موضوع كويس
شكرا
عرض للطباعة
موضوع كويس
شكرا
أنا بقا وبلا فخر دفعت 4 مخالفات رادار فى أسبوعين ، منهم 3 فى يوم واحد !!
طريق القاهرة إسكنرية الصحراوى: فيه أكتر من رادار 2 وأحياناً 3 ، وأكبر خطأ إنك تجرى بعد لما تعدى أول كمين رادار
طريق العين السخنة : السرعة القانونية 120 وأحياناً فيه 2 رادار ورا بعض عن تجربة ، المشكلة أول لما الطريق الجديد ينتهى وبتاخد يمين على الطريق الموازى للبحر ، الحتة دى السرعة فيها 90 وبتبا اللجنة واقفة فيها دايماااااااااااااا لأنها قدام النقطة بتاعتهم وفى مكان عبقرى بتبقا لسة خارج من طريق 120 وغالبا وبتلبس الرادار ده
طريق البحر الأحمر : من العين السخنة الزعفرانة لا يوجد رادارات (محافظة السويس) ، بعد راس غارب وحتى الغردقة يوجد رادارين واحد بعد راس غارب ب 40-50 كيلو كدة والتانى بعده على طول ب 40-50 كيلو كمان عشان اللى بيعدى على الكمين بيفتح بعدها ويلبس التانى ودول تبع محافظة ومرور البحر الأحمر
إسكندرية الزراعى : الرادار المشهور قبل طنطا وإنت رايح من القاهرة ، بس ماعرفش بعد طنطا فيه إيه ، بس حلاوة الطريق ده إن اللى جاى فى المعاكس بيعمل فرح بالعالى ويعرفك قبل ما تدخل على الرادار
الجديد بقا : رادارات متحركة داخل عربيات الدورية الجديدة ال 4×4 البيضا وبخط أصفر فوسوفورى مش فاكر نوعها كان إيه ، المهم الرادار جوا العربية وشوفتوا بعينى وأنا بكلم الظابط اللى راكبها وبتصور وخى ماشية بأى سرعة أو راكنة أو فى أى وضع ـ فأول لما تشوفها قدامك لازم تهدى وتطلع منه وإنت قانونى لحد ماتسيبه بمسافة كافية
في رادار على اسكندريه الصحراوي وانت طالع من اسكندريه بعد الكارته لحد نقطه (الكيلو 74 ) 50% من العربيات بيتمسكوا فيه وانا شخصيا اتمسكت فيه ..واحيانا بيبقى فيه رادار بعديه عالطول في الكيلو 94 تقريبا وبعد كده ماعرفش اذا كان فيه رادار ولا لا
عندك بردو رادار على الكورنيش اسفل الدائري و انت رايح على المعادي كدا
و الراجل بيكون مكانة بالظبط تحت الكوبري عند نادي المحاميين
انا كل يوم اعدي و اسلم علية من بعيد ( مساء الفل يا ريس )
و طبعا بكون ماشي على 20
و اللي يعدي ال 60 يلبس مخالفة
نسيت اقولكم على المعاد بيكون بعد الساعة 12 باليل كدا الدنيا بتكون رايقة
واحد صحبي لبس مخالفة فية كان ماشي بسرعة جنونية حوالي 78 كيلو في الساعة و طبعا بيعرض حياة الابرياء للخطر عشان كدا لبس مخالفة ب 150 ج و طبعا راح اتفسح هناك في الدراسة و كانت زحمة جامدة اوي و اليوم راح
طريق القاهره بعد كوبري قويسنا بحوالي كيلو في اتجاه القاهره وده تقريبا موجود لحد الساعه خمسه وانا اتمسكت فيه قبل كده 96 كيلو:_Alshmokh08[1]:
وهذه بعض الأماكن بالموضوع التالي:
http://www.nilemotors.net/Nile/showthread.php?t=6659
[QUOTE=Sameh;704204]
طريق القاهرة إسكنرية الصحراوى: فيه أكتر من رادار 2 وأحياناً 3 ، وأكبر خطأ إنك تجرى بعد لما تعدى أول كمين رادار
بتفكرنى مرة كان فيه كمين على اسكندرية الصحراوى قبل السادات و كله بعد الكمين داس ، 9 كيلو بالظبط و الكمين التانى كان بيستقبل العربيات .
تسلم على الموضوع ياباشا
طلايق الاسماعيليه الصحراوي في رادارين رادار عند كاكتوس ولا كوكتوس و في واحد قبل المركز الطبي العالمي والكمين بتاع اللجنه عند مكان الكمين بتاعهم فمدخل العاشر انما بعد العاشر من رمضان معرفش ايه الرادارات الموجوده