حصل خير ومنة للة الى كان السبب:10D5C8~1107:
شكرا لحضرتك
عرض للطباعة
يا مصري إختشي عيب !!!!!
على فكرة انا بلاحظ ان اكتر ناس محترمه وملتزمه فى سواقتها هى المحافظات التانيه وليس اهل القاهره ده حتى البيجو والميكروباصات بتاعتهم بتلتزم عننا والله
شكرا لعضو اشرف فتحي علي الموضوع المتميز دة....ويا جماعة اعتقد انه ما يقصدش اهانة الفلاحين بالعكس هو يقصد ان الشهامة والنخوة والحياء المعروفين عن اهالي هذه المناطق تجعل من المستغرب اكثر ان ياتي احد افرادها بهذه الافعال لان المدن الكبري مثل القاهرة والاسكندرية للاسف اختلط فيها الحابل بالنابل منذ زمن واصبح الغث والردئ يغلب علي الطيب والحسن وبقيت هذه المناطق في امان من هذا التغير حتي وقت قريب اعتقد ان العضو يستحث فينا هذه الصفات الجميلة ولا يسخر من الفلاحين....ومن منا لا يوجد في جذوره جذر من فلاحي الارض الطيبة؟؟؟؟وعلي فكرة انا من الصعيد ومن مدينة لا تري فيها اي فتاة مسلمة غير محجبة وان وجد فيعتبر هذا من العار.....
انا حاسس زى مكون فمعركة شرسة!!! يا جماعة صاحب الموضوع لا يقصد اهانة الفلاحين وهو لان ببساطة كلانا فلاحين ومن جذور صعيدية حتى صاحب الموضوع ..احنا هاجمنا الراجل زى ميكون عمل عملة وانة اخطا خطا كبير ميصحش يعملة ..هو حاول يوصل لينا كقاهريين ان المفروض اهل المحافظات التانية يكونو غيرنا فبعض تصرفتنا وهو واضح انة انزعج جدا من علامة البلاى بوى اللى محطوطة على ملاكى شرقية لكن هو لا يقصد اهانة الفلاح او الصعيدى لاننا كلنا فلاحين وصعايدة واولهم صاحب الموضوع ..والاخ audi اللى بيقولة اختشى عيب انا عاوز اقولك يختشى لية هو شتم حد ولا اهان حد منا عشان تقولة اختشى عيب ياريت يا جماعة بلاش نفترى على بعض ونظلم بعض لاننا كلنا فالاخر اخوات ونعتبر اسرة وحدة ..هو ممكن يكون التعبير خانو بس فعنوان الموضوع بس دة بردو ميدناش الحق اننا نهاجمو بالطريقة دى ونغلط فى.. كلنا هنا اخوات وحبايب والله انا بحس فالمنتدى اننا زى منكون قرايب ومن عيلة وحدة وبنتكلم على الشات ..وشكرا للاخ اشرف صاحب الموضوع وشكرا لجميع اللى شاركو
بصراحة مع احترامي للجميع انا قريت اول 4 او 5 ردود واكتفيت الناس قلبت الموضوع عن كلمة ريف او فلاحين وسابت اللي أ\ اشرف يقصده وهو انه يقصد يعني خلاص مبقاش في غير حمادة وسوسو في مصر !!
يعني كله هيمشي بدون حياء الي اختفي من القاهره والاسكندريه والتلفزيون طبعا طبعا يعني فزعل طبعا لانه اكيد بالعكس بيحب تقاليد الاماكن التانية الي متربية عيلة ورا عيلة وعندها عاداتها وتقاليدها الي ليها حدود مهما كان ......... انما هو بيقصد الحدود دى مبقتش ولا ايه بقي كله كدة ؟؟
يارب يكون دة القصد
وعلي فكره انا بحييك علي صراحتك وهي حاجه تضايق علي اد ما هي بقت حاجه الواحد مبيحطهاش فدماغه من كترها !
وانا من الشرقية
مافيش فايدة!! كلاكيت عاشر مرة الصورة النمطية أو stereotype بتاع سكان الأقاليم، ابقوا قابلوني لو حد عرف يغيره
# انت منين يا حليم؟
- من الشرقية
# نزلت الترعة؟
وصلت ياباشاا ... الموضوع مضمونة حلو يا جماعة (لكن العنوان مستفز )
بس انا معاك فى كل الى قولتة ....
