كل ما انزل من العربية أتكهرب

**salsa10** · 07-03-2009 04:22 PM

انا كانت بتحصل معايا وركبت فرش جلد ودواسات جلد والحمدلله منع أي كهرباء أستاتيكية
صلاح

**dr.nemo** · 07-03-2009 05:19 PM

الفرش الجلد هو الحل باذن الله

**M.Osama** · 07-03-2009 05:23 PM

المشاركة الأصلية كتبت بواسطة zalabany2007

ياجماعه كل ما اركب العربية وانزل أتكهرب
كهربا بتلسعني فعلا
هل دي كهربا ستاتيك ولا في عيب فى العربية ولقيت صديق النهارده نفس القصة حد يقولي المشكله فين
وياريت الحل كمان أنا بتعذب بقفل باب العربيه برجلي عشان ما اتكهربش لو لمستها اول لمسه بعد ما انزل اتكهرب بعد كده خلاص

انا عندي نفس المشكله

**mahmoudzaied** · 07-03-2009 05:25 PM

ههههههههههههه
انا ملحقتش اجرب الحوار ده عشان ركبت فرش جلد تانى يوم جبت فيه العربية
بس هشيلو واجرب ههههههههه
انا بصراحة فى الفرش الجلد عمرو محصل معايا الموقف ده
بص بدل ما تركب فرش جلد جرب العرقات وشوف فيه فرق ولا لأ

**ابوهاشم** · 07-03-2009 05:42 PM

السلام عليكم
دى هى الكهرباء الاستاتيكيه
وعلى فكره هى ليها اسباب كتير
ممكن من الفرش او اذا كانت الارضيه موكيت
ونوع الحذاء لان احيانا فى نوعيات لنعل الحذاء مع الاحتكاك يولد كهربا استاتيكيه وكمان نوعية الملابس اللى بترردديها وخصوصا الداخليه لو صوف غيرها بقطن وكمان شدة التركيز فى القياده وخصوصا لو لوقت طويل بيولد كهربا وطبعا دايما وانت نازل من السياره ممكن تخبط ايديك
فى جسم السياره مبارشرة علشان تتخلص من الشحنه دى من غير ماتحس
لانك بتحس بيها عند لمس جسم السياره
وحذر انك ماتاخدش بالك من الموضوع ده وانت بتمون فى البنزينه
لازم تتخلص منها بحرص لان ده فى خطوره وربنا يستر
معلش انا اسف انى طولت عليكم بس حبيت اقولكم معلوماتى وتجربتى مع الكهرباء الاستاتيكيه لانى عانيت منها كتير

**ZALABANY** · 07-03-2009 05:52 PM

شكرا يا شباب نايل موتوزرز على المعلومات القيمه وفي الغالب المشكله في الفرش لأنه قطيفة وهو ده السبب
هاجيب عراقات واجرب كده وربنا ييسر

**dr_darsh** · 07-03-2009 07:02 PM

على فكره الموضوع ده له علاقه كبيره بالفرش وأكتر نوع يعمل الموضوع ده هو القطيفه
انا عربيتى فرشها جلد وعمر ماحسيت بالموضوع ده خالص الحمد لله ولكن لما اركب عربيه أى واحد من صحابى ويكون فرشها قطيفها باتكهرب على طول أول مأجى أقفل باب العربيه