الفتيس الستبترونيك ,, هل هو افضل من الاوتوماتيك العادى ؟؟

**M.Mokhtar** · 07-03-2009 06:01 PM

المشاركة الأصلية كتبت بواسطة حماده المصري

على فكره يا جماعه في برضو فتيسات ستيب ترونك انت مش بتتحكم في وقت النقله 100%
عشان في انواع فتيسات ستيب برضو لما بتيجي على الخط الاحمر بتنقل لوحدها
وبرضو لما بتهدي جامد بتنقل على النقله الاقل لوحدها
وفي عربيات مفيهاش الكلام ده هو متروك للشركه المصنعه

مفيش اي فتيس في العالم اداؤه زي المانيوال

بس في انواع فتيس بدات توصل للاداء القريب جدا منه

زي الاوبل ايزي ترونك واودي dsg والتويوتا mmt

دول بيتبنوا في الاساس على فكره المانيوال بس الكمبيوتر هو الي بينقل

وبرضو فيهم روح المانيوال من النتش والاحساس بالنقلات

اعتقد كل الفتيس بيبقى ليه تحكم من الكمبيوتر عشان لو المستخدم نسى او سائق العبط مش يدمر الفتيس ولا الموتور
يعنى اى فتيس حتى لو جايبه على وضعيه المانيوال هينقل لوحده لو انت حرقت اوى عليه او قللت السرعه جدا عن اللى مسموح بيها بالنسبة للنقله اللى انت عليها

ال DSG المفروض تعدى المانيوال لو النقله فعلا كانت متوقعه
بينقل فى 8 ميلى ثانية
هاتلى اى حد يعرف ينقل بالسرعه دى مهما كان مانيوال

**dr_darsh** · 07-03-2009 06:23 PM

انا معايا أوكتافيا فيها Tiptronic و طبعا الفتيس DSG مكون من 6 سرعات أماميه بصراحه أنا مش باستخدمه خالص لأن من ناحيه السحب أنا من راى ان الD او S افضل كتير والM باستخدمه مع الغرز فقط او لما أكون مش عاوز العربيه تدى نقله أعلى
وطبعا المانيوال مانيوال

**fahd_628** · 07-03-2009 06:29 PM

خلاصة الكلام ان سحب الستيبترونيك هوة هوة سحب الاوتوماتيك العادى بس الفرق انك فى الستيبترونيك بتبقى متحكم فى النقلة الى حد ما يعنى بتقول للفتيس دلوقتى انقل او دلوقتى نزل

انا عندى فى الهيونداى الفتيس مش ستيبترونيك بس انا ساعات بستخدمة زى الستيبترونيك عن طريق الغيارات 1 و 2 و 3 و دول زيهم زى ال + - فى الستيبترونيك

**حماده المصري** · 07-03-2009 06:36 PM

المشاركة الأصلية كتبت بواسطة M.Mokhtar

اعتقد كل الفتيس بيبقى ليه تحكم من الكمبيوتر عشان لو المستخدم نسى او سائق العبط مش يدمر الفتيس ولا الموتور
يعنى اى فتيس حتى لو جايبه على وضعيه المانيوال هينقل لوحده لو انت حرقت اوى عليه او قللت السرعه جدا عن اللى مسموح بيها بالنسبة للنقله اللى انت عليها

ال DSG المفروض تعدى المانيوال لو النقله فعلا كانت متوقعه
بينقل فى 8 ميلى ثانية
هاتلى اى حد يعرف ينقل بالسرعه دى مهما كان مانيوال

معاك حق طبعا في الكلام ده

وفعلا لما بشوف تسارعه في النت مفيش وقت للنقله بيتلاحظ

بس برضو في عربيات الفتيس فيها متروك امره للسواق
الي قريته في موقع عربيات مثلاا السوناتا لما بتهدي الكمبيوتر مش بينقل للنقله الاقل وده بغرض تركه للسواق وشيء مدروس من الشركه بس لو وصلت للخط الاحمر تنقل لوحدها
الازيرا مش بتنقل خالص على المانيوال الا عن طريق السواق وبرضو شيء مدروس من الشركه بغرض تخلي السواق يستمتع بالاداء الرياضي على مزاجه

**meromar** · 07-03-2009 06:48 PM

بس يا جماعة انا لما جيت اشتريت العربية الفنى اللى شرحلى امكانيات العربية وقالى على كل كبيرة وصغيرة فيها قالى العربية ستيبترونيك ويومها سالتة يعنى اية قالى يعنى تقدر تسوق العربية مانيوال واوتوماتيك فوقت واحد وتقدر تتحكم فالنقلات زى مانت عاوز من خلال 1 و2 و3 لكن اظاهر ان الراجل طلع بيفتى من عندة ولا اية

