زلزال بقوة 13 ريختر يضرب منطقة المقطم بالأمس ( اللقاء الثامن )

**عمرو عمارة** · 08-03-2009 11:06 AM

طبعاً الكل هايتخض من عنوان الموضوع.....بس ماتقلقوش هي مش ظاهرة طبيعية الي هزت المنطقة بالأمس....بل ثلاث عشر سيارة رينو كانوا يتجولون في شوارع المقطم......وجاءت بعض التوابع الضعيفة للهزه لإنضمام سيارة أوبل أسترا لقافلة الرينو

اللقاء الثامن......طبعاً ما شاء الله كان فعلاً من أقوى اللقاءات التي تمت حتى الأن....العدد كان ما شاء الله ضخم والكلام كان ساخن جداً

الوحش هشام مكي من الأعضاء الجُدد الي شرفونا المرة دي وراجل زي العسل وإبن بلد وحبوب جداً

أيضاً الوحش أحمد فهمي تشرفنا باللقائه الجميل وهو من الشخصيات الخجولة المتواضعة

إبراهيم ( top gear ) كان قاعد جنبي وشخصية حبوبة جداً ودمه خفيف

باقي الرجالة طبعاً أنا قاعد وسط أهلي وحبايبي

أكمل باشا فاتك نص عمرك وعيب أوي تطنشنا كده

اليكم صور اللقاء

**chato_eg** · 08-03-2009 11:25 AM

تسلم إيديك على الموضوع و الصور...
بس كل ده كان 13 ريختر بس ؟؟؟..كنت متصور أكثر
أنا كنت فى آخر القافلة...
و

بسم الله ما شاء الله و لا قوة إلا بالله

المنظر كان مهيب...حاجة تدعو للمفخرة
و طبعا الناس فى الشارع كانت واخدة بالها و أنا كنت فاتح الزجاجين علشان أبقى سامع التعليقات
أظرفهم كان واحد بيقول لواحد " صباح الرينو....." و بعدين لما أنا كنت وصلت عنده قام قايل " و آدى الهاتشباك ".....

**M.Moustafa** · 08-03-2009 11:30 AM

المقابلة كانت شديدة فعلا واظرف موقف فيها الراجل بتاع الميجان الحمرا، طبعا الوحوش اللي حضرت المقابلة هيا اللي هتفهم قصدي

وطبعا كالمعتاد في مقابلات رينو الضيف التقيل الراشق مصطفى فاروق كان منورنا مع انه للاسف ما وصلش لغرضه انه يطلع في كل الصور.

**aliabutaleb** · 08-03-2009 11:33 AM

ربنا يجمعكم على الخير دايماً يا ميجانوية :)

**ecybrarian** · 08-03-2009 11:44 AM

انا الوحيد إللي مشتي في الحر :-)))))))))

شكرا على الصور وعلى اللقاء. بصراحة كان اكثر من رائع

**theking2690** · 08-03-2009 11:44 AM

مبروك يا جماعه على المقابله و بإذن الله المقابله الجايه تكونوا زلزال بقوة 100 ريختر يضرب انحاء مصر كلها مش المقطم بس

**momo10000** · 08-03-2009 12:04 PM

تسلم ايديك يا عمووووووور ... المقابلة كانت جامدة جدا ... الحمد لله.

وحووووووووووووش يشرفوا الواحد والله.

**AHMEDCAR** · 08-03-2009 12:36 PM

مبروك يارجاله المقابله

بس صحيح ايه حكايه الراجل بتاع الميجان الحمراء اكيد كان فاكركوا بتصوروا اعلان

**Sharky** · 08-03-2009 12:42 PM

شكرا يا عمرو باشا

فعلا المقابلة كانت قوية و من أجمل مقابلات الوحوش

بجد الواحد إستمتع بالقعدة معاكم
ربنا يدمها نعمه علينا كلنا

**Ayman_52** · 08-03-2009 01:06 PM

تسمحولى اشارك معاكم

بجد والله من اكتر المقابلات اللى بحبها ..وبحب اتابع اخبارها...وبفرح لما تتم

وبسم الله ماشاء الله شكلها كانت مقابله جامده..

بس ياوحوش..كنت عاوز شويه معلومات عن الكافيه اللى كانت فيه المقابله...ومكانه فين؟؟واسعاره؟؟

والف مبروك يارجاله عالمقابله الجامده ...وعقبال كل مقابله ان شاء الله

الموضوع: زلزال بقوة 13 ريختر يضرب منطقة المقطم بالأمس ( اللقاء الثامن )

LinkBack

أدوات الموضوع

عرض

زلزال بقوة 13 ريختر يضرب منطقة المقطم بالأمس ( اللقاء الثامن ) - انشر الموضوع فى :

استعراض القوة و الجمال -

-

-

-

-

-

-

-

المواضيع المتشابهه

أول تقرير عن ما تم بالأمس

زلزال 8.9 ريختر في اليابان

زلزال بقوة 5.9 ريختر يشعر به سكان القاهرة.. ولا إصابات

الكلمات الدلالية لهذا الموضوع

المفضلات

المفضلات

ضوابط المشاركة