-
استفسار لأهل الخبرة
بسم الله الرحمن الرحيم
أول الكلام أحب اوصل كامل احترامي للقائمين وأعضاء هذا المنتدى الرائع .:S_thum1[1]:. ورجاءً قبولي فرد من ضمن عائلتكم المحترمة . وهذا موضوعي الأول:
الحمد لله قررت اخيرا اشتري سيارة مستعملة
بس كنت أحب اعرف أي عربية مناسبة لظروفي الآتية:-
أنا هسافر بيها كل يوم حوال 200 كيلومتر تقريبا
وتكون طبعا موفرة للبنزين بقدر الامكان
وتستحمل الشقا
وتكون في حدود 35000
انا سألت قبل كدا وفي ناس رشحتلي ( الابيزا & سويفت & فليشيا )
بس برضه كنت عايز اعرف رأيكم إية
-
-
ممكن لادا 1500 2107 جيدة جدا شرط صيانه مستمرة زيت موتور وكاوتش
بشرط تكون السيارة جديدة نسبيا وحالتها جيدة
-
مرحبا بيك فى المنتدى
والف مبروك مقدما على العربيه
انا كان نفسى أكون مجرب العربيات التلاته اللى انت ذكرتهم علشان أعرف افيدك بس انا هأتكلم عن الفليشيا علشان أنا جربتها لمده 4 سنوات وبجد العربيه دى أنا باحترمها جدا جدا
ودى بعض الملاحظات عليها ايجابى وسلبى .
.. العربيه ثباتها معقول جدا وسهله التحكم
.. فرامل ممتازه
.. تسارع معقول وبطئ لو العربيه محمله طبعا
.. مش متعبه فى السفر الطويل
.. استهلاك بنزين كويس جدا
.. قطع غيار مش غاليه قوى عاديه ومتوفره
.. ناشفه شويتين فى المطبات مقارنه بالسيارات الكورى
.. مشكله السخونه .. العربيه فضلت معايا 3 سنوات ممتازه وبعدها سخنت بجد قرفتنى لحد ما غيرت جوان وش السلندر وبعدها العربيه اتظبتت وبعتها لخالى منذ 4 سنوات تقريبا وبيقوللى انها ابتدت تسخن اليومين دول شكله هيغير الجوان تانى
.. العربيه حماله قسيه زى مابيقولوا وانا نفسى تشوف خالى بيعمل فيها ايه لو عربيه نقل مش هيجرالها كده هو عنده مزرعه وبيشيل فيها كل حاجته ...والله بتصعب عليا
بجد هى عربيه كويسه جدا بس لازم تجيبها نضيييييييييييفه جدا جدا جدا جدا جدا علشان تريحك
فكر برضه فى الأكسنت انا أخويا كان معاه واحده 1300 سى سى موديل 2006 العربيه دى برضه كويسه هو عمل بيها حوالى 38000 كم فى 6 شهور العربيه بجد عجبتنى أنعم من الفلشيا وفى تكييف روعه خطير .. بس عيوبها من وجهه نظرى هى تقفيلها بجد مش حلو خالص ومزعجه يعنى كنت بابقى راكبها ومشغل التكييف وسامع كل حاجه بره ناهيك طبعا عن صوت الموتور بس غير كده عربيه كويسه قطع غيارها متوفره وموفره جدا فى البنزين
ده راى الشخصى وربنا يرزقك حسن الإختيار
-
وبرضه فكر فى الشاهين
شعرها مناسب ليك جدا وبرضه حمالة اسيه والا ماكنتش اشتغلت تاكسيات
ورديتين فى اليوم على الاقل وموفره فى البنزين وقطع الغيار
-
بجد يا جماعة ألف شكر ليكم كلكوا بس أنا كنت محتاج أعرف رأيكو في الايبيزا
-
لو عرفت تجيب ابيزا فهي ممتازه بس اللي اعرفه انها غاليه
اما الشاهين زي ما قال الاستاذhashem1999 هي اللي بجد حماله قاسيه
Content Relevant URLs by
vBSEO 3.6.0 PL2