ارفع سروالك يا ولد..!! (وائل عطية)

**sokasoon** · 03-09-2007 07:04 PM

والله يا جماعة نصحت شباب كتير وولا اكنى قولت حاجة

واوضح الموضوع ليهم اكثر وافهمهم ان فى امريكا اللى

بيبقا لابس كده بيسموه ايه وعلامة على ايه وابدا ولا اكنك بتفهم حد

ولما ما الاقيش فايدة اسخر منه امام اصحابة يمكن يغير ويبطل

الموضوع ده وهو ابدا راسه والف جزمة انو مايغيرش العادة ديه

ومش كده وبس البناطيل الطويلة اللى بيمسح بيها الشارع

والبنات بالذات فى الموضوع ده تمشى تنضف الشارع بالبنطلون

وربنا يهديهم يارب وشكراا يا وائل على فتح الموضوع الممتاز ده

**معاذ الشرباصى** · 03-09-2007 07:08 PM

فى موضة كمان, بس منتشرة اكتر فى الاوساط الغنية

ان ماركة ال Underwear تبقى طالعة لبره (ال تيكت يعنى) و دى منتشرة اكتر فى البنات

علشان الناس تبقى عارفة الماركة و طبعا التمن غلاى و خلافه....

ربنا يهدى الناس دى

**وائل عطية** · 03-09-2007 07:48 PM

شكراً ياجماعة على تفاعلكم مع الموضوع الخطير دا، ودا المنتظر من ناس محترمة أمثال حضراتكم
أنا قصدت أفتح الموضوع دا بسبب حالة القرف والضيق اللي بتنتابني كل ما أشوف منظر مُهين زي دا وباسأل نفسي يا ترى هايبقى حال أولادي إيه (لسه صغيرين) ؟؟!!
هل ربنا هايعيني على تربيتهم على الخلق الحسن، وعلى الحياء وحب ستر العورات وعدم التقليد الأعمى ، وخصوصاً في هذا العصر الذي قُلبت فيه الموازين، وتحقق فيه قول رسول الله (ص) فأصبح الممسك على دينه كالقابض على الجمر !!!!!!!
اللهم استر عوراتنا وعورات أبنائنا وشباب المسلمين أجمعين

**waleedabbas** · 03-09-2007 08:09 PM

فعلا ياجماعة عندكوا حق بجد تمام يا استاذ وائل حضرتك قلت ال فى نفسى وفى نفس كل ال زينا وخصوصا من جيلنا
صحيح احنا مش جيل كبير اوى وبرضه كنا ومازلنا بنهتم بالموضه الى حد ما لكن الحمد لله عمرنا ماكنا نتخيل ان الموضه توصل للشكل المقزز ده
الحمد لله انا مفيش اى حد من اصحابى ولا معارفى بيحب المنظر ولا ممكن يعمله
ربنا يهدينا ويهدى شبابنا

**MOHAMED SERAG** · 04-09-2007 09:21 AM

الموضوع ده علامة من علامات قوم لوط
وبعدين لما الانر ورور يبقى باين وبعدين ممكن يبين حاجة تانية يبقى .........
ربنا يهدى الشباب اللى مخها تعبان زى دول

**ابوحميد** · 04-09-2007 04:02 PM

على فكرة يا هيرو انا سمعت بس بصراحة مش متاكد من المعلومة دية ان الموضة دى قبل ما تنتشر فى امريكا كانت مخصصة لشباب المثليين
ربنا يعافينا واياكم

**analyzer** · 04-09-2007 04:22 PM

ربنا يرحمنا برحمته من هولاء وهواء
اخوتى الاعزاء فى المنتدى اسمحو لى ان اقولك على شئ : كان عندى مؤتمر فى رمسيس هلتون الى فى عبدالمنعم رياض من يوم الاحد ولسه مخلص الان
وانا فى الفندق كنت حاسس ان غضب ربنا هينزل علينا والارض هتتشق وتبلع الفندق والى فيه
باختصار شديد ( سوق نخاسه زى بتاع الجاهليه ) خاصة للعرب والخليجيين . يشاور ثم يتفق ثم يطلعور فوق ثم الله اعلم بعد كده ايه ده الى انا شوفته بعينى ومحدش قالى .
ربنا يرحمنا برحمته

**oshy** · 04-09-2007 06:35 PM

المشاركة الأصلية كتبت بواسطة analyzer

ربنا يرحمنا برحمته من هولاء وهواء
اخوتى الاعزاء فى المنتدى اسمحو لى ان اقولك على شئ : كان عندى مؤتمر فى رمسيس هلتون الى فى عبدالمنعم رياض من يوم الاحد ولسه مخلص الان
وانا فى الفندق كنت حاسس ان غضب ربنا هينزل علينا والارض هتتشق وتبلع الفندق والى فيه
باختصار شديد ( سوق نخاسه زى بتاع الجاهليه ) خاصة للعرب والخليجيين . يشاور ثم يتفق ثم يطلعور فوق ثم الله اعلم بعد كده ايه ده الى انا شوفته بعينى ومحدش قالى .
ربنا يرحمنا برحمته

يا ريت توضح يا مان

**PRO-DRIVE** · 04-09-2007 06:43 PM

باينه زي الشمس :mrgreen: :mrgreen: عموما كل السياحه اللي في الدنيا يا اما عشان ... يا اما سياحه علاجيه
لكن زياره الاثار و الحجات دي من باب تغيير الجو الا من رحم ربي

**Dr Ahmed** · 04-09-2007 06:53 PM

ياترى إيه الخطوة الجاية؟؟

الموضة دى تندحر وتختفى وللا هتتطور لأزفت منها؟؟

ولحد أمتى هيفضل بعض الشباب يقلدوا الغرب فى أسوأ ما عندهم؟

فيه حديث بليغ للرسول عليه الصلاة والسلام يتحدث عن تقليد بعض أمته لغيرهم آخر الزمان قال فيه (ولو دخلوا جحر ضب لدخلتموه) .. يعنى لسه هنشوف .. لأنه لا ينطق عن الهوى.

الموضوع: ارفع سروالك يا ولد..!! (وائل عطية)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

التعــذيـــــب !! (وائل عطية)

20 نكته...!! (وائل عطية)

أفلام !! (وائل عطية)

10 نكت !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة