حادثه والتأمين!!! محتاج رأيكوا جدااا

**ramylanos** · 07-03-2009 02:24 AM

واحد صحبي عمل حدثه بعربيته هيونداي النترا ومؤمن عليها

الحادثه عباره عن هوه كان لسه بيحاول يدخل عكسي ولسه بيطلع بوظ عربيته علشان يلف عكسي واحد جاي بسرعه راح خبطه في بوظ عربيته والعربيه اتبهدلت العربيه بتمشي اخرها علي 30 ما بتجبش اكتر من كده والمارشدير باظ(العربيه اوتوماتك)والريدايتير بالسربتينه كله اتبهدل.والكابوت والرفرفين بالاكصدام كله باظ
يعني هتكلف كتير

المشكله فين
شركه التأمين بتتطلب المحضر
لو شافت ان المحضر في سير عكس الاتجاه بترفض التصليح

انا ممكن اعمله محضر تاني بوصف حادثه تانيه وادخلها عادي التامين بالطريقه ديه

كده يا جماعه حلال ولا حرام في رأيكوا ؟؟

**أشرف فتحى** · 07-03-2009 02:30 AM

ربنا يعوض عليه
بس انت بتسأل على حرمانيه عمل محضر غير حقيقى ولا على شركه التأمين هاتعمل ايه؟
عموما لو على الحلال والحرام فى موضوع مثبت فيه فتوى بحرمانيه التأمين على انواعه
وربنا يعينه لان الخبطه دى كلفت واحد اعرفه مبلغ محترم

**ramylanos** · 07-03-2009 02:36 AM

بسأل علي حرمانيه لما شركه التأمين تشرب المحضروتصلح العربيه

**kemo0o** · 07-03-2009 02:41 AM

أكيد طبعا حرام لان شركة التأمين حاطة شرط في البوليصة بتقول لك انلو الحادث نتج عن مخالفة مرورية فهي غير مساولة
وانت وافقت على الشرط ده

يبقى أكيد حرام اللي هتعمله
والله اعلم

بس برضه اسال اهل العلم هما اعلم مني برضه

**أشرف فتحى** · 07-03-2009 02:44 AM

المشاركة الأصلية كتبت بواسطة ramylanos

بسأل علي حرمانيه لما شركه التأمين تشرب المحضروتصلح العربيه

لا اعلم
الله اعلم

**NoRmAl** · 07-03-2009 02:46 AM

يا استاذ رامى
الحلال بين والحرام بين
لو كان حلال مكنتش هتسأل اساسا و كنت هتعمله على طول
لكن سؤالك يدلك على شبهه الموضوع...
زى ما قلك الاستاذ الى قبلى هو ماضى على عقد...عهد يعنى
والى انت عايز تعمله فى نقد للعهد ده بدون علم الطرف الاخر
وربنا امرنا لا ننقد عهدنا معاه و حكم علينا ان لا ننقد عهودنا مع بعض.
ربنا يوفقك للأصلح.