عرض للطباعة
بالصدفه رحت الحم الكاوتش واول مفك الطاسه لقيت 3 مسامير بس و المسمارالرابع مقطوم جوه الطمبوره ده كده غلط ممكن يأثر على حاجه ولا عادى هو بتاع الكاوتش قالى عادى فانا كده ممكن اسيبها لو رحت اعمل حاجه ابقى اعملها معاها ولا لازم اروح اعمله ومينفعش استنى عليه....
من رأيى فور القطمه بتاعة الجاويط الرابع ده (وممكن يتحل بأجنه أو زنبه فى أتجاه الحل )_ وركب جاويط جديد على طول وبالذات لو كان فى طنبوره من اللى قدام..............علشان كده الحمل حيتوزع على تلاته بدل أربعه.....وممكن يكون ليه تأثير فيما بعد على ثبات السياره أثناء التوجيه ويحدث رعشه (ممكن تحصل هزه مع السرعه العاليه )
انا المشكلة دي كانت عندي في العربية القديمة (جنط اسبور)
كان في مسمار مفوت... وعملته كذا مرة في المخرطه.... بس مكانه يفوت تاني...
وفضلت ماشي بيها سنتين وماحصلش حاجه...
بس طبعآ الاصح والاسلم انك تعملها مع اي شغل قريب في العافشة.
بص صدقنى اسلم حل تجيب سره جديدة وسيبك من موضوع الخراطه لانه هيفوت تانى دى نصحيتى
وكمان دى ارواح يا باشا
ممكن تمشى بيها كده بس من الافضل والاضمن انك تروح لخراط هو بيخرم مكانه وبيطلعه بطريقه فنيه من غير ما يبوظ السن وتقدر تركب مكانه مسمار جديد بنفس المقاس
غلط انك تسيبه كده , أحنا لسه كنا واقعين في مشكلة في عربية ياريس بسبب غلطة في الرباط بتاع مسامير العجل و المسامير حلت و العربية حدفت و كانت هاتتقلب لولا ستر ربنا
ياريت تفور المسمار ده و تخرط مكانه و تركب مسمار تاني أكبر أو تغير الطنبورة كلها و ده الاحسن
جرب تروح لحد بتاع شكمانات، يلحم مسمار فى جسم المسمار المقطوم و لما يبرد، يحاول يفكه و ان شاء الله لما يتفك تركب مسمار جديد، لو ما نفعتش يبقى تروح للخراط.
روح للخراط يحاول يفكة لو منفعش يبقى ركب سرة جديدة وريح دماغك
يا جماعه الموضوع ابسط من البساطه في المخرطه ومصنعيتها 5 جنيه... كلام فارغ.
الف الف شكر ياجماعه على كل الردود دى هو بتاع الكاوتش كان قالى انى هفك الطمبوره وروح لمخرطه وهما هيعرفو يشيلوه وبعدين اشترى مسمار جديد.
بس انا ممكن اسيبها لحد اما اغير تيل او اعمل اى شغل فى العربيه واعملها معاها وانا معنديش اى مشاكل فى الثبات ولا غربله ولا اى حاجه ولا لازم اعمله مخصوص ومستناش؟؟؟
مره كمان انا متشكر جدا على كل الردود الجميله دى
خليها مع تغيير التيل.اقتباس:
الف الف شكر ياجماعه على كل الردود دى هو بتاع الكاوتش كان قالى انى هفك الطمبوره وروح لمخرطه وهما هيعرفو يشيلوه وبعدين اشترى مسمار جديد.
بس انا ممكن اسيبها لحد اما اغير تيل او اعمل اى شغل فى العربيه واعملها معاها وانا معنديش اى مشاكل فى الثبات ولا غربله ولا اى حاجه ولا لازم اعمله مخصوص ومستناش؟؟؟
الموضوع مش محتاج اكتر من خراط عندة easy out kit
MMamdouh
المسمار بيمسك فى الصورة مش الطنبورة
المسمار ده ممكن يطلع بس لازم تروح عند ميكانيكي يفك الطنبورة ويوديها مخرطة هيطلع لك المسمار على طول إن شاء الله بس خلي بالك من المسمال اللي بيربط جزئين الطنبورة (المسمار النحاسي ) علشان ممكن يقطم هو التاني وهو شغال وهيتكلف حدود 30 جنيه على حسب المكان والمصنعيتين
واعمل المسمار ده في أقرب فرصة علشان ميكنش الحمل زايد على التلاتة الباقيين ويحصل خطورة لا قدر الله