أول مرة أشغل التكييف النهاردة ومش عارف ده طبيعى ولا لأ

النهاردة كان أول يوم ليا أشغل التكييف لإنى لسه مخلص تليين الألف كيلو بس لسه مروحتش أعمل صيانة الألف
المهم أول مشغلت التكييف لقيت صوت العربية إتغير خالص وبقى عالى جدآ بالظبط كده كإنى مشغل غسالة !
وشوية الصوت يهدى لمده 3 ثوانى مثلا ويرجع يشد تانى (كإنوا بيعمل دورة معينة ) ومش عارف ده طبيعى ولا لأ , مع إنى مظنش إن كده طبيعى
فياريت حد يفدنى علشان هبتدى أقلق
ملحوظة :1
- طبعآ الصوت اللى بتكلم عنه ده صوت كده جى من الموتور ( يعنى الصوت فى العربية من بره ) . فأنا مقصدتش مثلا صوت مروحة التكييف من جوه العربية لان الصوت جوه عادى وطبيعى خالص
2- التجربة دى والعربية دايرة بس واقفة مش ماشية

وياريت لو حد يعرف الرقم اللى بتصل بيه علشان أحجز لصيانة الألف

كده عادي متقلقش. ده كده الكلتش بتاع الكمبريسور بيفصل و يشتغل.

شكرآ لردك يا أستاذ أحمد بس صوت الكمبريسور يكون عالى أوى كده . مش عارف كل الجين 2 كده ولا إيه

هوه شدة الصوت بتختلف من عربيه للتانيه . معرفش بصراحه شدة الصوت بتكون ازاي في الجين 2 بالتحديد... لكن السيناريو اللي بتحكيه ده عادي و بيحصل في كل العربيات.

فعلا زي ما الأستاذ أحمد حسن قال بالظبط .
و فعلا الكمبروسور بتاع الجين 2 صوته عالي شوية
و للتأكد شوف عربية جين 2 تاني و قارن الصوت علشان تقطع الشك باليقين
و مبروك العربية

فعلا صوت الكمومبريسور عالى عندى فى البيرسونا - بس مع السرعه من اول 60 كده و انت طالع بيضيع او بمعنى اصح بيختلط بصوت الموتور فمش بتتحس بيه - الاهم فعلا انه بيأثر على سحب العربية لما تكون فى البطئ او فى زحمة

اقتباس:

---

المشاركة الأصلية كتبت بواسطة hadota_masreya

فعلا صوت الكمومبريسور عالى عندى فى البيرسونا - بس مع السرعه من اول 60 كده و انت طالع بيضيع او بمعنى اصح بيختلط بصوت الموتور فمش بتتحس بيه - الاهم فعلا انه بيأثر على سحب العربية لما تكون فى البطئ او فى زحمة

---

ممكن اقابل حضرتك اصلى حجزت البيرسونا وقلقت من صوت التكييف ده فلو ينفع اقبلك واسمع الصوت ده فى عربيتك علشان اطمن ولا اسحب الحجز واشوف غيرها يريت تفدنى بالنصيحة . اسامة

اقتباس:

---

المشاركة الأصلية كتبت بواسطة amecath

ممكن اقابل حضرتك اصلى حجزت البيرسونا وقلقت من صوت التكييف ده فلو ينفع اقبلك واسمع الصوت ده فى عربيتك علشان اطمن ولا اسحب الحجز واشوف غيرها يريت تفدنى بالنصيحة . اسامة

---

انا يا باشا معايا برسونا و معتقدش يعني ان الصوت عالي اوي كده

هوا بس بيفرق في طلعة العربية شوية في الزحمة

بس حضرتك ممكن تشوف اي واحدة و شغل تكيفها عشان تبقا مرتاح نفسيا يعني:k38:

انا والله العربية سايبها في اسماعيلية عشان جابت
1000 كيلو و لسه معملتش صيانة

فا حضرتك ممكن تشوف اي عضو او استني عليا اسبوع كدا لو ينفع:Zb_sor1[1]:

اقتباس:

