الموضوع: لاند روفر ديسكفري

الحمد لله كان بقالي فتره كبيره بدور على سيارة دفع رباعي تكون عمليه و سعرها معقول لظروف محتاجه سفر دائم و طرق وعره,
فكان نطاق البحث اني كنت بدور على لاندكروز او جيب شيروكي والفيتارا مرورا بالتريوس و حتى اللادا نيفا وطبعا فكرت في الـtiggo وسيارات صيني تانيه
بس طبعا اللاند كروزر كان سعرها عالي جدا ومعظم السيارات الباقيه مشجعونيش ما عادا الفرونتيرا والشيروكي,
من حيث انهم الاقوى والاكثر انتشارا وتجربه من حيث الاعتماديه,
و بعدين شفت في الشارع اللاندروفر,
فبدأت اسأل عنها لغاية ما لقيت في الوسيط واحده,
كلمت الراجل و رحنا شفناها و سألت عنها و عن قطع غيارها و الحمد لله اشتريتها,
اول ما جبتها طبعا رحت للمهندس الي بتتعامل معاه العربيه وهو شغال في اللاندروفر بس و ما شاء الله عليه فاهم فيها كل حاجه,
السياره 3.9 بنزين 8سلندر موديل 1995,,
جسم السياره كله مصنوع من الالومنيوم و ده بيصعّب الشغل فيها في حالات السمكره لا قدّر الله,

اول ما اخدتها رحت غيرت كل الزيوت الي في العربيه
والفلاتر والتيل وسير المجموعه ومياه الراداتير....

طبعا كل الناس حذرتني من غلو قطع الغيار و ندرتها,,
من ناحية الغلو فهي فعلا غاليه لكن المفروض انها معمره(لسه مجربتش مدى تعميرها)
من احية الندره فقطع الغيار الاستهلاكيه زي الفلاتر و السيور و اجزاء الصيانات الدوريه فهي موجوده عند واحد اسمه اخوان عابد في باب اللوق

اما قطع الغيار الاخرى فهي مش موجوده كتير و ليها ناس في الحرفيين بيجيبوها استيراد,

اما اسعار قطع الغيار:
1-فلتر زيت 75
2-تيل فرامل امامي انجلزي=350 -اسباني=325
3-تيل فرامل خلفي انجليزي=300 -اسباني=275
4-فلتر هواء مصري=65 - انجليزي=135
5-فلتر بنزين 175
6-فلتر فتيس اوتوماتيك بالجوان 350
7-سير المجموعه 285
8-زجاج امامي دكتور جريش 550

مواعيد تغيير الزيوت :

زيت موتور 8000كم
زيت فتيس وزيت كورونه امامي و خلف 30000كم
فلتر هواء 20000كم
فلتر بنزين 20000كم
بوجيهات 20000كم
تيل امامي و خلفي 30000كم
شحم الكبالن 30000كم
سير المجموعه 30000كم
مياه الرادياتير 30000كم

العربيه لسه فاضلها شوية شغل في التكييف و الكهرباء و حبة رفايع تانيه زي لمبات و كده
و ان شاء الله لما ربنا يسهل هحتاج سروجي كويس عشان اركب فرش كويس و اعمل تجديد لصالون السياره بالكامل وادعولي ربنا انه يوفقني فيها ان شاء الله,,,,
وبالنسبه لتقييم الاداء فلسه ما اختبرتهاش بالشكل الكافي عشان عايز اختبرها لما اكمل كل حاجه فيها ان شاء الله

و لو حد عنده اي معلومات عنها يفيدني و يكون ليه الثواب