جمارك السيارات (الوجه الاخر للعمله)

جمارك السيارات

وجهه نظر للمناقشه

كلنا بنتكلم عن الغاء الجمارك وانا اولكم

بس يا ترى ده هيعمل ايه فى البلد

طبعا انا مش هقول انى خبير فى اى حاجه ده موضوع للنقاش مع اخوانى فى المنتدى

انا مريت بوضع مشابه لموضوع الجمارك وفايدتها للبلد او للصناعه فى البلد

انا عندى مصنع صغير للبلاستيك وكنت فكرت فى منتج معين اعمله وعملت له دراسه جدوى لتكاليف الماكينات وتجهيز المصنع وكل ما يلزمه

لقيت حاجه غريبه جدا

ان تكلفهه المنتج ده اعلى من انى استوردها من الصين

لانى عندى مصاريف ثابته(مياه وكهرباء وعمال وشحن وضرايب وضريبه مبيعات مش عارف ايه فايدتها)

وعندى تكلفه تانيه ودى المهمه اللى هى مصاريف التأسيس
ثمن الماكينات والتجهيزات وده مبلغ كبير وله اهلاك
يعنى الماكينات فيه منها له عمرافتراضى 5 سنين يعنى لازم احمل تمنها على المنتج

اما التجهيزات فده مبلغ كبير(توضيبات وتوصيلات كهربائيه وجراجات ومخازن)

وفى الاخر القى المنتج جاى من الصين ارخص

الجمارك بقى بتساعدنى فى ايه

لو المنتج ده عليه جمرك كبير كمنتج جاهز وجمرك صغير على المكونات

ده هيخلى المنتج بتاعى يتباع لانه سعره اقل مع فرق الجوده

يعنى قارن وهتلاقى سعى اقل وجودتى اقل

فى خلال فتره من الزمن المفروض انى اخد الخبره واكون خلصت اقساط ارض المصنع والمبانى وتمن التجهيزات(على اعتبار انى قسمت تمنهم على عدد محدود من السنوات9

وطبعا والاهم انى اكون رفعت مستوايا ومستوى العماله والجوده والمنتج بتاعى بقى منافس وده اهم شىء فى الموضوع

بعد فتره هيكون المنتج بتاعى بقى منافس والجمارك هتتلغى او هتبقى اقل

وقتها المنتج المصرى هيتباع لانه منافس وبسعر كويس لانى خلصت من مصاريف الانشاء وفى نفس الوقت معنديش مصاريف شحن من الخارج(استيراد )

والمكسب الخاص بالتصنيع هيكون ليا بالكامل وطبعا ده هيشجعنى انى اطور نفسى علشان اقدر انافس على طول (

لو مقدرتش اوصل لنفس الجوده والخدمه يبقى اقفل وادور على حاجه تانيه ممكن افهم فيها (منتج تانى او الزراعه او اى شىء اخر)


الخلاصه

الجمارك هى حمايه من الدوله للمشروعات للمساهمه فى بدء العمل وتشغيل الايدى العامله ومحاوله الارتقاء بالمنتج

لو مش هترتقى بالمنتج يبقى انت كده عايش فى حمايه الدوله لفتره معينه لحد ما تتكشف وتدخل سوق المنافسه الحره

يعنى تروح احسن


بالنسبه للسيارات

يا ترى احنا وصلنا ان منتجنا ينافس اليابانى او الاوروبى او الكورى او حتى الصينى فى الجوده

على الاقل لو الجمارك ذهبت بدون رجعه منتجنا هيكون اقل فى الجوده واقل فى السعر(وللمستهلك حق الاختيار)


ولا هنقول لكل اصحاب المصانع مع السلامه

احنا هنستورد منتج احسن وارخص

والعماله اللى فى كل مصانع مصر هتروح فين

رايحه فين يا بلد (على رأى كريم منير)

