ارجوكم
مش عاوز اشوف عباره " رفع اسعار بنزين " فى اى موضوع او تحت اى مسمى
احد اسباب كرهى للنزول اساسا هو اسعار البنزين " النار " .اقل مشوار بنزله مش اقل من 20 جنيه بنزين !!!
ارجوكم
مش عاوز اشوف عباره " رفع اسعار بنزين " فى اى موضوع او تحت اى مسمى
احد اسباب كرهى للنزول اساسا هو اسعار البنزين " النار " .اقل مشوار بنزله مش اقل من 20 جنيه بنزين !!!
والله يا جماعة اخجلتم تواضعي بالتفاعل بتاعكم .
اولا احب اقول ان ده تصور خيالي جالي قبل النوم و حبيت اشركم معايا. يعني لا الجمارك هتتلغي واشك ان البنزين يغلي او يترفع الدعم عنه.
ثانيا انا شايف من كلامكم ان محدش عنده اي ثقة في الحكومة او ان تغيير هيحصل هيبقي في مصلحة الشعب و انا شايف ان دي حاجة خطيرة والله ومعناة ان الحال هيبقي اسوأ لان كله هيقول يلا نفسي و انا و من بعدي الطوفان و ربنا يستر
طالما احنا موش شايفين بنقول مينفعش
لو الغيت الجمارك وارتفع البنزين
1- موش هاتركب عربية كهنة 20 او 30 سنة متواصلة علشان سعر العربية فيه من نص الى ثلثين الى 75% زيادة
2- نفس الناس اللى بتشترى وتغير هى اللى هاتشترى وتغير ، وهاتزيد العربيات علشان اسعارها رخصت من 50% الى 75% ، لكن لن يتم استخدامها كلها مرة واحدة لان البنزين غالى
3- اللى ساكن بره التجمعات والاقاليم والمحافظات هايلاقى حاجة تشيله هوة واهله او عيالة بدل ماهو راكب جمل ولا حصان حتى
4- عندنا التجمع الاول والخامس و6 اكتوبر والشيخ زايد و10 رمضان والشروق والعبور جوه لحد الصحراء وقيس على ذلك فى كل المحافظات
5- اللى خايف على فلوسه هايأخذ مواصلات او يتحرك بحساب
يبقى كده احنا ركبنا عربية بسعرها الحقيقى ورمناها من فوق الجبل كل 4 او 6 سنين على الاكثر وعشنا مرتاحين ولا احنا مالناش نفس
انا مع الغاء الجمارك
لما الجمارك تتشال والدعم يترفع عن البنزين
الدخل القومى هيزيد و المواصلات هتغلى
فلدخل القومى مش هيتأثر بلشكل الكبير اللى احنا متخيلينه
انتم لو حسبتم الدخل القومى الناتج عن السيارات مش هيطلع الرقم المهول اللى هيفرق عن الفلوس اللى الحكومه هتاخدها من فرق رفع الدعم عن البنزين
ثانيا الحكومه تقدر تحجم موضوع شراء العربيات بوضع قرارات تلزم اى واحد يشترى عربيه بتوفير جراج للعربيه بتاعته زى الدول المتقدمه
ثالثا الناس لما تلاقى اللبنزين غلى جدا (يعنى يوصل سعر اللتر 7جنيه مثلا)
هتختفى ظاهره ان كل واحد يخرج يروح شغله بعربيته لواحده و هتلاقيه بياخد جاره او زميله معاه فى الشغل او يوصل مراته معاه زى الدول الاجنبيه ما بتعمل وكذللك فى الخروجات بدل ما يخرجوا ب 4 عربيات يخرجوا ب 2 بس (بعد كدا مقبلات نايل موتورز نحضرها فى اتوبيسات هيئه النقل !!!)
الموضوع هيتزبط لوحده بعيدا عن السرقه العلنيه ديه
وخللى بالكم انا لما ادفع 60 الف جنيه للحكومه جمارك ممكن احط ال 60 الف دوله فى البنك و بلفوايد بتاعتهم ادفع البنزين !!
والله موضوع الجمارك دا موضوع محير لان الواحد مش عارف لو اتلغت وبقت الناس فعلا ركبه عربيات كويسه احسن من الاول بس البنزين هيغلى تبقى الفايده ايه كده
هرد على نقطتين قالهم الأخوة الأعضاء :
- لو الجمارك اتشالت و العربيات رخصت الشوارع هتتزحم و مش هنعرف نمشى.
ديه حجة الحكومة, حجة الخايب,
- لو العربيات رخصت يبقى هنتخلص من العربيات القديمة و المستهلكة تماما, و بالتالى هتقل الأعطال فى الشوارع و الحوادث طبعا, و ديه بتتسبب فى جزء لا بأس به من الحوادث, و كذلك هتختفى السيارات الصينية تماما و التى تفتقد لأبسط مواصفات الأمان.
- الشارع هيضبط نفسه بنفسه, عندك مثلا لندن, الناس هناك بتسيب عربياتها تحت البيت, و تروح شغلها بالمترو, هذا لا يحدث دعما للبيئة أو اى من هذا الهراء, بل لسبب بسيط و هو أن المترو أسرع!
معنى ذلك انو الشارع هيضبط نفسه بنفسه, حاجة كده زى التوازن البيئى, لما الشوارع توصل لدرجة الاختناق, الناس تلقائيا هتسيب العربيات و تركب المواصلات, طبعا هنا دور الحكومة فى العناية بوسائل المواصلات العامة, لكن تقول لمين, رفع الجمارك أسهل!
- تخفيف الحمل على المواصلات العامة مهم جدا, فليس من المعقول أن نتحدث ليلا نهارا عن ازدحام الشوارع على سائقى السيارات المساكين, و لا نفكر فى تخفيف الضغط على راكبى الأوتوبيس و المترو.
النقطة التانية, البنزين, هل الحكومة تدعم الوقود؟
- بالمعنى العملى, لا.
لأن الحكومة بتطلع البترول من غير و لا مليم!! أيوه البترول اللى طالع من الأرض ده الحكومة مبتدفعش فيه و لا مليم, و هو ملك للشعب المصرى, و الحكومة بتبيعهولنا بالشى الفلانى!
ازاى؟
الحكومة مش بتحفر, الحكومة بتتعاقد مع شركة أجنبية عشان تنقب عن البترول, , و التكاليف كلها على الشركة الأجنبية, فى حالة عدم العثور على البترول, يبقى عوضهم على ربنا, أما فى حالة العثور على بترول, بيعملوا شراكة مع الحكومة لتقسيم البترول بنسبة 51% للحكومة و 49% للشريك الأجنبى, و بتاخد الحكومة نصيبها 51% من الانتاج البترولى, و بعد كده تبيعلنا ال51% (اللى هى اصلا جابتهم ببلاش لأن جميع تكاليف البحث و الاستكشاف دفعها الشريك الأجنبى) بأسعار فلكية.
طب ليه الحكومة بتقولنا انها بتدعم البترول؟؟!
الحكومة بتقول انها بتبيعلنا البنزين بأقل من الأسعار العالمية, يعنى لو خدت البترول باعته برا هتكسب فيه أكتر ما تبيعهولنا, و هو ده الدعم اللى الحكومة بتتكلم عنه!
يعنى بيذلونا و البترول ده بتاعنا!