عاوز اشترى تويوتا عاوز اعرف اجيبها فئه ايه انا معرفش حاجه عن الفئات الموجوده افيدونى افادكم الله (اسئلو اهل الذكر ان كنتم لاتعلمون) ولا اجد اهل ذكر اكثر منكم:U_thin1[1]:
عاوز اشترى تويوتا عاوز اعرف اجيبها فئه ايه انا معرفش حاجه عن الفئات الموجوده افيدونى افادكم الله (اسئلو اهل الذكر ان كنتم لاتعلمون) ولا اجد اهل ذكر اكثر منكم:U_thin1[1]:
تويوتا ايه
كورولا - ياريس - افانزا - افينسيس - كامرى
نص نقل - ميكروباص
انت سبت الموضوع عايم كدا ليه
قول اسم العربية وان شاء الله هنقولك على فئاتها
او حتى رنج السعر
رنج السعر كام ياباشاا وهتلاقينى بجاوب فوريرة
اصل فية من اول 40 الف لحد 600 الف
و كمان أنت أيه متطلباتك في العربية :
- مانيوال / أوتوماتيك
- عائلية / شبابية
- أستخداماتك أيه (داخل المدينة / و لا بتسافر كتير)
- السعر المتاح لك ؟
- هاتش باك و لا سيدان
- بتسوق بسرعة / و لا علي مهلك
هوا صاحب الموضوع راح فين؟
أوضح أبن أفصح
بص ياباشا
العربيات المنتشرة فى مصر
السيدان (كامرى - كورولا -ياريس-افانزا-افينسيس)
الجيب (برادو - راف- fj كروزر )
نص النقل (مش فاكر اسمها اية بالظبط)
ميكروباص (تويوتا hiace)
بس انت قول عاوزها فى حدود كام
اقل واحدة الياريس واغلى واحدة البرادو (طبعا) والfjكروز اقل منها شوية )
لا بجد
العضو iso2007 راح فين
احنا مستنين يقول عايز انهى نوع تويوتا
يمكن غير رأيو
ياراجل ابعد عن الماركة دى وغنيلها
انا معايا تويوتا ياريس 2008
لو رجع بيا الزمن لورا والله ماكنتش فكرت فيها ياريت كان حد نصحنى
من اسواء القرارات اللى خدتها فى حياتى وندمان
اســـــــــــــــــــــــ ـــــــــــــــف
جدا على غيابى نوع السياره كورولا 2009 جديده
ولو سمحتو لو كسر زيرو 10000 لو 15000 يبقى كام سعرها وهل اللون الابيض متوفر فى مصر شكرا جدا على المنتدى المحترم جــــــــــــــــــــدا واخوانا اللى ردو عليا انا ممنون ليكو جدا
العفو ياباشا
بس انت بتسأل على كسر زيرو
يعنى نزل 15 - 20 الف فى سعر العربية حسب الاوبشنز اللى فيها وسعرها الاصلى
بالنسبة للون
انا بصراحة لحد دلوقتى مشفتش الكورولا الجديدة بلون ابيض
الالوان الموجودة:-
(نبيتى - اسود - سيلفر- ازرق - اخضر - ابيض)
انما المنتشر
النبيتى
انا هقول رأيي فى الالوان
1- نبيتى
2- ازرق (تحفففففففففففففففة)
3- اسود
4- اخضر (عشان درجة اللون مميزة اوى)
لكن الابيض هيتوسخ بسرعة لان جو مصر مترب اصلا
وربنا يوفقك وتلاقى ان شاء الله
والف مبروك مقدما على العربية