-
رنجات جنوط اسبور
من حوالى سنة ركبت جنوط اسبور لسيارتى 127 نصر 1982 وبعد التركيب شعرت برجرجة شديدة وكأنى مركب جنوط بايظة مع انها مترصصة ، المهم رجعت للراجل قالى هركبلك رنجات وجاب حلقات بلاستيك كده وركبها وهى دى الرنجات لان الجنط فتحته اكبر من الفتحة اللى فى الطنبور لكن المشكله انه الرنجات دى كانت ضيقة شويه فالراجل جاب شينيور وقعد ياكل منها شويه عشان تركب بس طبعا متظبتش اوى معاه وبقى فيها عالى وواطى وده محسسنى انى مهما ارصص العربية مش مظبوطة مع السرعات العالية ، ومن ساعتها مش لاقى حد ببيع رنجات ورحت القاهرة عند اويل سيل مصر وناس كتير ومش لاقى اعمل ايه هل تنصحونى بعمل رنجات عند الخراط ولو هعمل اعملها بلاستيك ولا احسن اعمها معدن ؟ لو حد يعرف اروح لمين يقولى فى الاسكندرية او القاهرة ... مع اعتذارى طولت عليكم
-
خراط يا باشا و معدن علطول الناس بتغير البلاستيك عشان بيتكسرو ب المعدن ..
ربنا معاك ..
-
عند بتوع الأستيراد رينجات الومنويم او خراط يعملها الومنيوم محمل او تيفلون مع رينج صلب يمسكها و مش هتتكلف كتير
-
الف شكر لردودكم الغالية ، مع خالص تحياتى
-
روح لورشة خراطة يعملك اربع رنجات الومنيوم و بالمقاس طبعا و دول حيظبطوا العربية معاك .
-
شكرا للردود وإن شاء الله هروح لخراط
-
انا رحت لخراط النهاردة وقالى متنفعش اي حاجة غير تفلون فرحت لواحد بتاع جنوط جبت اربع رنجات تفلون لونهم ابيض كده وعاملين زى البلاستيك واخذ بالعافية 40 جنيه على الرغم من ان شكلهم مايجبش 5 جنيه بس بصراحة فرقت جدا معايا ومفيش الرجرجة الى كانت الاول ، و لسه كمان مرصصتش .
-
طقم الرنجات النظيف بيجى مع الجنوط وانا لما جيبت الجنوط ركبتة معها وكان بتاعها وعلى فكرة الطقم لما بيجى لوحدة بيبقى تمنة 120 جنية وغالى جدا بس جامد جدا ومابيتكسرش بسهولة
-
انا اصل جبت الجنوط من واحد حرامى ماكنش عايز يدينى المسامير بتاعت الجنط ومركبش رنجات غير لما رجعتلوا تانى يوم وقلتلوا ان الجنوط وحشة وبوظت اتزان العربية ركبلى رنجات مقاس غلط وقعد يوسعهم وكان عايز 60 جنيه . على فكرة المحل ده اسمه الصفوة فى شارع بورسعيد - الاسكندرية _ ياريت كل الناس تاخد بالها لو هتتعامل مع المحل ده .
-
ممكن اعرف اشريت الجنوط بكام ومقاسهم ايه
Content Relevant URLs by
vBSEO 3.6.0 PL2