الحمد لله
الظاهر كانت الغلطه فى العنوان اللى حرك العداوه عند اللى يقرأ الموضوع قبل ما يقراه او يفهم قصدى
اشكر الساده مشرفى القسم ولجنه فض المنازعات لتغيير العنوان
واشكر الاخوه المشاركين بارأءهم على صبرهم وتفهمهم
واعتذر للاخوه اللى فهموا قصدى غلط عن سوء الفهم ده
والسلام عليكم
مش عارف أقول لحضرتك إيه بس أول رد دا بتاع mobitek قال المفيد
بس أحب أقول إن القانون الجديد لم يطبق عندنا عشان محدش عندنا بيعمل الحاجات الممنوعة الى فى القانون غير هما عربية أو إتنين بالكتير عشان هنا بيعتبروها إسفاف زى الفامية و يقلب العربية حجرة نوم و الستائر الخلفية الى عليها رومات غير واحد بس و كان حاطط صورة جنية
انت وصلت للى قصدى عليه
عربيه او اتنين معروفين يعنى ممكن نقولهم عيب
لكن لما يبقوا عشرين عربيه هاتقول لمين ومين هايسمعلك؟
لما تلاقى العربيه على الزجاج فداك ابى وامى يا رسول الله وتلاقى على الشنطه جنب النمر علامه the finger يبقى اللى سايق ده فاهم حاجه فى اى حاجه؟؟
بعيد عن العربيه منين وبتاعه مين
لكن المؤلم لما يكون اللى سايق مش حماده ولا سوسو
ده اللى سايق احمد وعبد الهادى ود.فلان وباشمهاندس فلان وابن الحاج فلان واخو الاستاذ فلان يعنى ابن ناس مش ميمى ولا سوسو اللى برضه ولاد ناس بس مش ناس زينا!
انا ليا جد كان مع الناس اللى حفروا فى قناه السويس
واب اصيب بشظيه كان فى الدفاع الجوى فى 73
وليا خال استشهد فى حرب الاستنزاف
وابن خال من الاسرى المفقودين فى 73
وام علمتنا ازاى نصلى واحنا عندنا 5 سنين
وعم حفظ القرآن وهو طفل وسموه الشيخ فلان
وبناتى دخلتهم مدارس ازهرى عشان يتعلموا اصول دينهم جنب الانجلش والساينس
وبصحى الصبح اقول يارب ارزقنى بالحلال زى الشيخ ما قلنا فى الجامع
وبخرج وشايل هم نفسى ومش ناقص هم غيرى
يعنى مستحمل اللى بشوفه كل يوم وقول معلش مش كل البلد كده لسه فى ناس طيبين
لسه فى ناس عارفين الصح والغلط
لسه فى حاجه اسمها عيب
مش كل الناس فاتحه الدرج
مش كل الناس ماشيه بالوسطه
لسه فى خير فى مصر
ياترى وصلت؟؟؟
و صلت فكرة حضرتك حضرتك مستأ إن الى المفروض إنهم ناس كويسة فيهم ناس بيعملوا حركات قرعة على العربية
بس أنا أوكدلك إن لسه فى خير و إذا كان مش عارف معنى الى ملزوق بيتشال لما بيعرف بس هو بيبقى طيش شباب
حضرتك عاوز تغير "عرف الريف المصري" ؟؟ ده شيء مستحيل تغيره .. انا واحد من ضمن الناس اللي بامشي في الشارع بيقولو عليا ابن المهندس فلان و انا شخصياً بامشي في الشارع باقول اهه ده فلان ابن فلان و الدكتور علان و المعلم زيدان .. ده عرف الاقاليم المصريه اللي حضرتك عاوز تغيره .. مش دي القضيه .. القضيه في الاجيال الجديده اللي معندهمش احترام للعرف !
العرف جزء لا يجزاء من الحياه اليوميه في الريف .. العرف ده دستور الاقاليم الاول و الدستور الحكومي ده شيء جانبي .. لكن للاسف بقي .. اللي بيحصل دلوقتي لا احترام للعرف ولا احترام للدستور و ده مخلي البلد في انهيار مستمر !
العيب مش في العرف .. العيب في عدم احترام العرف !
برضه الفلاح فلاح يعنى كل اللى انفعلوا دول على راسهم بطحه وسخنوا اوى والراجل حيبوس ايديكوا ويقول لكم مش قصدى مش قصدى وواحد يقول داخلنا الصرف الصحى والغاز وواحد يقول طريقنا احلى من مدخل القاهره ده تلاقيه كده من قله المشى فيه وكل اللى انفعلوا دول حاسين بنقصهم مع انى مش شايف ان الراجل غلط فى الفلاحين ولا الصعايده بس نقول ايه بقى للمخاخ ربنا يكون فى عونكم وربنا يهديكم وتفتحوا مخكم شويه كده
اعتقد استاذ اشرف لما ذكر بلاد الفلاحين والصعايدة مكنش يقصد الاهانة بل بالعكس الراجل قصده ان ديه بلاد الاصول والطباع الحميدة اللي احنا مفتقدنها في الزمن الصعب
بالاضافة وديه متزعلش حد العواصم في اي بلد على مستوى العالم هي الاكثر تقدم لأنها الاكثر احتكاك بالعالم الخارجي (مش عن طريق الدش طبعا) وانا مش من القاهرة وبقول فعلا القاهرة اكثر تقدم وديه لا تنقص من قدرمدينتي
لازم نعترف ياجماعة ان في تقليد اعمى في كل مكان وكل مكان في الكويس والوحش
وياريت كنا نتكلم عن المشكلة الاصلية بدل ما احنا قلبنها اهلي وزمالك واسماعيلي
شكرا يا استاذ اشرف على موضوع حضرتك الجميل
وكل سنة وانت كلكم طيبين
الف شكر يا راجل وتسلم ايدك ويا ريت كلنا نبقى كدة ونلفظ الاشياء دى من وسطنا والله الراجل يقصد كل خير