اهلا بيك يا اخى هشام
المنتدى منور
بالنسبة الميتسوبيشي l200 سبورتيرو الصراحة معرفش بس هحاول اسال
رقم العضوية : 1924
تاريخ التسجيل : 27Aug2007
المشاركات : 522
الحالة :
السلام عليكم ورحمة الله وبركاته
السادة أعضاء المنتدى الكرام
أولا أنا بحب أهني نفسي على إنضمامي لهذه المجموعة المتميزة من الشخصيات المحترمة المهتمة بكل ما يتعلق بالسيارات.
ثانيا: أحب أهنيكم على المستوى الرائع الذي تتم به إدارة المنتدى ومستوى الإفادة اللي ممكن الواحد يطلع بيه من تصفح الأقسام المختلفة للمنتدى. بجد مبادرة طيبة أهنيكم عليها.
ثالثا: أعرفكم بنفسي - وليس لدي الكثير لأقوله في الواقع - فأنا معيد بجامعة القاهرة وأدرس حاليا بالخارج وعمري 24سنة، وبإذن الله حضور أول إجتماع المنتدى في أقرب إجازة هايكون من الأولويات عشان الواحد يتعرف بالناس الجميلة ديه.
ابعا: نظرا لقلة خبرتي فيما يتعلق بالسيارات - رغم ولعي الشديد بها - فإن أولى مشاركاتي ستكون عبارة عن سؤال فيما يتعلق بالميتسوبيشي l200 سبورتيرو. أنا عارف إنه ممكن يكون سؤال غريب شوية لأن معظم العربيات التي يتم التعريف بها هي في الغالب سيارات ركوب. ولكني وجدت هذه السيارة متميزة ومختلفة وإمكانياتها متميزة جدا مقارنة بسعرها (140 ألف على ما أعتقد). فلو أي من الإخوة الكرام لديه ما يفيد حولها من حيث كفاءتها، تكاليف التشغيل، الصيانة وقطع الغيار، الترخيص، سعر إعادة البيع أرجو ألا يبخل بها.
يا ريت ما أكونش تقلت عليكو في أولي مداخلاتي بس أنا متأكد إن لديكم من رحابة الصدر وكرم الضيافة ما يسمح لي بما هو أكثر من ذلك.
أخوكم/ هشام
رقم العضوية : 25
تاريخ التسجيل : 17Apr2007
المشاركات : 3,360
النوع : ذكر
الاقامة : cairo
السيارة: na
السيارة[2]: lanos
دراجة بخارية: no
الحالة :
اهلا بيك يا اخى هشام
المنتدى منور
بالنسبة الميتسوبيشي l200 سبورتيرو الصراحة معرفش بس هحاول اسال
رقم العضوية : 635
تاريخ التسجيل : 13May2007
المشاركات : 1,714
الاقامة : الحمد لله مصر
الحالة :
أهلا و سهلا بك يا أخ هشام نورتنا :) أنا برده الصراحة ماعنديش أى فكرة عن هذا النوع أسف , ممكن حضرتك تسأل المهندس طارق "مصراوى جدا " هو أكيد ممكن يفيد حضرتك. و ده عنوان توكيل ميتسوبيشى مصرية , فى مصر لو حضرتك بعتلهم أكيد هيرودوا عليك و تقبل تحياتى , على فكرة موجودة على الموقع بتاع مصرية خش و شوف :D على اللينك ده مباشرة:
http://www.mitsubishi-motors.com.eg/.../l200/l200.htm
http://www.mitsubishi-motors.com.eg/default.htm
قال الله تعالى: http://www.kalemat.org/gfx/braket_r.gif وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ http://www.kalemat.org/gfx/braket_l.gif[البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع.
