الموضوع: ارجو الدخول وابداء الرأى اشترى سيينا 2009ولا اشترى اى نوع اخر2009

المشاركة الأصلية كتبت بواسطة user2008

يا جماعة السينا 2008 وصلت ل 61000

ممكن تقولنا لاقيتها بالسعر ده فين

عزيزى rrreeee انا شفتها فى المعرض 1500 cc وهى نس الصور اللى حرتك محملها فى رسالتك وحتى نفس اللون كمان اما السعر61000 فمش انا اللى شفته والاخ اللى قاله مردش علينا شافه فين

المشاركة الأصلية كتبت بواسطة CryptonX

الشكل ( السيارة الحمراة ) لم يطرح في مصر نهائيا و هو متواجد بامريكا الجنوبية ( البرازيل تحديدا ) فقط و يمكن للدول المجاورة .

الشكل الموجود هو مثل الصورة التانية و هو 1500 سي سي و هو اخر انتاج مصنع فيات الصيني ( نانجنج فيات ) و مفيش 2009 لان غالبا دي حتكون اخر شحنة من المصنع ده ( علشان حينتج قطع غيار بس بعد كدة ولكنه حيتوفق عن انتاج السيارة نفسها ) .

السيارة صينية بالكامل و لكن تشترك في معظم قطع غيارها مع موديلي البترا و السيينا التركي الي كانوا متواجدين في مصر .

يعنى اية رأيك ؟ نشترى ولا اية ؟
انت عارف الدنيا كلها بتخاف من الصينى ومن كل شيئ ياتى من الصين ؟؟؟؟؟؟؟؟؟؟؟؟؟؟؟؟؟؟؟ انت عارف الواحد من يوم ما قرر يشترى عربية وحاسس ان انا بسبح فى بحر غريق جدا لآن مفيش حد بيشكر فى سيارة كل نوع من السيارات تلاحظ ان هنااااااااااااااااااااك ناس كتير بتعيب فيهااااااا والله انا احترت مش عارف اعمل اية ؟
انت عارف ان الواحد مش هيشترى عربية كل يوم
وعايز اشترى عربية متخلنيش عند التوكيل او الميكانيكى كل يوم

انا روحت سالت انهاردة فى اوماترا الدقى على السينا والبليو للاسف ماكانوش هناك وجبت البرشور بتاعها مش هى اللى فى الصورة هنا فوانيسها عريضة
وسالتهم الــ 2009 نازلة امتى قالى لا معرفش
بس انا شايف انها بالسعر ده ظريفة وفول اوبشن ومسالة صينى دى مش مشكلة طالما فيات بتشرف عليها

المشاركة الأصلية كتبت بواسطة postagy

اسف انى اتاخرت فى الرد وانا لقيت السعر ده فى معرض شرين كار اللى فى السبع عمارات مصر الجديده وعنده البالييو والبنتو والجراند بنتو وناس امينه ومحترمه وممكن تسال على الاستاذ خالد هو ممثل المبيعات اللى اتعاملت معاه وهو شخصيه محترمه جدا

مامعكش رقم خالد او رقم المعرض؟

المشاركة الأصلية كتبت بواسطة CryptonX

السيينا او البترا عامة معروفة باعتناديتها .

بس في نفس الوقت لو حضرتك معكش غير ال 61 ولا ال 63 دول تبقى انسب اختيار - لان الي في نفس الاسعار يا سيارات صينية اخرى يا اما سيارات صغيرة هاتشباك .. و علي الاقل هي صيني ولكن من مصنع فيات مش من شركة مجهولة .

انما لو تقدر توصل لتمن الافيو مثلا حتبقى اكيد اختيار افضل بكتير في راي الشخصي .



علي الاقل الافيو حتديك احساس ولو قليل بالرفاهية شوية او الانعزال عن الوسط الخارجي بعكس الفرنا و السيينا .

شكرا على الرد
انا حاطط ميزانية من 75 حتى 78 الف لشراء عربية بس والله انا نفسى ربنا يكرمنى واجيب عربية صح لا يعيب فيها احد ويكرهنى فيها انا وان كانت بسعر اقل من الميزانية اللى انا شايلها لشراء عربية يكون افضل بس الواحد تاية مفيش حد بيشكر فى اى توكيل او اى عربية