كلمه اخيره

احنا فعلا بنصنع علشان ننافس ولا بلاش منها

الجمارك دى فايده لينا وللصناعه فى بلدنا ولا نقمه عليها





طبعا الموضوع مش منقول
ده بس من غلبى

ممنوع النقل بدون ذكر المصدر وبدون تعديلات:dontudear:
محاسب وسام سلوم

الموضوع اكتر من رائع مشكووووورر

ده إللى كان نفسى أقولو من زمان

انا شايف ان موضوع الجمارك دة عبارة عن بلطجة او جباية وبتخدم ناس معينة علشان تقدر تكسب اعلى نسبة ربح
احنا دلوقت فى عالم مفتوح يعنى المفروض تكون التجارة حرة والمنتج اللى ينافس هو اللى سعرة كويس وجودتة كويسة
بالنسبة لنقطة انك بتقول ان الجمارك بتحمى المشروعات و المصانع انا شايف العكس لان لما الجمارك هتتلغى هيكون الخامات واللالات هيكون سعرها اقل وبالتالى متطابات التشغيل هتكون بسعر قليل و بالتالى المنتج النهائى هيكون سعرة رخيص و الشعب هو اللى هيستفاد فى الاخر برخص الاسعار
انما الجمارك اللى بندفعها دلوقت تقدر تقوللى مين اللى بيستفاد بيها ؟ اكيد مش الشعب

شكرا على الموضوع الرائع

ياباشا الكلام اللى حضرتك بتقوله ده 10/10
وده مفيد جدا للصناعات المحليه زي صناعة المواد الغذائيه او صناعة الحديد والصلب.......الخ من الصناعات اللى موجوده فعلا في مصر
لكن تعالى بئا للسيارات
ممكن تقولي الجمارك المبالغ فيها جدا للسيارات دي بتحمي صناعة ايه
هو احنا عندنا ماركة عربيات مصريه 100*100 علشان نحميها اصلا من المنتج المستورد ونشجعها
وبعدين هقولك على حاجه ظرفه ولطيفه خالص
احنا عندنا جمارك السيارات بتتحسب على اساس الـ سي سي بتاع العربيه
وضريبة العربيه كذلك على اساس الـ سي سي
طيب ليه اشمعنى الـ سي سي يعني
قال ايه علشان الدول بتدعم البنزين
طيب ياخوانا ماهو البنزين اسعاره نزلت فى الدنيا كلها
يعني سعر برميل البترول نزل من 140 دولار للبرميل لـ 40 دولار بس
ضيف على كده دعم الدوله الحبيبه للبنزين يبئا المفروض ان صفيحة البنزين
الـ 90و92 تكون حوالي 12 او 15 جنيه
انا اسف على الاطاله بس الواحد اتخنق:_Alshmokh08[1]: وربنا من الاحوال اللى احنا فيها دي

ليا تعليق بسيط:U_thin1[1]: انا متفقه ان الجمارك تتفرض علي الحاجات اللي ليها منتج مصري 100*100 علشان نحمي اقتصادنا وانتاجنا المحلي ومعنديش مانع ان تكون فيه جمارك علي العربيات بس بصوره منطقية مش بالهبل دة.........وحكاية ان البنزين مدعوم اه هو فعلا بالوضع الحالي اقل بكتييييييييييير من برة ........ده كلام المنطق والصح :S_thum1[1]:
نيجي لمنطق حكومتنا الرشيده:049:.......اللي هدفها الاول والاخيرتنظيف جيوب الشعب من اي فلوس:k6: باي حجه ومنطق مقلوب وبدون اي استغلال جيد للفلوس غير في اللي يفيدهم (مثلا شفتم اعمدة الانارة الجديده والرصيف الشيك (دة علي اساس ان اللي فات كان اقل شياكه)اللي اتعمل حولين قصر الرئاسه في مصر الجديده):policeman: وطبعا حولين بيوتهم واماكن تحركهم علشان نفسهم تتفتح علي الشغل ....مع العلم مثلا ان مدينه العبور غرقانة في مياه المجاري:boat:......وحسبي الله ونعم الوكيل:_Alshmokh08[1]:

