محبى دايهاتسو فى المقابلة الثالثة بالعبور - مارس 2009-

**medo_sirion** · 07-03-2009 07:50 PM

بسم الله الرحمن الرحيم
بجد ياجماعة كانت مقابلة فوق الروعة لولا انها كانت مش فيها ناس كتير بس كانت جميلة بالاعضاء اللى حضروا وكان نجم المقابلة استاذ توفيق بجد راجل زى السكر وشخص حبوب جدا
وهوة كمان اتكلف بمكان المقابلة لوحدة دة غير الحاجات التانية اكيد هوة عرفها هههههههه...
مش عايز اطول عليكوا واسيب الاعضاء التانية تحكلكوا بالتفصيل...
وشكرا

**medo_sirion** · 07-03-2009 07:53 PM

صورة المقابلة ياجماعة على الفيس توك
يلا روحوا على دايهاتسو مصر على الفيس توك

**توفيق طة** · 07-03-2009 10:43 PM

بسم الله الرحمن الرحيم

فى الحقيقة ترددت كثيرا فى فتح الموضوع هنا ؟؟

أصابعى ترتعش عيونى تدمع .كان حلما وتحقق .

مازلت منتشيا من حلاوة اللقاء..وغيرمصدق أننى

عشت اللحظة اللتى تمنيتها .كنتم كما تخيلكم

قلبى .شباب فى غاية الروعة والمحبة والتلقائية

أحببتكم قيل أن أراكم ومن حروف كلماتكم

أحسست بكم وكان قلبى يوجهنى والحمد لله ..

مش عارف أتكلم ؟ يعجز لسانى عن التعبير عن

حلاوة وجمال وصفاء هذة القلوب الشابة الرائعة

أول من قابلتة د/ معاذ.خفق قلبى وأنا أراة لأول مرة

كان كما كان فى خيالى حبيب قلبى دائما .قمة

فى الذوق رقيق الى أقصى درجة حلو المعشر

لم يتركنى لحظة واحدة من أول ماخرجت من

ال جامع الى أن أرشدنى الى أول طريق العودة

بارك الله فيك لك كل محبتى ..

ثم جاء حبيب قلبى م/ أحمد مصطفى شخصية

غاية فى الرقة والذوق والكياسة انسان بمعنى

الكلمة .والسيدة زوجتة جلست مع زوجتى ومن لحظة ما رحعنا وزوجتى تمدح فيها بارك الله لك
فيها .كماقام بتصوير اللقاء بكاميرتة الجديدة (هاجيب الأولمبس )ههههههه طبعا فاهم ؟؟

ثم جاء حبيب الروح وصاحب الضحكة الجميلة
ميدو سيريون .حلو المعشر تعشق حديثة وقفشاتة
ثم جاء أستاذ/رامى شخصية تحبها من غير كلام
وحزنت للحادثة اللتى حصلت لسيارتة وان شاء
الله خير وهاترجع زى الأول.ثم طلبنى أبو عبدالله
وأخبرنى أنة فى الطريق.وحينما رأيتة لأول مرة
شعرت أنى أعرفة من زماااااااان ؟شخصية فى
غاية الروعة وخدوم الى أقصى درجة وحبوب جدا .ثم جاء أخى وحبيبى عمرو شخصية جذابة
تحبة من أول ماتراة.يجذبك حديثة ودماثة أخلاقة.
ثم مسك الختام الولد الشقى /محمود موتورايزر.
لة خفة ظل ورشاقة الكلمة ما تجعلك تنصت لة ولاتقاطعة تحبة من أول نظرة.ماأحزننى أن الوقت
قليل ولم نقعد كثيرا معا لضيق الوقت عشان طر يق العودة؟ياريت نبقى نتقابل بدرى يعنى من الصباح عشان نقعد مع بعض أطول فترة وأنا ماشبعتش منك..لى اقتراح ذكرتة لمحمود اننا نتجمع كلنا يعنى جميع فروع المنتدى فى ذكرى
ميلاد المنتدى جميعنا رجال وسيدات ولو حتى نر و الأسكندرية ونشوف ونتعرف على بقية الفريق
القومى دة اقتراحى.
مرة أخرى كانت مقابلة غاية فى الروعة.وأود أن
أشكركم جميعا من أعماق قلبى لقبولكم لى معككم أحبكم جميعا وأتمنى أن تتكرر مرات كثيرة...

أبو عبدالله(نسيت الأستيكرز مش قلتلك فكرنى لأنى بنسى) ..كفاية بقى مش قادرأكمل ..

تحيــــــــــــــــــاتى:k 32:

**توفيق طة** · 07-03-2009 10:51 PM

حبيب قلبى ميدو باشا فين الصور؟؟

**عمرو عمارة** · 08-03-2009 10:13 AM

السلام عليكم

فعلاً المقابلة دي كانت فيه شىء مميز

أستاذ توفيق والله تشرفت جداً بمعرفة شخصية حبوبة زيك.....أستاذ توفيق أول ما شافني سلم عليا باليد...لما قولت أنا عمرو عمارة أم واخدني بالحضن......أستاذ توفيق ماتحرمناش من وجودك في المرات القادمة
أما بقى موضوع تكفلك بمصاريف الكافيه فطبعاً جزاكم الله خيراً.....بس ده فعلاً كتير أوي يا باشا وأنت بصراحة أحرجتنا كلنا بذوقك ده.....وإحنا ماشين طلبنا الشيك والحساب كان 18.5 جم ......بصينا في الشيك كويس ومش مصدقين....طلبنا المتر وقولنا له الحساب ده مش مضبوط......قالنا لأ...ما هو الأخ الي مشي دفع الحساب كله

طبعاً تشرفت بمعرفة الأستاذ ميدو والاستاذ رامي
رامي عربيته كانت نفس لون عربيتي بس للأسف كان واخد خبطة في الرفرف الخلفي وإن شاء يتم إصلاحها على خير

ميدو باشا فين الصور يا جميل.....مابلاش موضوع الفيس بوك ده.....إحنا نايل موتورز

**osama_alam** · 08-03-2009 10:51 AM

والله انا كان نفسي احضر واقابل الناس اللي تشرح القلب زيكم انتم بيحسسوني ان البلد فيها ناس كويسة قادرة على التفاهم وان الود والصداقة لسه حاجة غالية وهوه السمة اللي دايما بتجمعنا

بس الحمد لله وان شاء الله المقابلة اللي جاية نتقابل باذن الله
أخوكم/ اسامة

**aliabutaleb** · 08-03-2009 11:30 AM

حلوة أوي الصور يا ميدو :)

-

-

-

الموضوع: محبى دايهاتسو فى المقابلة الثالثة بالعبور - مارس 2009-

LinkBack

أدوات الموضوع

عرض

-

-

-

-

المواضيع المتشابهه

المقابلة الثالثة قسم ميتسوبيشى (حدائق جاردينا ) 17/08/2011

للأعضاء الطنطاوية عايزين نعمل المقابلة الثالثة

استفتاء على مكان المقابلة الثالثة - الجمعة 6 مارس

استفتاء على مكان المقابلة الثالثة - الجمعة 6 مارس

استفتاء على ميعاد المقابلة الثالثة لملاك الدايهاتسو

الكلمات الدلالية لهذا الموضوع

المفضلات

المفضلات

ضوابط المشاركة