التيجو.....مأساة قطع الغيار!!!!!!

**sasam6** · 08-03-2009 10:45 PM

انت مستنظر ايه من العربيات الى عمالة تحدفها الصين دا كل يوم عربية جديدة بشكل جديد بمواصفات تانية وفلأخر مفيش قطع غيار
وقول لصحبك ربنا يتولاه برحمته

**nazaryia** · 11-03-2009 11:17 PM

المشاركة الأصلية كتبت بواسطة sasam6

انت مستنظر ايه من العربيات الى عمالة تحدفها الصين دا كل يوم عربية جديدة بشكل جديد بمواصفات تانية وفلأخر مفيش قطع غيار
وقول لصحبك ربنا يتولاه برحمته

مالها الصين بس ده عيب من التوكيل اللي بينزل العربيات قبل ما يأمن قطع الغيار العيب فينا مش في الصين

**khldon2000** · 12-03-2009 01:01 AM

اخي الحبيب يبدو انك انسان مهذب
وللأسف في بلدنا اسلوب المعاملات اتغير واتغيرت اشكاله
يعني لو دخلت بكره التوكيل وعملت شبوره ومسكت مهندس الاستقبال وشتمته وضربته كمان
هايجيلك المدير حالا
خير يا بيه في ايه
اهدى حضرتك خالص
ايه المشكله
وتتحل ان شاء الله
قول لهم انك هاتشردهم في كل الجرايد حتى لو على حسابك في اعلان

**erabie** · 22-03-2009 01:33 AM

والله العظيم حرام يسييبوا توكيل زى ابو الفتوح وغيرهم يسرقوا فينا ويحرقوا في دمنا.
اللى حصل معايا اكتر من كدا بكتييييييييييييييييير.
العربية بعد اسبوع لقيت الدركسيون بيعمل صوت في الملفات
رحت التوكيل في ابو رواش قالو علبة الدركسيون فيها عيب وعايزه تتغير
قلتلهم غيروها قالوا العربية خارج التوكيل علشان معملتش صيانة الالف في ميعادها
وكان الرد الطبيعى منى طب ايه دخل عمل الصيانة في ميعادها بعيب صناعة علبة الدركسيون قالوا هوا دا اللى عندنا ولو عايز تغيريها يبقى على حسابك.
نصحنى واحد من المنتظرين لعمل الصيانة وقللى روح اشتكى في المعادى.
المشكلة انهم في خدمة العملاء اللى على كورنيش المعادى يقابلوك كويس ويقولوا هنحقق في الشكوى ونتصل بيك ولا حياة في من تنادى. والله حرام.
بالمناسبة انا عربيتى لانوس بس لقيت موضوع باب الاسبيرانزا مع نفس الوكيل اللى حرق دمى.

**monamor_kill** · 04-04-2009 04:44 PM

والله اللى بيحصل عندنا دة ما لوش مثيل حتى فى مدغشقر كلة عايز يشفط فلوس بس وكلة على قفى الشعب الغلبان منه واللى مش غلبان معاك قرشين تروح الصين تجيب اى حاجة تغرق السوق بيها وياخد مكسبة والسلام عليكم واللى اشترى ياكله اطر الله يخرب بيوتهم ويحرقهم وحسبى الله ونعم الوكيل فى الحكومة مالهاش دعوة تاخد فلوس وتدخل اى حاجة

**karimone** · 04-04-2009 04:56 PM

يعني هم عايزين حلوه تفضل حلوه للأخر..

العربيه فعلاً حلوه مواصفات و سعر... يجيي الوكيل و يبوظ الدنيا و العربيه سوقها يبوظ بسببهم

**mohameduoser** · 06-04-2009 06:34 PM

ممكن يكونوا مضبطين مع شركة التامين لانهم بيعملو بوليصة مجانية انا راى لازم الباب يتغير العربية زيرو

**mzm** · 04-05-2009 02:53 PM

المشاركة الأصلية كتبت بواسطة Sherif_Hashem

استلم صديق لى التيجو منذ 15 يوم و العربية اتخبطت خبطة شديدة و هى واقفة و الحمد لله الخبطة جت كلها فى الباب اليمين قدام ,
رحنا بيها التوكيل اللى فى جسر السويس و استلموا العربية لأنها متأمن عليها تبع عرض اسبرانزا تأمين شامل فى مصر للتأمين
و بغض النظر عن طريقة المقابلة الغير لائقة و الا مبالاة فى التعامل و "روح بلغ مصر للتأمين الأول علشان ييجوا يعاينوا" و مصر للتأمين "لأ يعملوا مقايسة الأول" و لا شئ يتم فى أسبوع كامل من الانتظار و العربية مرمية قصاد التوكيل فى الشارع...
و بعدين بعد أسبوع كمان كلمناهم فقالوا الباب محتاج يتغير , قلنا غيرووه, قالوا معندناش باب!!!!!!!!
طب صلحوه قالوا ماينفعش لازم يتغير!!!!!!!!
طب نعمل ايه؟؟؟ قالوا استنى بقى لما يبقى يجيلنا أبواب ليها.....أصل دى أول تيجو تيجى فى حادثة!!!!!
ايه رأى حضراتكم؟؟
فى حد محترم ينزل عربية من غير ما يجيب قطع غيارها؟؟؟
أعمل فيهم اية دبرونى؟؟؟؟؟؟؟؟؟؟؟؟

انا حصل معايا بس انا رحت ابو الفتوح الى فى طريق مصر اسكندرية الصحراوى وعملو الازم لانهم اقرب للمصنع وبيخدو قطع الغيلر من هناك على طول