقوا حد يسرقوه لأن الكل هيكون في الهوا سوا

سبحان الله أول مرة الاقى اتفاق على حاجة ....ربنا يزيد الاتفاق على الحق ...و فعلا احنا ما عندناش اقتصاد احنا عندنا شركات افراد و كام واحد عامل كام شركة و مصنع و خلصت على كده

يا جماعة ماتيجي ندي البلد دي باللي فيها للصين بشرط أنهم يوفروا بيوت للـ80 مليون مصري دول ويشفولهم شغل عندهم (ودي مش مشكلة معاهم خالص حيدولنا مقاطعة وملحق بها مدينة صناعية)

هما حيعروفوا يشغلوا البلد دي ويطلعوا منها خير

واحنا حنعيش في حتة فيها شغل ونشاطات ونمو على الأقل تغيير جو انتوا مزهقتوش من اسكندرية ومطروح ؟؟

الأهم من كل ده
حنعيش من غير ما حاجة تهدد امننا القومي لا اسرائيل ولا الجن حيخوفنا
مافيش شبح توريث هناك
بيسفلتوا كويس
معندهمش فيروس سي
الجواز هناك ببلاش
ركوبة الشيري والجيلي والكيري والبيري واجب قومي !!!

على فكرة ياجماعة مشكلة البلد ان مفيهاش تخطيط لبكرة .يعنى الحكومة مش بتخطط او تعمل حساب للمستقبل دة بالعكس تحس فى سلوكهااا بالحيرة والتخبط ومعندهمش طموح للمستقبل بيمشو امور البلد اليوم بيومة
دة كان ملخص لرأى سمعتة قبل كدة من شخص مش فاكر مين تقريبااا كاند. احمد الجويلى واعتقد بصحة الرأى دة مليوووون المية

الضرب فى الميت حرام

اقتباس:

---

المشاركة الأصلية كتبت بواسطة heshaaam

السياحة انضربت جامد

موضوع القراصنة مضيع القناة

الصادرات قلت بسبب الازمة

المطلوب فعله الاتى

تنشيط للسياحة واعلانات وجلب سياح جدد

حل نهائى لموضوع القراصنة

استغلال الازمة وتصدير عمالة للدول الغنية وخاصة الكول سنتر والاعمال ذات الخول الجيدة المتميزين فيها ونادرة ف العالم

الاستفادة من انخفاض الاسعار لاستيراد خامات وصناعات اولية لمواد غير موجودة لدينا كالسلع الاساسية مع البناء والتعمير ف الصناعة

---

فعلا المشكلة الكبرى ان اقتصادنا يعتمد على عوامل خارجيه و لا يتمتع باى استقلال او حتى كفايه ذاتيه
يعنى لو جينا نشوف اهم موارد الدخل هنلاقى
السياحة يعنى الناس تيجى من بره و تستمتع بالطبيعة اللى مالناش اى علاقة بيها و اثار الفراعنه اللى بنوها من الاف السنيين و تبعا للازمة المالية مفيش حد عنده فائض عشان يسافر للسياحة ولو عنده هيحتفظ بيه تجنبا لاى طارىء زى طرده من عمله
قناة السويس يعنى الناس بتنقل البضائع و احنا بناخد رسم عبور و طبعا هيقل جدا
مدخرات المصريين بالخارج طبعا هتقل ويمكن نصهم يرجع و تبقى مشكله اكبر
قناة السويس
الزراعة مش لاقيين ناكل و بنصدر خام
الصناعة مش هتقدر تنافس ده غير انها قليله اصلا
البترول كلها كام سنه ويخلص

انا نفسى افتكر مين اللى قال من الحكومة ان الازمة مش هتاثر علينا ؟ :_Alshmokh08[1]:

اقتباس:

---

يعنى لو جينا نشوف اهم موارد الدخل هنلاقى .....

---

قبل كل اللى حضرتك تكرمت و قلته أصبح أهم مورد الآن : جيوبنا

أقتصاد ايه هو في أقتصاد في مصر
ده ولا في زراعه المفروض دوله عندها النيل يكون عندها زراعه مافيش
دوله تعتبر من اكبر منتيجي الغاز الطبيعي بيصدرو ببلاش ومافيش صناعه قائمه عليه
البيكلم علي السياحه انا مش ينفع اقتصاد دوله يبقي قايم علي السياحه بس او علي قناه السويس بس فين الزراعه و الصناعه فين الصادرات
احنا للاسف بقينا دوله استهلاكيه بس وربنا يستر

اقتباس:

---

المشاركة الأصلية كتبت بواسطة hamedo0

أقتصاد ايه هو في أقتصاد في مصر
ده ولا في زراعه المفروض دوله عندها النيل يكون عندها زراعه مافيش
دوله تعتبر من اكبر منتيجي الغاز الطبيعي بيصدرو ببلاش ومافيش صناعه قائمه عليه
البيكلم علي السياحه انا مش ينفع اقتصاد دوله يبقي قايم علي السياحه بس او علي قناه السويس بس فين الزراعه و الصناعه فين الصادرات
احنا للاسف بقينا دوله استهلاكيه بس وربنا يستر

---

احمم هو فيه بلد اصلا
سعد زغلول قال مفيش فايدة بس لو كان عايش دلوقتي كنت انا و سعد زغلول اتعملنا بان من نايل موترز مع رسالة من الادارة عشان نحافظ علي الفاظنا

