السرعة القصوى للسيارة

**mamdouhharbi** · 08-03-2009 11:34 AM

محتاج رأى ملاك اللانسر... أنا معايا لانسر سوبر أكشن 1600 أتوماتيك (الشكل القديم) موديل 2009 مواصفات مصرية والعربية عاملة حوالى 12000 كم. أقصى سرعة جريت بيها كانت 140 كم على الصحراوى.... إمبارح قولت أجرب إمكانيات العربية فطلعت على الطريق وبدأت أجرى وأنا على D أقصى سرعة وصلتلها وبدون تكييف كانت 175 كم وعلى Rpm 6 والعربية مش عاوزة تزود عن كدة مع العلم إنى كنت حاطط بنزين 95 وأنا راكب لوحدى فى العربية... ياريت اللى يعرف يقولى هوة أنا ماعرفتش أستعمل العربية صح ولا أنا عندى مشكلة فى العربية ولا إية بالظبط....

**lovelorn** · 08-03-2009 10:33 PM

شوف اللينك ده كدا

http://www.nilemotors.net/Nile/showthread.php?t=63343

**ahmedel_rayies** · 16-03-2009 11:04 PM

المشاركة الأصلية كتبت بواسطة mamdouhharbi

محتاج رأى ملاك اللانسر... أنا معايا لانسر سوبر أكشن 1600 أتوماتيك (الشكل القديم) موديل 2009 مواصفات مصرية والعربية عاملة حوالى 12000 كم. أقصى سرعة جريت بيها كانت 140 كم على الصحراوى.... إمبارح قولت أجرب إمكانيات العربية فطلعت على الطريق وبدأت أجرى وأنا على D أقصى سرعة وصلتلها وبدون تكييف كانت 175 كم وعلى Rpm 6 والعربية مش عاوزة تزود عن كدة مع العلم إنى كنت حاطط بنزين 95 وأنا راكب لوحدى فى العربية... ياريت اللى يعرف يقولى هوة أنا ماعرفتش أستعمل العربية صح ولا أنا عندى مشكلة فى العربية ولا إية بالظبط....

بص بقى ياباشا
أولا: طالما إنتا عربيتك مواصفات مصرية يبقى متحطش بنزين 95 داه خالص لأنك كدا بتحرق فلوسك فقط ( المواصفات المصرية بنزين 90 أو 92) وطبعا لأننا فى مصر فبنزين 92 مضروب وبيعمل 90 أو 91، يعنى حط على طول بنزين 92.

ثانيا: أنا عشان تجيب أخر العربية فى السرعة مش لازم ال RPM يبقى على 6 كدا إنتا بتضغط على الموتور فمشهيسحب معاك خالص.

عشان تجيب السرعة القصوي خليك ماشى باقيادة الرياضية يعنى تحرق الغيارات، إزاى بقى !!!

متخليش رجلك ثابتة على الدواسة من أول ماتصلح بالعربية يعنى أول ماتتحرك دوس بنزين إطلع على 4 RPM ثم شيل رجلك ودوس تانى بسرعة عشان تنقل الترس وهكذا وأول ماتعدي ال 140 خليك فى ال RPM مابين 5.5 وتنزل لـ 4 ثم تزود تانى لغاية مالسرعة تطلع معاك.

كدا هتلاقيك ماشى على 200 وال RPM على 4.2 أو على على الأكثر 4.5 .

وقولى عملت إيه

**lovelorn** · 17-03-2009 01:45 AM

نصيحة أخوية مش أكتر .. بلاش تمشى على اكتر من 140 فى مصر عشان الطرق بتاعتنا مش بتسمح بكده وكمان عشان حاجة بسيطة كده ( كل برغوت على قد دمه ) يعنى متجيش انتا تركبلى لانسر وعايز تجيب 220 أمال اللى راكب bmw , mercedes والبلاوى دى يمشوا على كام ؟؟ّ!!!

معلش انتا يوم ما تطلعلك حاجة فاجئة حيكون قدامك مصير من اتنين :
1- ترشأ زى المعلم وتروح العربية وتطلع سليم
2- ترشأ زى المعلم برده بس انتا اللى تروح مع العربية

انا حقولك على حادثة حصلت قدام عينى فى الطريق الصحراوى :

انا ماشى على الشمال على 120 وشايف لانسر جى من ورا على اليمين طاير وعدانى زى الطلقة يعنى قول بالميت ماشى 180 وفاجئة لقيتوا جى ناحية اليمين .. انا قلت يمكن حيمسك الحارة الوسطى أو الشمال ... بس الباشا رشأ فى الجزيرة .. روحت راكن العربية ونزلت لقيت وش العربية للطريق ( العربية لفت ) والأصعب بقى ان فى بنت معاه طارت من الزجاج الجانبى وماتت وموصفلكش الموقف انك تشوف حد ميت قدامك وعينه مبرقة كده ...