رقم العضوية : 1924
تاريخ التسجيل : 27Aug2007
المشاركات : 522
الحالة :
والله أنا متشكر جدا ليك يا أستاذ شريف ويا أستاذ إسلام على ردكم (على فكرة حلوة قوي ومؤثرة جملة المكان: الحمد لله في مصر يا أستاذ إسلام - فعلا الحمد لله والبلد ديه الواحد معرفش قيمتها على كل علاتها الحالية إلا لما بعد عنها)
من الحاجات الجميلة جدا في المنتدى ده الابتعاد عن استعراض المعلومات وإن العضو لو ما عندوش معلومات ما بيتصداش بالباطل إنما بيوجه للي ممكن يفيد. ألف تحية والله :)
وأخيرا يا ريت لو المهندس طارق يقدر يفيدني في الموضوع ده هأكون شاكر ليه جدا
تحياتيأولى مشاركاتي ستكون عبارة عن سؤال فيما يتعلق بالميتسوبيشي l200 سبورتيرو. أنا عارف إنه ممكن يكون سؤال غريب شوية لأن معظم العربيات التي يتم التعريف بها هي في الغالب سيارات ركوب. ولكني وجدت هذه السيارة متميزة ومختلفة وإمكانياتها متميزة جدا مقارنة بسعرها (الأتوماتيك 140 ألف على ما أعتقد). فلو أي من الإخوة الكرام لديه ما يفيد حولها من حيث كفاءتها، تكاليف التشغيل، الصيانة وقطع الغيار، الترخيص، سعر إعادة البيع أرجو ألا يبخل بها.
هشام
رقم العضوية : 635
تاريخ التسجيل : 13May2007
المشاركات : 1,714
الاقامة : الحمد لله مصر
الحالة :
العفو يا أخ هشام , أنا تحت أمرك أى خدمة :) شكرا على كلامك الجميل ترجعلنا بألف سلامة ان شاء الله :) كلامك مظبوط يا أخ هشام و عن تجربة و بأختصار مصر فعلا أم الدنيا و الواحد مابيحسش كده غير لما يكون بعيد عنها , و المثل اللى بيقول: اللى خرج من داره ...... صحيح مليون فى الميه شوف بقى اللى بيخرج من مصر يحصله أيه :D بس طبعا بره فى مميزات مش موجودة هنا و العكش أيضا , ديه بتتوقف على كل أنسان ايه متطلباته و أحتياجاته ونظرته فى الحياة , عايز ايه منها أيه أحلامك اللى أنت عايز تحققها مستعد تضحى بأيه ؟؟ يعنى فى ناس بره عايشة مبسوطة و مش عايزه ترجع و ناس تانية عايزه ترجع......... كمل أنت مشوارك و أدرس و أتعلم و ربنا يوفقك و يهون عليك غربتك.
أخوك اسلام
قال الله تعالى: http://www.kalemat.org/gfx/braket_r.gif وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ http://www.kalemat.org/gfx/braket_l.gif[البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع.
رقم العضوية : 794
تاريخ التسجيل : 27May2007
المشاركات : 3,700
النوع : ذكر
الاقامة : Cairo
السيارة: هيونداي فيرنا أوتوماتيك 2007
السيارة[2]: رينو فلوينس
دراجة بخارية: No
الحالة :
يا باشا ، إختيار جميل و متميز ده بس من صورها في اللينك بدون خبرة ، اللي ب 140 ألف دي ايه الأتوماتيك و لا المانيوال
بصراحة عربية تحفة ، كل اللي اعرفه عن الفئة دي ، واحد قريبي معاه تويوتا هايلكس ، شركته اللي مدياهلوه ، مبسوط بيها قوي لدرجة إنه عايز يشتريها من الشركة بتاعته
بس مرة كنت بسأل علي حاجة صيني زيها كده من باب حب الإستطلاع ، البياع خوفني إنها مبتترخصش غير نقل ، و دي مش حاجة ظريفة إطلاقا ، عشان اللجان في مصر ذوق حبتين مع النوعية دي ،
رقم العضوية : 167
تاريخ التسجيل : 24Apr2007
المشاركات : 1,982
النوع : ذكر
الاقامة : A lot of Places
السيارة: Lada2017
السيارة[2]: Yaris
دراجة بخارية: NA
الحالة :
هي فعلا دي مشكلتها الوحيدة انك هاتبقي مرخصها نقل ...بس ممكن تعملها خاصة....بس برضة لوحات النقل زي مانت عارف....