اقتباس:

---

المشاركة الأصلية كتبت بواسطة memed220

ياباشا الكلام اللى حضرتك بتقوله ده 10/10
وده مفيد جدا للصناعات المحليه زي صناعة المواد الغذائيه او صناعة الحديد والصلب.......الخ من الصناعات اللى موجوده فعلا في مصر
لكن تعالى بئا للسيارات
ممكن تقولي الجمارك المبالغ فيها جدا للسيارات دي بتحمي صناعة ايه
هو احنا عندنا ماركة عربيات مصريه 100*100 علشان نحميها اصلا من المنتج المستورد ونشجعها
وبعدين هقولك على حاجه ظرفه ولطيفه خالص
احنا عندنا جمارك السيارات بتتحسب على اساس الـ سي سي بتاع العربيه
وضريبة العربيه كذلك على اساس الـ سي سي
طيب ليه اشمعنى الـ سي سي يعني
قال ايه علشان الدول بتدعم البنزين
طيب ياخوانا ماهو البنزين اسعاره نزلت فى الدنيا كلها
يعني سعر برميل البترول نزل من 140 دولار للبرميل لـ 40 دولار بس
ضيف على كده دعم الدوله الحبيبه للبنزين يبئا المفروض ان صفيحة البنزين
الـ 90و92 تكون حوالي 12 او 15 جنيه
انا اسف على الاطاله بس الواحد اتخنق:_Alshmokh08[1]: وربنا من الاحوال اللى احنا فيها دي

---

+111110000000000000
وحاجة تانية العيب مش فى الجات اللى هتلغى الجمارك العيب فينا احنا اللى رجعنا لورا فى كل حاجة حتى المنسوجات اللى كنا بنصدرها للعالم كلة بقت غير مطابقة للمواصفات و بقينا بنصدر القطن الخام و نرجع نستورد المنسوجات باضعاف اضعاف اسعارها و دة بيحصل فى البترول و منتجات الزراعة و غيرو و غيرو من الاخر احنا دولة مستهلكة و علشان كدة العالم كلة بيتحكم فينا و دة مش عيب منهم العيب فيينا اللى سيبنا مواردنا لغيرنا يصنعهلنا و ير جع يبيعهلنا بمزاجو و بالسعر اللى هو عوزة....!!!!!!!:_Alshmokh08[1]::_Alshmokh08[1]::_Alshmokh08[1]:

يا شباب انا بس هاقول رأي
الجمارك مش اكتر من جهه تحصيل
يعنى اللائحه الاستيراديه وبنود التعريفه وفئاتها دى مش الجمارك اللى بتحطها بدماغها
فى حاجه اسمها قانون الجمارك بيتوافق عليه من حاجه سمعت عنها زمان كان اسمها مجلس الشعب وحتى وزير الماليه نفسه مالوش سلطه يزود او ينقص قرش من غير موافقه المجلس واعتماده
وهنا نيجى لسؤال مهم كام واحد فينا يعرف عضو مجلس شعب؟؟؟
مين فيهم بيوصل صوتك؟؟؟
ياترى وصلت؟؟؟
حاجه تانيه
الجمارك دى مش بتتخفض عشان سواد عينينا لاااااااااااااااااااااااا ااا
دا احنا مرطبتين باتفاقيات وحاجات تخلينا لازم ننزل الرسوم والا العصايه تشتغل
حد يعرف انك لو جبت كشاف طبى للعمليات الجراحيه هاتدفع عليه ضريبه وارد بس 20% ولو جبت كشاف مسرح (سبوت الرقاصه)
تدفع عليه 5%
وصلت؟؟

اقتباس:

