تجربة قيادة الجيل الجديد من محركات Vw Tsi
السلام عليكم
وانا بتمشى كده لقيت واحد راح واقف جانبي وبيكلكس المهم من عادتي مابصيتش لحد لما بدأ يقول كلام :shyy:
المهم بصيت لقيت واحد صاحبي يمتطي :44: PASSAT TSI نزل وسلمت علية وبدأت هنا مرحلة التجربة قلت له عاوز أجرب العربية قاللي اتفضل ياباشا وقاللي ان كمان واحد صاحبنا تالت جاب JETTA ركبت العربية وعاوز اقول لكم انها اول مرة أركب باسات العربية ماشاء الله مريحة ورهيبة من جوة ( ماشاء الله ) المهم صوت موتورها حلو جدا جدا طبعا وانت جوه ولا كأن في صوت وطلعنا على الطريق ودي انطباعاتي على العربيتين :
للعلم تجربة الباسات كانت خفيفة عشان ابو صاحبي كان عاوز العربية ولكن كل التجارب تمت على جيتا
كود:
الكابينة ( المقصورة ) :
هي هي نفس الموديلات السابقة في الموديلين
في حالة ال soft acceleration العربية ناعمة معاك ومرنة كده لحد 100 بعد ال 100 عفاريت الTSI بتطلع
عملت كيك داون وانا على 100 والله العظيم فوجئت بحركة ال RPM بجد نط على طول وتجميع خيالي بل فوق الخيالي وكمان تجمبعها خرااااااافي
ثبات ممتاز جدا جدا على كل السرعات ملفات على 180 (جيتا) والعربية ممتازة والمناورات فيها ممتازة والتحكم رائع
لم يحدد بعد لان العربيتين الاتنين ماكملوش اصلا 500 كيلو والناس هتقوللي بتمشي 180 والعربية بتلين هقول ان اصحاب العربيتين مش بيعترفوا بالتليين :44:
المشكلة الوحيدة اللي لقيتها في العربية هي مشكلة دواسة الفرامل حاسس انها مش طبيعية بس لما تتعود على العربية مش هتواجهك المشكلة دي
بصراحة انا برشح لاي حد هيشتري اقول له JETTA TSI من الاخر
