صوت دبدبة من العفشة

**mahmoudysf** · 07-03-2009 05:22 PM

كان عندى دبدبة وصوت بيطلع من العفشة وصوت تزييق عند لف الدركسيون يمين
رحت للعفشجى غيرلي طقم الجلب وكاوتش الميزان وقالى البيض والبارات كويسين المهم فعلا العفشة تمام والصوت اختفى لاكن فية صوت التزييق لسة موجود عند لف الطارة يمين والعربية واقفة واحيانا وهى ماشية وبقى فية صوت طقطقة خفيفة وانا ماشى فى المطبات بيسمع يمين وشمال رحت للعفشجى لاكن معرفش يوصل للسبب ارجو المساعدة
وشكرا لكم

يرجى من العضو اختيار عنوان مناسب لموضوعة

مشرف القسم

**HERO_MTN** · 07-03-2009 05:53 PM

هل انت بتلف الدركسيون للأخر ؟؟

لو بتلفه للأخر يبقى كبالن

و حاول متلفش الدركسيون للأخر فى الملفات

**samirayad** · 07-03-2009 05:58 PM

لاكن فية صوت التزييق لسة موجود عند لف الطارة يمين والعربية واقفة واحيانا وهى ماشية [QUOTE]وبقى فية صوت طقطقة خفيفة وانا ماشى فى المطبات بيسمع يمين وشمال

ده ممكن يكون بسبب أن الجلب اللى شحطها العفشجى بتاعة المقصات هوت من مكانها وعملية الشحط فشلت وحتعوز قريب تغير المقصات[/QUOTE] العيب ده بسبب أن بلى البطاحات تقيل شويه وممكن يكون عاوز تشحيم فقط

**samirayad** · 07-03-2009 06:05 PM

لاكن فية صوت التزييق لسة موجود عند لف الطارة يمين والعربية واقفة واحيانا وهى ماشيه

ده بسبب عيب فى بلى البطاحات وممكن تكون عاوزه تتشحم فقط................

وبقى فية صوت طقطقة خفيفة وانا ماشى فى المطبات بيسمع يمين وشمال

أكيد العيب ده لسه جديد وحصل بعد شغل العفشجى......وتفسيره أن عملية شحط جلب المقصات اللى أتعمل فشل......وحتعوز قريب تغير مقصات كامله تانى.......لأن شغل شحط جلب للمقصات بيبقى عاوز عفشجى محنك (وواضح أن العفشجى بتاعك ده على قده ....بدليل أن معرفش عيب أن الجلب اللى عملها هوت من مكانها وفشلت عملية الشحط اللى عملها )....وبرضه ياريت تخليه يراجع على رباط الركب بالمسامير التلاته تقريبا اللى داخل الحوض بتاع المكنه...........

**Drift_Lover** · 07-03-2009 06:11 PM

ده بسبب عيب فى بلى البطاحات وممكن تكون عاوزه تتشحم فقط................

طيب تشحيم بلي البطاحات... سهل ولا لازم ميكانيكي.

ولو سهل ممكن نعمله ازاي ولو من باب الصيانة.

**samirayad** · 07-03-2009 06:17 PM

المشاركة الأصلية كتبت بواسطة Drift_Lover

طيب تشحيم بلي البطاحات... سهل ولا لازم ميكانيكي.

ولو سهل ممكن نعمله ازاي ولو من باب الصيانة.

لا دا لازم عفشجى أفضل .....وحيحل ركبه ركبه ....ويطلع كاوتشة البطاحه (البليه تحتها على طول)......ولو البليه حالتها كويسه حيشحمها ويعيد تركيبه.......وماينفعش تعمله أنت أو أى واحد .....

_ لأن الشغلانه دى فيها تطليع للركب ....دا غير الحاجه للزرجينه لضغط السست عند العفشجى ...( يعنى الشغل كتير وشاق .....زى بالظبط ما حتكون حتغير سسته أو مساعد )

**Drift_Lover** · 07-03-2009 06:21 PM

لا دا لازم عفشجى أفضل .....وحيحل ركبه ركبه ....ويطلع كاوتشة البطاحه (البليه تحتها على طول)......ولو البليه حالتها كويسه حيشحمها ويعيد تركيبه.......وماينفعش تعمله أنت أو أى واحد .....

_ لأن الشغلانه دى فيها تطليع للركب ....دا غير الحاجه للزرجينه لضغط السست عند العفشجى ...( يعنى الشغل كتير وشاق .....زى بالظبط ما حتكون حتغير سسته أو مساعد )

__________________

Thankssssssssssssss. Boss.

**wesam_salom** · 07-03-2009 07:17 PM

فعلا انا المشكله دى لسه حاصله معايا بعد ما غيرت الجلب

قلت ده من المطر والطين

غسلت العربيه انبارح الصوت ظهر اكثر وانا بلف الدركسيون

هروح للعفشجى واجرب

بس لو مقصات حد يعرف بكام الاسبانى ولوبتيجى بالجلب بتاعتها ولا لاء

**samirayad** · 07-03-2009 07:50 PM

بس لو مقصات حد يعرف بكام الاسبانى ولوبتيجى بالجلب بتاعتها ولا لاء

المقصات الأسبانى كامله بالجلب بـــــــــ150 جنيه فى بورسعيد

**wesam_salom** · 07-03-2009 07:55 PM

شكراباش مهندس سمير

انا سألت السؤال ده كتير مش عارف اوصل لاجابته

وحاولت ابعت لك رساله خاصه منفعش

الموضوع: صوت دبدبة من العفشة

LinkBack

أدوات الموضوع

عرض

-

-

-

-

المواضيع المتشابهه

دبدبة فى الطرق المكسرة

دبدبة فى عفشة النوبيرا

دبدبة فى العربية

العفشة عبارة عن إيه و ما الفرق بين العفشة العادية و العفشة الرياضية ؟؟؟

مشكلة دبدبة بعد ال 100

الكلمات الدلالية لهذا الموضوع

المفضلات

المفضلات

ضوابط المشاركة