=== عندما يتغير عليك أعز إنسان ===

**msobhy** · 08-03-2009 12:21 PM

كان ليه صديق أكثر من الاخ
تقريبا 8 سنوات صداقة حقيقة
ايام الدراسة يوميا مع بعض - التمرين مع بعض - بالليل مع بعض
بعد التخرج وقت الشغل نتشات مع بعض وبعد الشغل نتكلم وايام الاجازات مع بعض
للأسف بسبب خلاف غبى هو باعنى بشكل مفزع والاغرب انى فى بداية الخلاف أستأمنته على حاجة مهمه جدا وأول لما بدأ استخدمها ضدى
اللى انا متأكد منه انى عمرى ما هلاقى صديق زيه
واللى متأكد منه أكتر ان لو جت لى الفرصة انى أدمره هادمره بدون حتى طرفة عين - على الاقل علشان ارد له خيانة الامانة

**M.Osman** · 08-03-2009 06:07 PM

انا فى الموقف دا حاليا ...

و بجد دماغي هتنفجر من التفكيييييييييييييير

طب انا عملت ايةةةةةة ؟؟؟

هعيط!

**theking2690** · 08-03-2009 07:07 PM

بصوا يا جماعه انا عمرى الحمدلله ما اتعرضت للموقف وبقالى مع اصحابى دلوقتى حوالى 14 سنه بس اللى لاحظته قدامى فى الخلافات بين الاصحاب عموما و اللى بتنتهى بإنتهاء العلاقه بين الطرفين ان دايما الطرفين محدش فيهم عاوز يروح يشوف التانى ماله زعلان من ايه لأ كل واحد فيهم مقتنع ان التانى اللى غلطان و ان هو اللى المفروض يجيله هى ديه النقطه اللى بتسبب انتهاء العلاقه بين الاصحاب غالبا و حلها ان سواء انا غلطان او مش غلطان اروح اشوف صاحبى ماله مضايق منى فى ايه و نقعد نتناقش و اكيد هنوصل لحل انما عمرنا ما هنوصل لحل و احنا مستنيين حد فينا يروح للتانى ولو صاحبك بعد ما روحتله برضه ماقتنعش وفضل زعلان منك اعرف ان انت كده عملت اللى عليك وانك عمرك ما كنت غالى عند البنى ادم ده وادعى ربنا انو يعوضك بصاحب احسن منه احسن والله يا جماعه الصاحب الكويس فى الزمن ده بقى عمله نادره اغلب الصحوبيه دلوقتى بقت صحوبية مصالح

**AboELsoud** · 08-03-2009 08:04 PM

المشاركة الأصلية كتبت بواسطة theking2690

بصوا يا جماعه انا عمرى الحمدلله ما اتعرضت للموقف وبقالى مع اصحابى دلوقتى حوالى 14 سنه بس اللى لاحظته قدامى فى الخلافات بين الاصحاب عموما و اللى بتنتهى بإنتهاء العلاقه بين الطرفين ان دايما الطرفين محدش فيهم عاوز يروح يشوف التانى ماله زعلان من ايه لأ كل واحد فيهم مقتنع ان التانى اللى غلطان و ان هو اللى المفروض يجيله هى ديه النقطه اللى بتسبب انتهاء العلاقه بين الاصحاب غالبا و حلها ان سواء انا غلطان او مش غلطان اروح اشوف صاحبى ماله مضايق منى فى ايه و نقعد نتناقش و اكيد هنوصل لحل انما عمرنا ما هنوصل لحل و احنا مستنيين حد فينا يروح للتانى ولو صاحبك بعد ما روحتله برضه ماقتنعش وفضل زعلان منك اعرف ان انت كده عملت اللى عليك وانك عمرك ما كنت غالى عند البنى ادم ده وادعى ربنا انو يعوضك بصاحب احسن منه احسن والله يا جماعه الصاحب الكويس فى الزمن ده بقى عمله نادره اغلب الصحوبيه دلوقتى بقت صحوبية مصالح

طب لو مرضاش ان احنا نقعد ننتاقش
مع انه الغلطان 100/100 و مستعد اقسم بذلك
لكني ضغطت على نفسي و حاولت اقعد معاه عشان اعرفه انه غلطان بس هو اللي مرضاش
فقررت اخيرا اني اقطع معاه

**M.Osman** · 08-03-2009 11:20 PM

المشاركة الأصلية كتبت بواسطة venus-doom

انا من رأيى انك تكلمه بالراحه و تحاول تعرف ماله ؟؟
او لو مش هتعرف توصله خلى حد تثق فيه يكلمه و يشوف ايه الموضوع ...
المهم انك تصبر عليه لانه مش سهل انك تخسر صديق ...

شكرا لك اخي العزيز....
و فعلا الصديق مش سهل انه يتخسر..

ربنا يهدي

**theking2690** · 09-03-2009 01:16 AM

المشاركة الأصلية كتبت بواسطة ابو السعود

طب لو مرضاش ان احنا نقعد ننتاقش
مع انه الغلطان 100/100 و مستعد اقسم بذلك
لكني ضغطت على نفسي و حاولت اقعد معاه عشان اعرفه انه غلطان بس هو اللي مرضاش
فقررت اخيرا اني اقطع معاه

بص حاول معاه تانى بعد فتره من الخلاف يعنى مش لازم بعد الخلاف علطول لو برضه مرضيش يبقى فعلا اقطع معاه وادعى ربنا يعوضك بصاحب احسن منه وصدقنى هيجى فيه اليوم اللى صاحبك هيقعد يندم انو خسر صاحب بيهتم بيه و غالى عنده لأن مش كل الصحاب بتهتم بعض و مش كل الصحاب بييجوا علشان يصالحوك حتى لو كنت انت الغلطان