سؤالين في موديل ريجتا 1500

**METALiZER** · 02-09-2007 10:21 PM

السلام عليكم

يا جماعه انا عندي ريجتا و بهتم بالموتور و بغير بو جيهات اول باول و زيت يعني مدلع الموتور بس في حاجه غريبه

هي بتجري و بتشد و كل حاجه بس لما بكبس بنزين فجأه علي الثاني بتدرجج جامد و مش بتشد لازم اريح البنزين بعد كده دوس بس مش بكبس

السؤال الثاني
العربيه فيها فلتر هواء بس انا عايز اركب فلتر اكبر مثلا
K & N
بس ميكانيكي قال لي ركب فلتر افقي احسن لك عشان فلتر بتاعك فوق الموتور بس هتعمل فتحه في كبوت عشان فلتر بيبقي عالي

الكلام ده صح طيب ممكن الاقي الفاتر ده فين و ممكن يعمل كام

**sab3aawy** · 02-09-2007 10:34 PM

بالنسية لموضوع الكبس مع التانى فتلاقيها بترجرج ده ممكن يكون له سبب من كذا سبب، بس ميزة الريجاتا ان ايا كان السبب فهو غير مكلف ان شاء الله

أول حاجة تغير فلتر البزين ، ولو عربيتك من الموديل اللى فيه ابلاتين وكوندنسر غيرهم، وكمان تغير طقم سلك البوجهات، لو الحالة دى مراحتش اكشف على الإسبراتير والشاكوش ووش الإسبراتير ، لو سلام إكشف على عمود الكامة عند الميكانيكى او بتاع التاكيهات (بيبان مع فك وش التاكيهات فقط) وراجع على ركب الكامة واطمئن انها سليمة ، لو سليمة يبقى راجع تقسيمة سير الكاتينة، لو مظبوطة يبقى إكشف على اكس وباب الكاربراتير وإبره غرفة العوامة وغير له طقم بيكات،

وربنا يسهل ويكون الحل فى واحد من الأسباب دى علشن منخشش فى حاجة أغوط

**Ahmed Hassan** · 02-09-2007 10:43 PM

اظن الريجاتا الـ 1500 بتكون انجكشن؟ ولا فيه منها كاربيراتير؟

**METALiZER** · 02-09-2007 10:49 PM

شكرا علي الردود و هي كاربيتار

طيب محدش ليه رد علي سؤالي التاني :(

**Ahmed Hassan** · 02-09-2007 11:00 PM

ملوش لازمه خالص تفتح في الكابوت.... لو عايز تركب فلتر رياضي صور حوض العربيه و فيه موضوع في قسم التعديلات حط الصوره فيه و اسأل عن الفلتر المناسب ليك و هيترد عليك ان شاء الله.

**METALiZER** · 02-09-2007 11:08 PM

طيب هو صلا في فلتر بالمنظر ده
و بعدين انا افتكرت حاجه انا تهيئلي الميكناكي يقصد الفلتر البيتركب للعربيات الامريكاني البيبقي فيه دائما تلت فتحات

و لا ده حاجه تانيه خالص ؟؟

و بعدين سؤال معلش, هو في عربيات بتنزل من غير فلتر هواء؟؟

**METALiZER** · 02-09-2007 11:09 PM

و علي كل حال الف الف شكر

**Ahmed Hassan** · 02-09-2007 11:27 PM

مفيش عربيه بتنزل من غير فلتر هوا. الفلتر المقصود هوه الفلتر الرياضي و ده بيركب مكان الفلتر الأصلي و بيسمح بمرور كميه هوا اكتر.

اللي انته قصدك عليه في العربيات الأمريكاني دا موضوع تاني خالص.. و دي بتكون في الغالب عربيات متعدله تربو

**METALiZER** · 03-09-2007 12:12 AM

الف شكر علي الافاده :)

**hic** · 04-09-2007 12:25 AM

فين ايام الريجاتا كانت احلى ايام
بالنسبة للسؤال الاول زى ما الاخ سبعاوى افاد اكشف على الكاربراتير علشان انا شاكك بنسبة كبيرة ان المشكلة مش ح تخرج عن الكاربرتير اكيد محتاج تنضيف او البوابات عاوزة ضبط او البكات عاوزة تتغير و دى ان شاء الله سهلة جدا و اى ميكانيكى ممكن يعملها
بالنسبة لفلتر الهواء انا مش عارف السبب اللى يخليك تعدله هو مصمم يكون فى العمة اللى فوق الموتور انا شايف انك تغيره بالفلتر الفابريكة بتاعه و ان شاء الله ح تحس بالفرق

الموضوع: سؤالين في موديل ريجتا 1500

LinkBack

أدوات الموضوع

عرض

-

-

-

-

المواضيع المتشابهه

اكسنت 1500 موديل 98

عايز ريجتا

عايز ريجتا

أكسنت 1500 موديل 98

سيتي 1500 موديل 2007 و لا 1300 موديل 2008

الكلمات الدلالية لهذا الموضوع

المفضلات

المفضلات

ضوابط المشاركة