الثقافه العامه- للاسف كلام صحيح - بس عايز اوضح حاجه- اذا كان فى عربيه جيده ومش منتشره لازم نلوم على اللى بيبيعها - مش على المشترى -
وعن تجربه السوق المصرى او المستهلك المصرى مش سهل- لان العربيه مش زى بره -زيها زى تلاجه او راديو حيشتريه وان معجبوش يرميه او يبيعه فى الحراك او على الرصيف.
انا ملاحظ ان معظم الكلام عن العربيات الحديثه مرتبط بالتوكيل-حضراتكم تعرفوا عدد المشترين من الاقاليم كام - حد فكر لو واحد من اسيوط ولا اسوان بلاش الوجه البحرى اشترى عربيه واتزنق لشئ بسيط فى التوكيل يروح فين ؟؟
فى الاقاليم المطلوب عربيه قليلة الاعطال سهلة الاصلاح - يمكن ده يفسر ليه ال 504 عاشت لحد دلوقت- والله كنت باتفرس لما الاقى عربيه عمرها 30 سنه وسعرها فى ال 30 الف ويمكن اكتر
الانسر والعربيات اليابانى انتشرت رغم عدم اقتناعى ببعضها لان قطع الغيار حتى ولو تقليد موجوده فى الاقاليم مش محتاج انزل الف فى القاهره وانا ساكن فى بلد او محافظه تانيه - حتى الميكانيكيه والكهربائيه مع الانتشار بسرعه بداوا يتعلموا لانهم عارفين لو حجروا حيضيعوا العامل المصرى وللاسف عيب وميزه - "حدق"
انا فعلا بالمقارنه بعربيات تانيه فى نفس الفئه العربيه دى تحفه لكن للاسف - وياريت تراجعوا موقع زى كوناكت كار- وتشوفوا عدد المعروض للبع من الميجان المستعمل والاسعار
التوكيل لو ما عملش حركه زى اللانسر - اللى نزلت للجيش دفعه خلت العربيه دخلت النجوع والحوارى
يبقى للاسف حتفضل الرينو للفرجه فقط