مساعده

**hkyfgvyiyu** · 08-03-2009 04:01 PM

ممكن حضرتكو تساعدونى ازاى اسافر اليكس لو اعتبرنا انى واقف بالعربيه فى وسط البلد اروح فين بعديها لحد موصل لطريق مصر اسكندرايه الزراعى والصحراوى لو مفهاش تعب ياريت تساعدونى شكرا:k38:

**hkyfgvyiyu** · 08-03-2009 04:57 PM

ايه يا جدعان محدش بيسافر اسكدنريه خالص:K_crying[1]:

**M.Osama** · 08-03-2009 07:48 PM

انا معرفش الطريق من وسط البلد ومش عارف اشمعني اخترت وسط البلد يعني

عامة لو عاوز الزراعي حتطلع الدائري وتنزل منزل الاسكندريه الزراعي ونفس الكلام لو حتنزل الصحراوي حتلاقي النزله مكتوب عليها

المشكله اني معرفش تطلع الدائري منين عشان كدا مش عارف اوصفلك بالظبط

**hkyfgvyiyu** · 08-03-2009 10:32 PM

شكرا يا باشا ومنتظر المساعده من باقى الاعضاء

08-03-2009 10:46 PM

من ميدان لبنان (المهندسين) تطلع محور 26 يوليو .... إما تكمل طوالي في إتجاه مدينة 6 أكتوبر تلاقي منزل يمين للصحراوي
أو بعد ميدان لبنان برضه من المحور ممكن تطلع يمين (و متكملش في إتجاه 6 أكتوبر) على الدائري راقب العلامات الإرشادية تلاقي منزل الزراعي تقريباً مسافة 10 كم.
أرجو أن أكون أضفت شئ لحضرتك.

**heshaaam** · 09-03-2009 06:37 AM

انت واقف ع يمينك صيدلية الاسعاف ف وقدامك ميكروباصات وش 26 يوليو ف بولاق ابو العلا هتدخل ف بولاق ابو العلا بحيث المعهد الايطالى ع شمالك وشركة الكهربا ع يمينك تفضل ع طول وتطلع كوبرى اللى هيقابلك (15 مايو)وتفضل ع طول متنزلش اى منزل لغاية مالكوبرى ينزل بيك وتلاقى نادى الزمالك ع شمالك وكوبرى قدامك ( المحور)تطلعه وتكمل ع ططول وملكش دعوة بتقاطعات او تقاطع سيبك منه وبعد كده هتلاقى منزل ع اليمين مكتوب عليه مصر اسكندرية الصحراوى انزل فيه تبقى جوة طريق مصر - اسكندرية

الخلاصة من ش 26 يوليو طوالى دون اى لف حتى منزل اسكندرية الصحراوى اللى هو ع المحور ف اليمين قبل منزل الشيخ زايد

ولو عايز الزراعى نفس الطريق بس بعد ماتطلع المحور بشوية هتلاقى تقاطع ( الدائرى) مكتوب عليه اسكندرية الزراعى و الوراق
بس الصحراوى انضف واسرع وهتعدى ع القرية الذكية وكارفور وماستر

**wesam_salom** · 09-03-2009 01:27 PM

لو انت فى وسط البلد

تعرف تروح رمسيس

وبعدها شارع احمد حلمى على طول

هتعدى على موقف عبود

كمل على طول

انت كده على الزراعى

اسكندريه 220 كيلو

لو تعرف تطلع على الكورنيش

كمل يمين على طول
هيخلص الكورنيش

وهتلاقى نفسك اجبارى يمين

هتلاقى نفسك على الزراعى

لو عاوز الصحراوى يبقى من الدائرى اسهل

**hkyfgvyiyu** · 10-03-2009 01:36 AM

شكرا ليكم اخوانى بالفعل افدتونى

**Amo0o0oRa** · 11-03-2009 06:39 PM

هشام باشا

بس لو صيدليه الاسعاف على يمينك مش هتعرف تدخل شارع 26 يوليو لانه هيبقى فى وشك والطريق هياخدك شمال من تحت كوبرى اكتوبر..

ممكن تكمل مع الطريق تحت الكوبرى لحد ما توصل للكورنيش وتاخد يمين هتعدى من قدام مبنى الاذاعه والتيفزيون لحد ما هتوصل لمطلع كوبرى مايو....

وبعد كده نفس الوصفه

وشكرا ليك يا باشا