عمرة ام ماتور استيراد

**ramyiar** · 08-03-2009 11:13 AM

السلام علي اعضاء المنتدي الكرام
بعد التحية
انبارح و انا مسافرمن القاهرة الي الاسكندرية بسيارتي الادا 2007 موديل 1993 و قبل الوصول ب 50 كيلو سمعت صوت طخبيط في الماتور و العربية تقلت و بصيت لقيت لمبة الزيت بتنور رحت راكن و زوت زيت للماتور قلت يمكن يكون الزيت نقص علشان انا الماتور عندي خفيف و بياكل زيت بس بعد ما زوت الزيت بقا الحال كما هو علية و ملقتشي غير اني اسايس فيها لغاية ما اوصل الي الاسكندرية و هناك صضمني المكانيكي و قالي ال Bl تاكل و البساتم بتخبط و لازم عمرة . المشكلة اني كنت راجع القاهرة تاني يوم و معنديش لا وقت للماتور ولا فلوس والمكانيكي قلي لو رجعت بيها كدة ممكن الماتو يتكسر منك في الطريق
لقيت نفسي مزنوق في خانة اليك و معنديش اختيارات
اخترت المقامرة و الرجوع بيها علي حالتها و فعلن سايست فيها لغاية ما رجعنا جميعا بالسلامة بتوفيق من اللة
و اثبتت العربية دة بجد انها اصيلة و مرضيتشي تعمل حركة نقص معايا
اسف علي الاطالة بس سؤالي الان انا امام اختيارين الاول عمرة للماتور و الثاني ماتور استيراد و ارجو منكم النصيحة و الافادة عن افضل البدائل و عن الاسعار سواء للعمرة او استيراد و ياترا لو استيراد اجيب ابو كتينة كوتش علشان الصوت ولا حديد هلشان ميتقتعشي و انجكشن ولا كربداتير
سؤال اخير ياترا ممكن اركب مانور عربية تانية زي 131 ولا دة هيقلل من قيمه العربي عند البيع
و شكرا لجميع الاعضاء

**tmedhat** · 08-03-2009 11:19 AM

انت كدة حتحتاج كرنك اكيد لان واضح ان الموتور خبط وانت رايح وراجع كمان
يبقى اكيد الكرنك فى الباى باى
شوف تكلفة العمرة اية و شوف تكلفة موتور استيراد اية
و اللى ربنا يوفقك فية اعملة
اقولك تحسبها ازاى
قطع غيار للخراط =700
قطع غيار ميكانيكى =400
مصنعية ميكانيكى=400
مصنعية خراط=450
كرنك استيراد=350
تقريبا كدة
لكن معرفش الموتور الاستيراد يعمل كام انهردة

**AudiQ7** · 08-03-2009 11:21 AM

العمره الكامله هاتكلفك حوالي 2000 جنيه غير المصنعيه بفرض انك جبت احسن الاجزاء .(طقم بستم Ks الماني اصلي هاتلاقيه في حدود 700 جنيه لوحده و ماتجبش غيره و بتزيد و تنقص علي حسب اللي هاتحتاجه)
خليك في موتورك لان العربيه موديل حديث (93) و علي راي الناس "لسه مالحقتش تغير موتور"
السؤال ده يعتمد علي العديد من التفاصيل و حسب موتورك عاوز ايه بالظبط و و و ..
لكن رايي خليك في اللي عندك و عمره احسن.
تحياتي

**tmedhat** · 08-03-2009 11:25 AM

[ .(طقم بستم Ks الماني اصلي هاتلاقيه في حدود 700 جنيه لوحده و ماتجبش غيره و بتزيد و تنقص علي حسب اللي هاتحتاجه)

دلوقتى موجود فى السوق بساتم بديلة للks لان دة سعرة غالى قوى
فية تايلاندى و فية تايوانى و فية تركى
وال3 سعرهم مقارب من بعض حوالى 250 جنية و شغالين تمام التمام

**aYaBooY** · 08-03-2009 12:37 PM

سيدي الفاضل قبل ما نقول موتور جديد ولا استيراد لازم تفتح الموتور و تشوف
الموتور معمر كام مرة ابل كدة و لو هاتعمر هتحتاج خرط بمقاس كام يعني لو الموضوع علي تغير بساتم و شمايز 0.02 او 0.03 او 0.04 و كرنك جديد لا يبقي ممكن تخلي الموتور
لكن لو الموتور اصلا معمر ابل كدة مرتين و هاتحتاج شمايز 0.05 و كرنك منتهي يبقي لا استيراد من بابه
و بالنسبه للسعر الفرق مش قاتل بين العمرة و الموتور الاستيراد بس لو موتورك كويس يبقي خليه و عمره
و لو هاتجيب جديد انت معاك 2107 و ديه كاتينة كاوتش و صوته و سحبه كويس لو جيبت الكاتينة المعدن يبقي بتجيب موتور لموديل اقل و هاتلاقي صوتة و سحبه و ماشيه زفت
اما عن الانجكشن منصحكش علشان الانجكشن بتاع اللادا نزل في موديلات بعد 2004 روسي عبارة عن منظومة حقن بتكنولوجيا قديمة و سيئة جدا و كثير الاعطال و غير موفر في البنزين بالكمية المطلوبة

**tananybasha** · 08-03-2009 12:43 PM

بلاش عمرة
موتور احسن و مش هتلاقيه غالى قوى

**tmedhat** · 08-03-2009 02:21 PM

ياريت تقولنا حتعمل اية
عشان الكل يستفيد
ولوعاوز تسال فى اى حاجة عن العمرة انا ممكن افيدك كتير
لانى بافهم قوى فى العمرات وممكن ادلك كمان على اماكن شراء قطع الغيار

**VTEC** · 08-03-2009 03:26 PM

انا رأيى العمره احسن
عشان ده بيبقى موتورك وانت عارف كل حاجه فيه
بس لازم يكون الميكانيكى شاطر عشان يعرف يجمع الموتور كويس
انما لو جبت استيراد ممكن يطلع معمر قبل كده وطالع عينه

**ramyiar** · 08-03-2009 03:43 PM

شكرن ليكم جميعا علي الاهتمام و سرعة الرد
فعلان الموضوع محير علشان كدة انا حبيت اسمع خبرتكم بخصوص الموضوع دة
الراي الاول مع عمرة الماتور عشان الماتور الاستيراد مش مضمون و عامل زي البطيخة انتة و نصيبك
الراي التاني مع الماتور الاستيراد لان قطع الغيار اللزمة للعمرة الموجودة في السوق معظمها مضروبة غير ان الواحد مش ضامن الخراط ولا المكانيكي
بخصوص فرق التكلفة بين الاستيراد او العمرة فهو مش فارق معايا المهم الجودة علشان انا معنديش استعداد اصرف علي الماتور بعد كدة يفتح بقة تاني
معلش تعبكو معايا بس انا لسة شاري العربية من سبع شهور هي اول عربي بالنسبالي و كل شوية عمال اصرف عليها

-

الموضوع: عمرة ام ماتور استيراد

LinkBack

أدوات الموضوع

عرض

-

-

-

-

-

المواضيع المتشابهه

اعمل عمرة ولا اشترى ماتور استيراد انقذونى من حيرتى

عمرة ولا ماتور استيراد للفليشيا

اعمل عمرة ولا اجيب ماتور استيراد

اعمل عمرة ولا اجيب ماتور استيراد

اعمل عمرة ولا اجيب ماتور استيراد لعربية اونو

الكلمات الدلالية لهذا الموضوع

المفضلات

المفضلات

ضوابط المشاركة