---

المشاركة الأصلية كتبت بواسطة Boody8882

وياريت لو حد يعرف الرقم اللى بتصل بيه علشان أحجز لصيانة الألف

---

المعرض الرئيسي و مركز الخدمة
الكيلو 28 طريق مصر اسكندرية الصحراوي ...... قبل البوابات و قبل داندي مول
أبورواش – الجيزة
هاتف : 3-2-0235390601
فاكس 0235390610

يعنى الموضوع طلع إن كده طبيعى وإن الكمبروسور بتاع الجين 2 صوته الطبيعى إنه عالى شويه

اقتباس:

---

المشاركة الأصلية كتبت بواسطة Boody8882

يعنى الموضوع طلع إن كده طبيعى وإن الكمبروسور بتاع الجين 2 صوته الطبيعى إنه عالى شويه

---

راجع التوكيل فى صيانة الاف وانشاالله خير :U_thin1[1]:
ربنا يوفق

متنساش تطمنا
وربنا يصلح حالنا وحالك

اقتباس:

---

المشاركة الأصلية كتبت بواسطة Boody8882

النهاردة كان أول يوم ليا أشغل التكييف لإنى لسه مخلص تليين الألف كيلو بس لسه مروحتش أعمل صيانة الألف
المهم أول مشغلت التكييف لقيت صوت العربية إتغير خالص وبقى عالى جدآ بالظبط كده كإنى مشغل غسالة !
وشوية الصوت يهدى لمده 3 ثوانى مثلا ويرجع يشد تانى (كإنوا بيعمل دورة معينة ) ومش عارف ده طبيعى ولا لأ , مع إنى مظنش إن كده طبيعى
فياريت حد يفدنى علشان هبتدى أقلق
ملحوظة :1
- طبعآ الصوت اللى بتكلم عنه ده صوت كده جى من الموتور ( يعنى الصوت فى العربية من بره ) . فأنا مقصدتش مثلا صوت مروحة التكييف من جوه العربية لان الصوت جوه عادى وطبيعى خالص
2- التجربة دى والعربية دايرة بس واقفة مش ماشية

وياريت لو حد يعرف الرقم اللى بتصل بيه علشان أحجز لصيانة الألف

---

المفروض التكيف مش بيشتغل على طول . بيشتغل و بيفصل كل شويه ده طبيعى .

و برده طبيعى جدا ان الموتور صوتة يعلى مع تشغيل الكمبريسور لتعويض فرق تحميل الكمبريسور على الموتور .


بس المفروض ان ال RPM مايعديل ال1000 او بالكتير 1200 فى حاله تشغيل التكيف . اكتر من كده يبقى مش طبيعى .

جربي تشغل الموتور و استنى لحد ما العربيه تسخن " العداد يوصل على النص ". ( او امشى بالعربيه شويه لحد ماتسخن ) و شغل التكيف و تابع قرائه ال RPM شوف بيبقى كام و الكمبريسور شغال و كام لما يكون مفصول .

أعتقد الصوت العالى اللى هوه يقصده هوه صوت مروحه السربنتينه الخارجيه اللى بتشتغل و تفصل مع الكومبريسورلأن الكوبريسور صوته مش عالى لدرجه أنه يكون أعلى من صوت الموتور. وده صوت عادى جدا موجودفى كل العربيات.

طالما من برة بتسمع صوت عالي فده طبيعي جدا جدا
لكن لو من جوه الصوت عالي ساعتها تقلق

اقتباس:

---

المشاركة الأصلية كتبت بواسطة Bassel

طالما من برة بتسمع صوت عالي فده طبيعي جدا جدا
لكن لو من جوه الصوت عالي ساعتها تقلق

---

فعلا الصوت العالى ده من بره بس وكمان أنا حسيت بيه أوى كده لإنى كنت أول مرة أشغل التكييف وكانت العربية واقفة وكمان فى مكان هادى يعنى كنت سامع أقل صوت
إنما لما جربت بعد كده والعربية ماشية ولا حسيت بأى حاجة

نصيحة لو صوت العالى ده لا يؤثر على قوة التكييف اسال التوكيل
بس لو التككيف شغال كويس و تبريده كويس متخليش التوكيل يلعب فى حجاه
ده عن تجربة عشان ما يبوظش حجاه تانية
لانهم للاسف محدش فنى تكييف فاهم فى التوكيل
اسامة