انا ساعتها اتصدمت من المنظر .. ل 3 أسباب :
1- العربية : لانسر
2- اللون : شامبين
3-الكاسيت : كينوود نفس اللى انا مركبه

يعنى توأم عربيتى .. حسيت انه انذار كده من ربنا .

عموما دى وجهة نظرى .. ونصيحة يا اما تقبلها أو ترفضها ... حاجة ترجعلك ..

**Ahmed Hassan** · 17-03-2009 02:07 AM

المشاركة الأصلية كتبت بواسطة ahmedel_rayies

بص بقى ياباشا
أولا: طالما إنتا عربيتك مواصفات مصرية يبقى متحطش بنزين 95 داه خالص لأنك كدا بتحرق فلوسك فقط ( المواصفات المصرية بنزين 90 أو 92) وطبعا لأننا فى مصر فبنزين 92 مضروب وبيعمل 90 أو 91، يعنى حط على طول بنزين 92.

ثانيا: أنا عشان تجيب أخر العربية فى السرعة مش لازم ال RPM يبقى على 6 كدا إنتا بتضغط على الموتور فمشهيسحب معاك خالص.

عشان تجيب السرعة القصوي خليك ماشى باقيادة الرياضية يعنى تحرق الغيارات، إزاى بقى !!!

متخليش رجلك ثابتة على الدواسة من أول ماتصلح بالعربية يعنى أول ماتتحرك دوس بنزين إطلع على 4 RPM ثم شيل رجلك ودوس تانى بسرعة عشان تنقل الترس وهكذا وأول ماتعدي ال 140 خليك فى ال RPM مابين 5.5 وتنزل لـ 4 ثم تزود تانى لغاية مالسرعة تطلع معاك.

كدا هتلاقيك ماشى على 200 وال RPM على 4.2 أو على على الأكثر 4.5 .

وقولى عملت إيه

ممكن حضرتك تشرلحنا السبب العلمي اللي بيخلي العربيه تجري لما نعمل الطريقه دي؟

**mohamedway** · 17-03-2009 09:48 AM

سرعه عربيتك فى الكتالوج 170 كم /س وراجع الكتالوج كويس و شوف السرعه القصوى لل1600 أتوماتك وانت ما شاء الله كسرت السرعه القصوى بمقدار 5 كم/س بحالهم......عاوز ايه تانى..... سيبك من الناس اللى بتقول انها جابت بعربيات أخت عربيتك سرعات 200 و 210 كم/س والكلام ده و على فكره هم صادقين بس الموضوع ده بيعتمد على ظروف ميل الطريق و اتجاه الرياح و غيره.

أنا عربيتى 1600 مانوال مواصفات مصريه و أقصى سرعه جبتها كانت 190 كم/س و ما زادتش عن كده خالص و طبيعى ان المانوال تجيب سرعه اكتر من الاتوماتك فى اى عربيه فى الدنيا.

**mohamedway** · 17-03-2009 10:11 AM

فعلا 140 كم/س أقصى سرعه ممكن نقول عليها تجاوزا انها أمان حتى لو العربيه مرسيدس أو بى ام و الموضوع مالوش علاقه بالاستابلتى خالص الموضوع له علاقه بالمفاجئات اللى بتحصل خصوصا فى مصر وعلى فكره انا من هواه السرعه والكلام اللى انا قولته ده لسه مقتنع بيه قريب بس من كتر الحوادث اللى بنشوفها و بعد ما رزقنى الله بطفله هديت اكتر و ال140 ده كمان ما بامشيش عليها الا لو الطريق فعلا مناسب للسرعه ده. على فكره لو الموضوع له علاقه بحب معرفه قدرات العربيه أنا بأقدر أعرف من سحب العربيه اذا كانت ممكن تجيب أقصى سرعه ليها اللى انا اعرفها ولا لأ من غير ما أجيبها فعليا و كذلك الاستابلتى(العربيه بتبان من أول وهله وهى على سرعات مش عاليه قوى اذا كانت قادره ولا لأ) و بصراحه المخاطره مالهاش لازمه.

