معلومة جديدة وصلتنى اليوم

**Abdallah** · 02-09-2007 05:54 PM

وصل الى مسامعى اليوم معلومة جديدة اود مشاركتكم اياها وهى ان السيد وزير المالية قد اصدر قرار بالغاء فك الحظر عن سيارات المعاقين وسيتم تفعيل هذا القرار ابتداء من 1 يناير 2008 وطبعا كلكم عارفين ايه معنى الكلام دة وانا عن نفسى سعيد جدا لهذا القرار لان دة هيحد من جشع التجار الى كانوا بيبيعوا عربيات المعاقين باسعار مبالغ فيها جدا واخيرا فأنا لا زلت غير متأكد من هذا الموضوع حتى الان ولكنى اتمنى ان يكون صحيحا وافلح ان صدق.

**شريف** · 02-09-2007 06:11 PM

الكلام دة اتقال من شهر فى الاهرام
ودة معناة ان العربية مينفعش تتباع الا بعد الخمس سنين مينتهو

**ahmed1981** · 02-09-2007 06:57 PM

ألحق بقى أقول لواحد قريبي ماشي في الموضوع :mrgreen:

**معاذ الشرباصى** · 02-09-2007 07:13 PM

ان شاء الله تكون معلومة صحيحة و تنفذ لأن الموضوع ده بقى مستفز جدا

**محمدايهاب** · 03-09-2007 02:14 AM

فعلا اتلموضوع زاد عن الحد و استغلال التجار أصبح شي لا يطاق
يا رب القراق يتنفذ بسرعة

**tmz9111** · 03-09-2007 05:15 AM

ان شاء الله تكون معلومة صحيحة

**PAYOO** · 03-09-2007 05:17 PM

المشاركة الأصلية كتبت بواسطة Abdallah

وصل الى مسامعى اليوم معلومة جديدة اود مشاركتكم اياها وهى ان السيد وزير المالية قد اصدر قرار بالغاء فك الحظر عن سيارات المعاقين وسيتم تفعيل هذا القرار ابتداء من 1 يناير 2008 وطبعا كلكم عارفين ايه معنى الكلام دة وانا عن نفسى سعيد جدا لهذا القرار لان دة هيحد من جشع التجار الى كانوا بيبيعوا عربيات المعاقين باسعار مبالغ فيها جدا واخيرا فأنا لا زلت غير متأكد من هذا الموضوع حتى الان ولكنى اتمنى ان يكون صحيحا وافلح ان صدق.

يا ريت توضيح أكثر يا عبدالله عن موضوع فك الحظر ده والمقصود به وعلاقته بجشع التجار

**معاذ الشرباصى** · 03-09-2007 05:39 PM

عربيات المعاقين بعد اما يشتريها المعاق, كان التاجر يديله 5 الاف جنيه

و يتم فك الحظر من على السيارة بحوالى 10 الاف جنيه

و بعد كده يتم بيع السيارة عادى لأى حد

هو شاريها اصلا بتراب الفلوس و وارد الخارج و بعد كده يبيعها قريب من سعر سوق المستعمل العادى

**Abdallah** · 03-09-2007 09:49 PM

زمان كان الحظر دة بيبقى على السيارة وحاليا بقى على المعاق واتعملت غرامة بحيث لو المعاق معجبتوش العربية الى إشتراها
فبيدفع الغرامة ويبيع العربية ويشترى عربية تانية وطبعا التجار استغلوا الموضوع دة وبقت تجارة .
فرضا إن العربية دايو لانوس موديل 99 بيشتريها من جوة بحوالى 30 الف على المرور وبيدى للمعاق 4 وبيدفع غرامة فك الحظر 10 يبقى كدة العربية وقفت عليه بـ 44 الف يبيعها فى السوق بـ 50 او اكتر لأن طبعا العربية بتبقى حالتها نظيفة جدا جدا جدا عن الاستخدام المصرى وهى دى القصة.
الظريف بقة إن فى ناس مش تجار كانوا بيشتروا العربية من عادى زى ما التاجر بيعمل وميدفعش غرامة فك الحظر ويروح لموظف المرور المسؤل عن إصدار الرخصة ويدفعله الف جنيه مثلا ويشيله كلمة " حظر البيع/ إعاقة طبية " من على رخصة السيارة وبالتالى يقدر يسوقها بتوكيل مضروب لإن معروف ان العربيات المعاقين لا يقودها إلا مالكها.