الاحترام الزائد عن الحد مع بتوع الاجرة والنقل ....
دة غير انك لازم تشترك في جمعية تامين بيسموها المؤسسة ...ودي فلوس زيادة عن ترخيص الملاكي ...بس علي حد علمي مش كتير ...يعني من مش هاتعدي الـ1000 في السنة...
الحل البديل انك تشوف الهاي لاندر ...او حتي ...شيفورلية فورنتيرا ....ايلي سمعته عنها انها عربية ممتازة وناس وصلت بيها لحد 350 الف كيلو....والعربية كفاءتها عالية جدااا....المستعمل منها مش هايزيد عن 100 او 110 الف لو حالتها ممتازة....
هي برضة 4*4 بس مش عارف بنزين ولا ديزل ....والارجح انها بنزين..
-----------------------------------------------------------------------
"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"------------------------------------------------------------------------
رقم العضوية : 635
تاريخ التسجيل : 13May2007
المشاركات : 1,714
الاقامة : الحمد لله مصر
الحالة :
اضافة لكلام الأخوة الأفاضل أحمد و هيرو أن النمر النقل هيكون ممنوع تمشى بيها مثلا على المحور من 7 صباحا حتى 9 مساءا على ما أتذكر , الزمالك مش هتخشها من أساسه :D بعض الكبارى ممنوع الصعود عليها أضافة لشوية رخامة و قرف :D بس غير كده مفيش مشاكل خالص :D أنا شوفت الدودجرام داهن النمر أسود و قاصص منها جزء اللى هو الشمال وطلع المحور و لأول وهلة يتهيألك أنها ملاكى و لكن هى نمر نقل بس حركة صايعة - ما هو أحنا فى مصر البلد بلدك و أحنا ضيوف عندك يا باشا-
مع أحترامى لسواق الدودجرام اللى انا ماعرفوش , أنا مقدر موقفه برده ماهو مش معقولة أكون راكب عربية بالشىء الفلانى و معرفش أمشى بيها براحتى و معلق نمر نقل و أدى مواعيد بعد 9 باليل لو عايز أروح أكتوبر مثلا :D معلش طولت عليكم.
قال الله تعالى: http://www.kalemat.org/gfx/braket_r.gif وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ http://www.kalemat.org/gfx/braket_l.gif[البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع.
رقم العضوية : 794
تاريخ التسجيل : 27May2007
المشاركات : 3,700
النوع : ذكر
الاقامة : Cairo
السيارة: هيونداي فيرنا أوتوماتيك 2007
السيارة[2]: رينو فلوينس
دراجة بخارية: No
الحالة :
دودج رام و مترخصة نقل دي حاجة مسخرة و كوميديا
ده صاحبها يجليه عقدة نفسية :mrgreen: :mrgreen: :mrgreen:
الحكاية دي بتفكرني بالعربيات الفان الفخمة أول منزلت مصر و إحنا من جهلنا كنا بنشوارله و نقله رمسيس يا اسطي :lol: :lol: :lol: :lol: :lol:
رقم العضوية : 1007
تاريخ التسجيل : 18Jun2007
المشاركات : 2,836
النوع : ذكر
الاقامة : مــــــــــ أم الدنيا ـــــــصــر
السيارة: Kia Carenz M/F
السيارة[2]: Ex Sunny M/F/O 2011
الحالة :
المشاركة الأصلية كتبت بواسطة Ahmed Anwer
للأسف في ناس كتيير مش فاهمة في العربيات وانوعها
يعني لما يشوفها دودج رام ولا اي عربية شبها يقولك نص نقل
ولو شاف SUV يقولك عربية 4x4
ولا كروس اوفر يقولك ميني 4x4 "عربية الغلابة اللي مش قادريين يجيبوا 4x4 :shock:
المفضلات