**just_poss** · 17-03-2009 10:59 AM

المشاركة الأصلية كتبت بواسطة lovelorn

نصيحة أخوية مش أكتر .. بلاش تمشى على اكتر من 140 فى مصر عشان الطرق بتاعتنا مش بتسمح بكده وكمان عشان حاجة بسيطة كده ( كل برغوت على قد دمه ) يعنى متجيش انتا تركبلى لانسر وعايز تجيب 220 أمال اللى راكب bmw , mercedes والبلاوى دى يمشوا على كام ؟؟ّ!!!

معلش انتا يوم ما تطلعلك حاجة فاجئة حيكون قدامك مصير من اتنين :
1- ترشأ زى المعلم وتروح العربية وتطلع سليم
2- ترشأ زى المعلم برده بس انتا اللى تروح مع العربية

انا حقولك على حادثة حصلت قدام عينى فى الطريق الصحراوى :

انا ماشى على الشمال على 120 وشايف لانسر جى من ورا على اليمين طاير وعدانى زى الطلقة يعنى قول بالميت ماشى 180 وفاجئة لقيتوا جى ناحية اليمين .. انا قلت يمكن حيمسك الحارة الوسطى أو الشمال ... بس الباشا رشأ فى الجزيرة .. روحت راكن العربية ونزلت لقيت وش العربية للطريق ( العربية لفت ) والأصعب بقى ان فى بنت معاه طارت من الزجاج الجانبى وماتت وموصفلكش الموقف انك تشوف حد ميت قدامك وعينه مبرقة كده ...

انا ساعتها اتصدمت من المنظر .. ل 3 أسباب :
1- العربية : لانسر
2- اللون : شامبين
3-الكاسيت : كينوود نفس اللى انا مركبه

يعنى توأم عربيتى .. حسيت انه انذار كده من ربنا .

عموما دى وجهة نظرى .. ونصيحة يا اما تقبلها أو ترفضها ... حاجة ترجعلك ..

أحييك وأشكرك وأتفق معاك في الكلام ده

**ahmedel_rayies** · 17-03-2009 11:14 AM

المشاركة الأصلية كتبت بواسطة Ahmed Hassan

ممكن حضرتك تشرلحنا السبب العلمي اللي بيخلي العربيه تجري لما نعمل الطريقه دي؟

إنتا كدا مش بتخلى الفتيس ينقل على التروس براحتك بس بتخليه ينقل بشكل أسرعة زي المانيوال + إنك بتحرق الغيار لأخرة وياسلام بقى لو تستغل منحدر ولا حاجة على الطريق يشد معاك السرعة أكتر.

وبيبنى وبينك فى التأنى السلامة وفى العجلة الندامة، ربنا يسترها معانا جميعا.

**lovelorn** · 17-03-2009 02:34 PM

أحييك وأشكرك وأتفق معاك في الكلام ده

شكرا جدا على ذوق حضرتك

طبيعى ان المانوال تجيب سرعه اكتر من الاتوماتك فى اى عربيه فى الدنيا.

كلام مضبوط 100% .. انا فى الأوتوماتيك اقصى حاجة جبتها كانت 180 وكنت على الD ومفكرتش ازود ولا حتى انى اجيبها تانى وكان السبب هى عربية bmw 7 series كنت حموت واشوفها فا طبعا الكثير من تنعير صوت الموتور ومطبات الهواء لغاية ما بقيت ماشى معاه ولما بقيت جانبه تقريبا هو ريح الجزمة على بدال البنزين واختفى من جانبى " أكيد كان وصل اسكندرية "

يعنى زى ما قلت بالكتير 140 اذا كانت طبيعة الطريق تسمح

وعلى فكرة والله مش معنى انك تمشى بسرعة انك توصل بسرعة , يعنى فى يوم كنت مسافر القاهرة ومستعجل لدرجة انى خدت الطريق كله من أول كارفور ل كارفور فى ساعة و 12 دقيقة بس وقفت فى الأشارة لمدة نص ساعة تقريبا عشان كانت زحمة وقفلت عليا 4 مرات أو أكتر

مع العلم انى بعشق السواقة بسرعة , بس الصراحة العمر والفلوس مش بعزئة .. و يا روح ما بعدك روح .

الموضوع: السرعة القصوى للسيارة

LinkBack

أدوات الموضوع

عرض

-

-

-

-

المواضيع المتشابهه

ما هي السرعة القصوى للشارك ؟

السرعة القصوى للمازدا 3

السرعة القصوى للنيواكسنت

استفسار بخصوص السرعة القصوى

شوف السرعة القصوى للسيارة بوجاتى فيــــرون 1001 حصان

الكلمات الدلالية لهذا الموضوع

المفضلات

المفضلات

ضوابط المشاركة