اقتباس:

---

المشاركة الأصلية كتبت بواسطة Dr Ahmed

قبل كل اللى حضرتك تكرمت و قلته أصبح أهم مورد الآن : جيوبنا

---

كلامك صح 100% :S_thum1[1]:

بلد كلام كلام وبس
مين الي بيخطط و مين الي بيمشي علي خطط
انسوا
ان الله لايغير ما بقوم حتي يغيروا ما بانفسهم

شوية كلام واقعى، بعيدا عن نغمة الأحباط اللى بنجلد بيها نفسنا حبا فى تعذيب الذات ، وبعيد ايضا عن نغمة "كله تمام" الحكومية، الكلام مش من مصدر مصرى ومنقول عن تقارير البنك الدولى، وعذرا لمن لا يجيدون الإنجليزية لاننى فى الوقت الحالى لأ امتلك الوقت الكافى للترجمة، لو تفضل احد الأعضاء ممن يملكون الوقت والمهارة للترجمة يكون مشكور:

Egypt's economic growth rate could contract to 3.2 percent this year and the country's pound would see a moderate depreciation relative to the U.S. dollar, a leading Cairo-based investment bank said Tuesday _ even as the country's finance minister continued to voice optimism about the ability of the Arab world's most populous nation to withstand the global economic meltdown.
In a research note released Tuesday, Beltone Financial analysts said while they "strongly believe the fundamentals of the Egyptian economy are solid," the impact of the government's stimulus efforts may not be quick enough to buoy the economy.

As a result, real economic growth is expected to average 3.2 percent in fiscal 2008-2009 and slide to 2.4 percent in the following fiscal year, the report said.

The revised projections came a day after Egyptian Finance Minister, in a note of optimism, was quoted in local newspapers as saying he believed GDP would rebound to between 7 and 9 percent after the current global meltdown is over. But he didn't say when he expected that recovery to begin, or when Egypt would realize those growth rates.

Egyptian officials _ with analysts echoing _ have repeatedly said the country is well positioned to weather the current economic slump. They have cited ample liquidity in the banking sector and a diversified economic base, as well as low consumer and corporate debt levels as evidence of the economy's strength.

Even so, Egypt faces daunting challenges, with about 20 percent of its 78 million residents living below the poverty line of $2 per day, according to the World Bank.

The global meltdown has already pushed economic growth down to 4.1 percent in the second quarter of fiscal 2008-2009, and is expected to squeeze key sectors like the Suez Canal and tourism.

Many Egyptians worry that drop will only deepen after a French teen was killed in a bombing Sunday night at a Cairo tourist hotspot.

The attack _ the first targeting tourists in the country in three years _ left another 24 wounded at a plaza fronting the 650-year-old Khan el-Khalili bazaar. It raised concerns among many Egyptians that it may further cut already declining tourism revenues.

Analysts, however, have downplayed that prospect, saying that the impact would be short-lived, especially compared to how the global crisis will affect the sector.

"Had the incident occurred at a time when there was a boom in tourism arrivals, we believe that there could have been a bigger impact," the Beltone report said.

"While we expect growth to dip in the short term due to the drop in private domestic and external consumption, we believe the country will be able to rebound from the low growth levels as soon as the global economy shows signs of a recovery," it said.

The report said the Egyptian pound could drop slightly to about 5.80 per dollar by the end of 2009, pulled down by an expanding current accounts deficit and a drop in revenues from foreign currency earners.

Analysts argue the Egyptian government's $2.7 billion stimulus plan could help the country push through the crisis. But declining revenues from key sectors like tourism _ which brought in $10.8 billion in the last fiscal year _ will make the average GDP growth rate of 7 percent realized in the past couple years a wistful memory for some time

بس برده المقال بيتكلم عن دخل السياحه وقناه السويس ومافيش اى حاجه عن صناعه او زراعه في البلد المفروض نكون متقدمين فيهم لازم عشان نكون دوله اقتصادها قوى مش نستورد الاكل بتعنا من بره نرجع بعض كده نقول كله موارد الدوله
لاكن نكون دوله استهلاكيه وبنعتمد علي السياحه وقناه السويس ونقول عندنا اقتصاد مش اعتقد الكلام ده صح.

اقتباس:

---

المشاركة الأصلية كتبت بواسطة hamedo0

بس برده المقال بيتكلم عن دخل السياحه وقناه السويس ومافيش اى حاجه عن صناعه او زراعه في البلد

لاكن نكون دوله استهلاكيه وبنعتمد علي السياحه وقناه السويس ونقول عندنا اقتصاد مش اعتقد الكلام ده صح.

---

انا نقلت المقال زى ما هو ،ولا قلت ان عندنا اقتصاد ولا قلت ان عندنا برد، انا لم اعلق بأى شكل

عفوا يا سبعاوى على ال signature بتاعك و فيتو على امتناعك عن المشاركة فى المنتدى الاجتماعى...... شارك فى اللى يعجبك و اللى ميعجبكش متشاركش فيه..... رد على الرأى اللى يعجبك واللى ميعجبكش خليه يمر مرور الكرام و غالبا هتلاقيه يدخل فى غياهب النسيان..... ايضا لا تتجنب المواجهة و تصحيح المفاهيم، فهذا واجب على كل صاحب تفكير منطقى ...... فيتو فيتو فيتو