**M.Mokhtar** · 07-03-2009 07:35 PM

المشاركة الأصلية كتبت بواسطة meromar

بس يا جماعة انا لما جيت اشتريت العربية الفنى اللى شرحلى امكانيات العربية وقالى على كل كبيرة وصغيرة فيها قالى العربية ستيبترونيك ويومها سالتة يعنى اية قالى يعنى تقدر تسوق العربية مانيوال واوتوماتيك فوقت واحد وتقدر تتحكم فالنقلات زى مانت عاوز من خلال 1 و2 و3 لكن اظاهر ان الراجل طلع بيفتى من عندة ولا اية

الاستبترونك لازم يكون فيه + و -
انت عربيتك ايه؟

**حماده المصري** · 07-03-2009 09:56 PM

المشاركة الأصلية كتبت بواسطة meromar

بس يا جماعة انا لما جيت اشتريت العربية الفنى اللى شرحلى امكانيات العربية وقالى على كل كبيرة وصغيرة فيها قالى العربية ستيبترونيك ويومها سالتة يعنى اية قالى يعنى تقدر تسوق العربية مانيوال واوتوماتيك فوقت واحد وتقدر تتحكم فالنقلات زى مانت عاوز من خلال 1 و2 و3 لكن اظاهر ان الراجل طلع بيفتى من عندة ولا اية

هو انت فعلا ممكن تسوقها كده بس في حالات خاصه انك عايز تحرق على الغيار ومتنقلش الا بمزاجك
بس مش علطول
بس ده مش معناه انها ستيب ترونيك

**ahmed_wbt** · 07-03-2009 11:04 PM

مبدئيا بس الناس مختلط عليها بين ال DSG والستيب ترونيك

يختلفو فى الاداء تماما والفتيس ال دى اس جى غالى جدا وغير متوافر فى مصر الا فى العربيات العاليه قوى ونادرا كمان لانه رياضى بحت وحتى فى العربيات السبورت بيكون اختيارى مش اساسى وده لأنه يعتبر من اسرع نواقل الحركه فى العالم حاليا بس طبعا فى منه نسخ كتير جدا الاسرع منها بتستخدمه فيرارى وبينقل بين كل سرعه وسرعه فى 100 ملى ثانيه

وده الفرق بين المانيوال العادى وال DSG فى نفس العربيه فى برنامج فيفث جير

http://www.youtube.com/watch?v=LROqVLz4z8M

وده فيديو تانى بيوضح فرق التسارع بينهم

http://www.youtube.com/watch?v=gmMNRQ1GJ3o

تجربتى من الستيب ترونيك كانت فى بيجو 307

ممل تماما وزيه زى ما تكون دايس على اخر دواسه البنزين وانت على ال s بينقل برده قبل منطقه الخطر حتى لو انت منقلتش ولما بتهدى هو بينزل الغيار لوحده كل ما فى الموضوع انك بتحرك العصايه قدام وورا وبصراحه مبحسش فيه بأى متعه

**PoweRPassioN** · 07-03-2009 11:24 PM

طب احسن عربيه ف الاوتوماتيك تحت 150000 ايه؟؟
يديك احساس واداء المانيوال وراحه الاوتوماتيك
ولكم جزيل الشكر

**Waheed** · 07-03-2009 11:38 PM

الكورولا Mmt أو تزود لـ 155000 وتجيب أوبل فكترا ايزي ترونك

مشاهدة نتائج الإستطلاع: الفتيس الستبترونيك ,, هل هو افضل من الاوتوماتيك العادى ؟؟

الموضوع: الفتيس الستبترونيك ,, هل هو افضل من الاوتوماتيك العادى ؟؟

LinkBack

أدوات الموضوع

عرض

-

-

-

-

-

المواضيع المتشابهه

ايهم افضل بلنسبه لك الفتيس العادى التقليدى ولا الفتيس الـــ cvt

اية افضل النوبيرا الاوتوماتيك افضل ام الفتيس العادى

الفتيس الستبترونيك

الفتيس العادى ولا الاتوماتيك

هل صحيح الفتيس الاوتوماتيك الcvt احسن من الاتوماتيك العادى

الكلمات الدلالية لهذا الموضوع

المفضلات

المفضلات

ضوابط المشاركة