الموضوع: لانوسيا من سنة وعندى بعض الاسفسارات

المشاركة الأصلية كتبت بواسطة samirayad

أهم شىء متجيبش صينى خالص.....(لأن الصينى أكيد حتسخن وتفصل معاك بعد مده من الأستخدام ).....

_ وتقريبا الأخ الدكتور ....كان شاريها كورى (ومعروف أن الصناعه الكورى ممتازه وأفضل بمراحل كثيره من الصينيه وبالذات فى مجال الألكترونيات )

مش عارف اشكرك ازاى على اهتمامك واعطائي الكثير من وقتك ربنا يكرمك

_ شوف يا أخى............

_ معروف أن الطاقه الحراريه الناتجه عن أنفجار خليط الوقود (هنا الخليط هو البنزين والهواء).......بتتحول الى طاقه ميكانيكيه على عمود الكرنك مرورا بالبيل بمعنى (خليط الحريق لحظه أنفجاره داخل الأسطوانات الأربعه للمحرك ) الأول بيضغط على وش البستم بقوه نتيجة الحريق والقوه دى بتتنقل للكرنك مرورا بالبيل

_ كل بستم من البساتم (الحريق اللى بيتم فوقه فى الغرفه بتاعته بيتحول الى شغل ميكانيكى وقوة عموديه على ركبة الكرنك بتاعة هذا البستم .....

_ لما بتختلف القوه الناتجه عن الحريق (بسبب عدم تساوى الحريق فى الغرف الأربعه )...هنا بقه القوة على ركب الكرنك بتكون مختلفه.....

_ القوه المختلفه دى على عمود الكرنك بيكون ليها تأثير مش كويس وذبذبه وأجهادات مختلفه على الكرنك (وممكن تخللى قواعد المحرك ترعش )......

_ هو ده عدم الأتزان الديناميكى على عمود الكرنك..................** برضه عاوز أقولك أن أختلاف القوه ده ممكن يكون بسبب رشاشات كفاءتها مش زى بعض وكذلك البوجيهات أو أسلاك البوجيهات وهكذا ...........