plz اول سؤال ليه فى المنتدى فساعدونى

**sh2lsha** · 07-03-2009 01:24 AM

انا بصراحه قدامى عربيه اوبل استرا 2000 والنوع ده اصلا عاجبنى قوى بس فى ناس عماله تقولى سيبك من المستعمل وخليك فى الجديد وتعالى على نفسك بس هيه عجبانى فعلا ونفسى فيها ايه رأيكم اصلا فى الاوبل وكمان النوع ده وحدود سعرها اللى مزيدش عنه ولوجبتها هل فعلا هحس بفرق يعنى زى العربيات الجديده ولا اى كلام ياريت مل المعلومات عنها وشكرا

**omdaz_5538** · 07-03-2009 01:46 AM

يا اهلا بيك يا باشا فى العصابه
العربية كويسه جدا بس فيها شويه حاجات فى المحرك بتعها
انا كنت اتكلمت قبل كده فى الموضوع ده و حعدهولك تانى(دا اول طلب مينفعش يترفض) اسمع يا سيدى:-
1- بتضرب Air Mass Flow بسرعة وعشان تتفدا الموضوع دة غير فلتر الهواء دة كل 15000 كيلو
2- بتضرب Idel Air Control دة فى الغالب
3- بتحتاج عملية تنظيف فى AGR كل فترة ودة بسبب شوائب البنزين
4- بتجيب جوان وش السلندر ودة ممكن تتفاداة بمتبعة الحرارة
5- التسارع مش جامد قوى هى تقريبا 70 حصان(ايكوتك)
6- قطع الغيار بتاعتها اغلى شوية من الفيكترا و الكورسا و العربية معقدة شوية(الكلام دة من التوكيل و من ناس متخصصين فى الاوبل)
مزاياها العربية دى :-
1- العربية ثباتها ما شاء الله قوى جدا على السرعات العالية
2- امان لانها واخدة 4 نجوم من 5 فى اختبارات التصادم الالمانية (ربنا يبعد عنك و عنا شر الحوادث)
3- استهلاك الوقود كويس بس اكتر من اى عربية 1200 او 1300 و دة عشان انها ايكوتك 2 كامة
انا بقولك تانى العربيه معايا و عن تجربه (ملهاش حل)
و انا تحت امرك فى اى حاجه (لو اعرفها)
بس ادىMissed لاى حد فى العصابه و هما هيرودوا على طول(بينى وبينك كلام ميطلعش بره)ما بيصدقوا حد يسأل

**tamertamer** · 07-03-2009 02:46 AM

بص ياباشا انا منصحكش بيها عشان قطع غيرها مؤرفة شوية وغلية جدا على الفئة دية وغير كدة هى الحرارة بتعتها بتبوظ فيها كل حاجة لو مشيت على نظام السرفيس كل فترة موعينة هتمشى معاك كويس بس انا شخصيا مبحبهاش
الموميزات ثبات عالى جدا ممتازة وتوفير البنزين الطبلوة شكلة جميل وحديث
وسعة الى حد ما

**Ahmad Allawy** · 07-03-2009 08:35 AM

تسلم ايدك يا عمدة..
بجد ما شاء الله بقيت عمدة الاسترا ال1200 ف العصابة..
ربنا يكرمك و يجازيك خير..
بصراحة.. اوفيت... مميزات و عيوب في منتهي الامانة و الحياد..
عشان الراجل لو حب يشتري يبقي علي نور..
و برضه هاقول لأخينا الفاضل اللي بيسأل.. ربنا يوفقك في عربية كويسة و ترضيك.. و اهلا بيك في اي وقت عضو معانا ف العصابة..

**omdaz_5538** · 07-03-2009 06:38 PM

والله يا احمد بيه زوقك بيحرجنى
و ده برضوا من بعض ما عندكم
و سيادتك كينج الكورسا 1200:k52:
و سلامى ليك يا باشا

**nemonemo430** · 07-03-2009 06:41 PM

المشاركة الأصلية كتبت بواسطة omdaz_5538

يا اهلا بيك يا باشا فى العصابه
العربية كويسه جدا بس فيها شويه حاجات فى المحرك بتعها
انا كنت اتكلمت قبل كده فى الموضوع ده و حعدهولك تانى(دا اول طلب مينفعش يترفض) اسمع يا سيدى:-
1- بتضرب Air Mass Flow بسرعة وعشان تتفدا الموضوع دة غير فلتر الهواء دة كل 15000 كيلو
2- بتضرب Idel Air Control دة فى الغالب
3- بتحتاج عملية تنظيف فى AGR كل فترة ودة بسبب شوائب البنزين
4- بتجيب جوان وش السلندر ودة ممكن تتفاداة بمتبعة الحرارة
5- التسارع مش جامد قوى هى تقريبا 70 حصان(ايكوتك)
6- قطع الغيار بتاعتها اغلى شوية من الفيكترا و الكورسا و العربية معقدة شوية(الكلام دة من التوكيل و من ناس متخصصين فى الاوبل)
مزاياها العربية دى :-
1- العربية ثباتها ما شاء الله قوى جدا على السرعات العالية
2- امان لانها واخدة 4 نجوم من 5 فى اختبارات التصادم الالمانية (ربنا يبعد عنك و عنا شر الحوادث)
3- استهلاك الوقود كويس بس اكتر من اى عربية 1200 او 1300 و دة عشان انها ايكوتك 2 كامة
انا بقولك تانى العربيه معايا و عن تجربه (ملهاش حل)
و انا تحت امرك فى اى حاجه (لو اعرفها)
بس ادىMissed لاى حد فى العصابه و هما هيرودوا على طول(بينى وبينك كلام ميطلعش بره)ما بيصدقوا حد يسأل