---

المشاركة الأصلية كتبت بواسطة zeyad1810

انا شايف ان موضوع الجمارك دة عبارة عن بلطجة او جباية وبتخدم ناس معينة علشان تقدر تكسب اعلى نسبة ربح
احنا دلوقت فى عالم مفتوح يعنى المفروض تكون التجارة حرة والمنتج اللى ينافس هو اللى سعرة كويس وجودتة كويسة
بالنسبة لنقطة انك بتقول ان الجمارك بتحمى المشروعات و المصانع انا شايف العكس لان لما الجمارك هتتلغى هيكون الخامات واللالات هيكون سعرها اقل وبالتالى متطابات التشغيل هتكون بسعر قليل و بالتالى المنتج النهائى هيكون سعرة رخيص و الشعب هو اللى هيستفاد فى الاخر برخص الاسعار
انما الجمارك اللى بندفعها دلوقت تقدر تقوللى مين اللى بيستفاد بيها ؟ اكيد مش الشعب

---

الجمارك فى الاساس مش للجبايه او للسرقه

دى لتشجيع الصناعه الوطنيه

علشان كده الجمارك على المكونات ارخص من المنتج النهائى

وتقريبا معدومه على الخامات

المشكله فينا احنا

احنا اللى بنستخبا وراها لحد ما هنضيع نفسنا

زى اللى بيتحامى فى سلطه ابوه لحد ما ابوه يموت يلاقى نفسه مكشوف وتظهر كل عيوبه واخطاؤه

بالنسبه لموضوع بتروح فين مقدرش افيدك

اقتباس:

---

المشاركة الأصلية كتبت بواسطة memed220

ياباشا الكلام اللى حضرتك بتقوله ده 10/10
وده مفيد جدا للصناعات المحليه زي صناعة المواد الغذائيه او صناعة الحديد والصلب.......الخ من الصناعات اللى موجوده فعلا في مصر
لكن تعالى بئا للسيارات
ممكن تقولي الجمارك المبالغ فيها جدا للسيارات دي بتحمي صناعة ايه
هو احنا عندنا ماركة عربيات مصريه 100*100 علشان نحميها اصلا من المنتج المستورد ونشجعها

---

ما هو ده اللى المفروض كان يحصل ومحصلش

يعنى المصانع اللى الجمارك بتحميها من اكترمن 10 سنين لسه معملتش حاجه


ولا صنعوا حاجه لحسابهم

ولا قدروا ينافسوا

طب كانوا بيعملوا ايه

عمار يا مصر

اقتباس:

---

المشاركة الأصلية كتبت بواسطة enas75

ليا تعليق بسيط:U_thin1[1]: U]ده كلام المنطق والصح [/U]:S_thum1[1]:
نيجي لمنطق حكومتنا الرشيده:049:.......اللي هدفها الاول والاخيرتنظيف جيوب الشعب من اي فلوس:k6: باي حجه ومنطق مقلوب وبدون اي استغلال جيد للفلوس غير في اللي يفيدهم (مثلا شفتم اعمدة الانارة الجديده والرصيف الشيك (دة علي اساس ان اللي فات كان اقل شياكه)اللي اتعمل حولين قصر الرئاسه في مصر الجديده):policeman: وطبعا حولين بيوتهم واماكن تحركهم علشان نفسهم تتفتح علي الشغل ....مع العلم مثلا ان مدينه العبور غرقانة في مياه المجاري:boat:......وحسبي الله ونعم الوكيل:_Alshmokh08[1]:

---

ده بقى سؤ استغلال الموارد

يعنى كده البلد عامله زى البيت اللى معمول رخام من بره

وجوه الميه مقطوعه والناس نايمه على الارض

او زى العربيه اللى متروشه ومتظبطه من بره

وصاحبها ماشى معلى صوت الكاسيت علشان يدارى على صوت الموتور المفوت والعفشه اللى بتودع

كان يوفر شويه من الكماليات ويركز على الاساسيات