++++++++++++

**sh2lsha** · 08-03-2009 12:50 AM

انتوا ثبتومى بصراحه بكلامكم الجميل بس لسه برده لو هتعبكوا معايه شويه السعر فى حدود كام او يعنى ماجيبهاش لو زادت عن كام وينفع بقى بعد كده تتروش وكده عشان انا عايز امشى رأيى على اصحابى واتحداهم بيها لانهم بيقولوا هات لك عربيه جديده احسن حتى لو صينى

**tamertamer** · 08-03-2009 02:08 AM

بص دة افضل وقت تشترى فية السوق واقع جدا جدا جدا بص من 40 الى 63
من موديل 96 الى 2003 حسب الامكنيات لو عايز تروشها بس نصيحة هى حلوة من غير حاجة وحسب الحالة انت بس دور اهم حاجة الحالة صينى اة ياراجل حرام عليك انت بتقارن اة باة انت عارف وانا بشترى عربيتى كان فى واحد صحبى بيشترى عربية بعديها 4 شهور العربية كل حاجة فيها باظت مع العلم انة ماشى بيها 20 الف كيلو وهى شيرى انا ماشى حوالى 40 الف والعربية مسكة نفسها بص الحالة هى المقياس على فكرة هو بيبعها وهيشترى اوبل على تجربتى وربنا يسهلك وتنضم للعصابة

**omdaz_5538** · 08-03-2009 02:18 AM

مساءك فل يا تامر بيه
كلامك و الله 10/10

**EGMIDO** · 09-03-2009 11:31 AM

السلام عليكم
احنا ممعانا 3 عربيات اوبل فيكترا واب خالى معاة عربية كورسا
بس بجد الاوبل وحش فى ان هو اعطالة كتيرة بالرغم ان معانا عربية منهم الى انا بركبها الحمد للة وبسم الله مشاء الله زى الفل مش بتاخد غير بنزين وزيت وهى تعتبر اقدمهم اول 98 واكثرهم عداد يمكن عشان انا الى ايدى فى التصليح ببقى عارف انا بعمل اية وانا سايق
بس بردو واحد زى والدى عمرة ما عدى سرعة ال 80 كم حتى على طريق السفرالمفروض تبقى عربيتة زى الفل لا دى كل يوم نغير فيها حاجة بالشى الفولانى اقربهم لمضة الفتيس بتنور دلوقتى
وكل الفيكترا الى معانا نفس العداد تقريبا وال3 بتوعنا احنا مش بتوع حد قرايبنا
يعنى نفس السواقة
بجد ومتزعلوش منى انا من راى ال 63 يكمل عليهم ويجيب حاجة جديدة
احسن الراجل شكلة مش عارف اى حاجة فى العربية وهيحتاس
اما احنا معانا العربيات من الزيرو ومحتاسين بيها
نصيحة عشان العملية عملية نصيب
انت ممكن تجيب عربية تكرهك فى السواقة وممكن تجيب عربية تخليك كل يوم تحى شركة اوبل
لو انت مستعد للمخاطرة بفلوسك اتوكل على الله وهات العربية
بالرغم ان العربية مجننانا الا ان والدى مش عاوز يبيع عربيتة خالص وبيقولى انة لما بيركب عربية ماما (لانسر 2004 معروضة للبيع )مش بيستريح فيها خاللللللللللللللللللص
بالرغم ان هى مريحة جدا وسبل الرفاهية فيها كتير تكيفها تلاجة وكاملة اوتوماتيك بردو انما هو بيستريح فى الاوبل
انا كمان لو غيرت هاشترى اوبل وبجد انا لولا ان انا خايف اجيب عربية تعقدنى انا كنت بيعت انهاردة قبل بكرة بس انا لما بعرض العربية للبيع بعرضها بدلع لغايت اما يجى صاحب نصيبها
الكلمة الاخيرة حاول تجيب جديد الجديد رخيص والحدق يفهم
هههههههههههه

الموضوع: plz اول سؤال ليه فى المنتدى فساعدونى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

قررت اجييب جنط وكاوتش فساعدونى بقى مااشى

اول سؤال ليا فى المنتدى

الكلمات الدلالية لهذا الموضوع

المفضلات

المفضلات

ضوابط المشاركة